San Juan 16:17 - Ti Biblia (1973)

¹⁷ Ngarud dadduma cadagiti adalanna nagsasaoda iti maysa ken maysa: Ania daytoy a cunana cadatayo; Iti apagbassit pay, ket didac makitan: ken iti apagbassit manen, ket makitadacto; ken daytoy: Gapu ta mapanac ken Ama?

Ti Baro a Naimbag a Damag Biblia

¹⁷ Kinuna ti sumagmamano nga adalanna kadagiti kaduada, “Ania ti kayat a sawen daytoy? Imbagana nga iti saan a mabayag, ditayton makita, ngem kalpasan met la ti bassit a tiempo, makitatayto manen? Kinunana pay, ‘Agsipud ta mapanak ken ni Amak.’”

San Juan 16:17 Iomraidhean Croise

San Marcos 9:10

Ket tinandaananda daytoy a sao, a nagiintuud ti maysa ken maysa no ania ngata ti cayulugan daydi panagungar iti tengnga dagiti natay.

San Marcos 9:32

Ngem dida naawatan daytoy a sao; ket mabutengda a mangintuud kencuana.

San Lucas 18:34

Ket awan cadagitoy a banag ti naawatanda, ket daytoy a sao nailimed cadacuada ket dida naawatan dagitoy a naisao:

San Lucas 9:45

Ngem saanda a naawat idi daytoy a sao, ket nacudrep cadacuada, iti casta dida maawatan, ket mabutengda met a mangintuud kencuana maipapan iti daytoy.

San Juan 12:16

Dagitoy saan a naawatan dagiti adalanna, idi damo; ngem idi ni Jesus naitan-oken, idin nalagipda a dagitoy naisuratda a maipapan kencuana, ken inaramidda dagitoy a banag kencuana.

San Juan 14:22

Cuna kencuana ni Judas, (saan a daydi Iscariote): Apo, ania ti mapasamac, nga agparangcanto cadacami, ket saan nga iti sangalubongan?

San Juan 14:5

Cuna kencuana ni Tomas: Apo, dicam ammo no adino ti papanam: casano ti pannacaammomi ti dalan?

San Juan 16:1

Dagitoy sinaoc cadacayo, tapno dicay coma maitibcol.

San Juan 16:16

Iti apagbassit pay, ket didac makitan: ken iti apagbassit manen, ket makitadacto.

San Juan 16:18

Kinunada ngarud: Ania daytoy a cunana: Apagbassit? Saanmi a maawat ti saoenna.

San Juan 16:19

Ket ni Jesus naawatanna nga cayatda idi a pagintuudan, ket kinunana cadacuada: Agiinnintuudcayo iti maipapan itoy sinaoc: Iti apagbassit pay, ket didac makitan, ken iti apagbassit manen, ket makitadacto?

San Juan 16:5

Ngem ita innacon iti nangibaon caniac, ket awan cadacayo ti mangintuud caniac: Adino ti papanam?