San Juan 16:21 - Ti Biblia (1973)

²¹ Ti babai, no aganac, adda ladingitna, ta dimteng ti horasna; ngem inton naipasngayna ti ubing, saanna a malagipen ti rigat, gapu iti rag-o, ta nayanac ti maysa a tao itoy lubong.

Ti Baro a Naimbag a Damag Biblia

²¹ Agdanag ti babai no agpasikalen, ta dimtengen ti oras a panagsagabana, ngem no maipasngaynan ti ubing, malipatannan ti rigatna gapu iti ragsakna ta nayanak ti maysa a maladaga ditoy lubong.

San Juan 16:21 Iomraidhean Croise

Genesis 3:16

Ket idi babai kinunana, Paaduecto unay dagiti ut-utmo ken ti panagsicugmo; iti adu a rigat ipasngaymonto dagiti annacmo; ket iti asawam isunto ti calicaguman, ket isu iturayannacanto.

Ti Libro ni Job 11:16

Ta malipatamto ti kinaay-ay-aymo; isu ti malagipmonto a cas dandanum a naglabasen.

Dagiti Salmo 113:9

Pagtagibalayenna ti babai a lupes, ket pagbalinenna a naragsac nga ina dagiti annac. Idaydayawyo ni Jehova.

Isaias 13:8

Ket agcullayawdanto; dagiti tuoc ken ledleddaang tenglendanto ida; addadanto iti tuoc a cas iti maysa a babai nga agpaspasical: agkikinnitanto nga agmalmalanga ti maysa ken maysa; dagiti ruprupada rupanto a darang.

Isaias 21:3

Gapuna a napno dagiti lomoc iti tuoc; dagiti ut-ut ginemgemandac, a cas cada giti ut-ut ti maysa a babai iti panagpasical: addaac a siuut-ut iti casta diac macangngeg; addaac a sicucullayaw iti casta diac macakita.

Isaias 66:7

Iti sacbay ti panagpasicalna, nagpasngay; iti sacbay ti yaay ti tuocna, nangipasngay iti anac a lalaki.

Mikias 4:10

Agtuocca, ken agrigatca a mangipasngay, O anac a babai ti Sion, a cas babai nga agpasical; ta ita rumuarcanto iti ili, ket agnaedcanto iti away, ket dumtengcanto agingga met laeng iti Babilonia: idiay maispalcanto; idiay subbotennacanto ni Jehova iti ima dagiti cabusormo.

Mikias 4:9

Ita apay nga agriawca iti natbag? Awan aya ti ari kenca, natay aya ti mammalacad, a dagiti ut-ut immay kenca a cas iti babai nga agpasical?

Taga-Galacia 4:27

Ta adda a naisurat; agragsacca O lupes, Sica a di-naganac; agrag-oca ket agpuccawca, sica a di-nagpasical. Ta ad-adu dagiti annac ti babai a nabaybay-an, ngem iti addaan asawa.

1 Taga-Tesalonica 5:3

Intono sasao-enda: Talna ken talged: isunto metten ti iyaayna cadacuada ti kel-laat a pannacadadael cas iti panagpasical a mapasamac ti masicog; ket didanto macalisi.