San Juan 16:22 - Ti Biblia (1973)

²² Ket dacay ngarud ita adda ladingityo: ngem makitacayto manen ket agragsacto ti pusoyo, ket awanto ti macaiccat cadacayo ti ragsacyo.

Ti Baro a Naimbag a Damag Biblia

²² Kasta met kadakayo: Agladingitkayo ita, ngem makitakayto manen ket agragsakkayto. Wen, addanto rag-o nga awan ti siasinoman a makaikkat kadakayo.

San Juan 16:22 Iomraidhean Croise

Ti Libro ni Job 34:29

No isu mangted talna, asino nga-rud ti macabalin a mangpabasol? Ket no ilemmengna ti rupana, asino ngarud ti macakita kencuana? Agpadpada a no maaramid coma iti maysa a nacion, wenno iti maysa a tao:

Dagiti Salmo 146:2

Bayat ti panagbiagco idaydayawconto ni Jehova: cantaacto cadagiti panangidaydayaw ti Diosco bayat ti kinaaddac.

Dagiti Salmo 33:21

Ta ti pusotayo agragsacto kencuana, gapu ta nagtalectayo iti nasantoan a naganna.

Isaias 25:9

Ket maisaonto iti dayta nga aldaw, Adtoy, daytoy ti Diostayo; isu ti inururaytayo, ken isalacannatayto; isu daytoy ni Jehova; isu ti inururaytayo, agragsactayto ken agrag-otayto iti panangisalacanna.

Jeremias 31:12

Ket umaydanto agcanta idiay tapaw ti Sion, ket agpunipondanto iti kinaimbag ni Jehova, iti trigo, ken iti baro nga arac, ken iti lana, ken cadagiti urbon dagiti pangen ken arban: ket ti cararuada caslanto maysa a minuyungan a madandanuman; ket saandanton nga agleddaang a pulos.

San Mateo 28:8

Ket pimmanawda iti tanem a sibubuteng, ken sirarag-o unay, ket napanda a nagtartaray, a mangted ti damag cadagiti adalan.

San Lucas 10:42

Ngem maysa a banag ti masapul. Ni Maria pinilina ti nasayaat a bagi, isu a dinto maiccat kencuana.

San Lucas 16:25

Ngem kinuna kencuana ni Abraham: Anac, laglagipem nga inawatmon dagiti nam-aymo idi panagbiagmo, ket ni Lazaro casta met inawatna dagiti rigat; ngem ita isu malioliwa ditoy, ket sica matutuocca.

San Lucas 19:26

Siac cunac cadacayo nga uray siasino nga addaan, maiccanto; ngem iti awanan, uray pay ti adda kencuana, maiccatto.

San Lucas 24:41

Ket idi dida pay la patien gapu iti ragsac ken panagsidsiddaawda, kinunana cadacuada: Adda cadacay ditoy ti aniaman a macan?

San Juan 14:1

Saan coma nga agpulcoc ti pusoyo; mamaticayo iti Dios, mamaticayo met caniac.

San Juan 14:19

Adda pay apagbassit, ket ti lubong dinacto makitan; ngem dacayo makitadacto; gapu ta agbiagac, agbiagcayto met.

San Juan 14:27

Ti talna ibatic cadacayo, ti talnac itdec cadacayo: saan a cas iti panangited ti lubong ti panangitedco cadacayo. Saan coma nga agpulcoc ti pusoyo ken di agbuteng.

San Juan 16:16

Iti apagbassit pay, ket didac makitan: ken iti apagbassit manen, ket makitadacto.

San Juan 16:20

Pudno, pudno, cunac cadacayo nga agsangitcayto ket agsainneccayto; ngem ti lubong agragsacto: Naladingitcayto, ngem ti ladingityo agbalinto a rag-o.

San Juan 16:6

Ngem, agsipud ta sinaoc cadacayo dagitoy, ti ladingit pinunnona ti pusoyo.

San Juan 21:7

Daydi adalan ngarud a dinungdungngo ni Jesus cunana ken Pedro: Isu ti Apo. Ni Simon Pedro, idi mangngegna nga isu ti Apo, imbarikesna ti pagan-anayna, (ta adda idi a lamolamo), ket timmapuac iti baybay.

San Juan 4:14

Ngem siasinoman nga uminum iti danum nga itdecto kencuana, uray caano saanto a mawawen; no di ket ti danum nga itdecto kencuana agbalinto kencuana nga ubbog ti danum nga agburayoc a maipaay iti biag nga agnanayon.

Dagiti Aramid 13:52

Ket dagidi adalan napnoda idi iti rag-o ken iti Espiritu Santo.

Dagiti Aramid 16:25

Ngem iti tengnga ti rabii, idi agcarcararag da Pablo ken Silas, nagcancantada ti himhimno a maipaay iti Dios: ket dagidi adda a balud, nangngegda ida;

Dagiti Aramid 2:46

Ket inaldaw-aldaw a nagtitimpuyogda iti templo, ken pinispisida idi ti tinapay cadagiti balbalay, ket kinnanda ti pagtaraonda a siraragsac ken sidadalus ti pusoda,

Dagiti Aramid 5:41

Isuda ngarud pimmanawda a siraragsac, iti sangoanan ti consejo agsipud ta naibilangda a maicari a nagsagaba ti nacababain gapu iti Nagan ni Jesus.

2 Taga-Corinto 6:10

Cas la naladingit, ngem agnanayon a siraragsac; cacas la napanglaw, ngem pabacnangenmi dagiti adu; a cas la awanancami ti uray ania, ngem cupicupanmi dagiti isu-amin a banbanag.

2 Taga-Tesalonica 2:16

Ket ni Apotayo a Jesu-Cristo met laeng, ken ti Dios nga Amatayo, isu a nagayat cadatayo, ket iniccannatayo iti agnanayon a liwliwa ken nasayaat nga inanama gapu iti parabur,

Hebreo 10:34

Ta saan laeng a kinaasianyo dagiti adda a sibabalud no di ket inanusyo a siaayat ti panangrabsutda cadagiti cucuayo, nga ammoyo nga adda cadacayo met laeng ti maysa a sanicua a nasaysayaat ken agnanayon.

Hebreo 6:18

Tapno gapu cadagiti dua a banag a di agbalbaliw, isu a saan a nabalin a pagulbodan ti Dios, adda maysa a napigsa a pagbilgantayo, datayo a nagtalaw tapno agcamangtayo, babaen ti panginanamaan a naicabil iti sangoanantayo:

1 Pedro 1:8

Isu nga uray no dicay nakita, ayatenyo; ket uray no ita dicay makita, patienyo ket agrag-ocayo iti di mayebcas a rag-o ken napno iti dayag: