San Juan 16:10 - Ti Biblia (1973)

¹⁰ Ti maipapan iti kinalinteg, ta innac ken Ama ket dacayo didacto makitan;

Ti Baro a Naimbag a Damag Biblia

¹⁰ Nagbiddutda maipapan iti kinapudno, agsipud ta mapanak ken ni Ama ket didakto makitan.

San Juan 16:10 Iomraidhean Croise

Isaias 42:21

Isu ti macaay-ayo ken ni Jehova, gapu iti kinalintegna, a pamadackel iti linteg, ken padayawenna.

Daniel 9:24

Pitopulo a lawas naikeddengda cadagiti tattaom ken iti nasantoan nga ilim a pangleppas iti salungasing, ken panangaramid iti panungpalan dagiti basbasol, ken panangaramid iti panagcacappia gapu iti kinadakes, ken mangyeg iti agnanayon a kinalinteg, ken pangselloan iti sirmata ken padto, ken mangpulot iti casantoan.

San Juan 16:28

Naggapuac ken Ama, ket immayac ditoy lubong: panawac manen ti lubong, ket mapanac ken Ama.

San Juan 16:5

Ngem ita innacon iti nangibaon caniac, ket awan cadacayo ti mangintuud caniac: Adino ti papanam?

San Juan 3:14

Ket no casano iti panangibayog ni Moises iti uleg idiay let-ang, casta met a masapul a ti Anac ti tao maibayog;

San Juan 5:32

Sabali ti mangpanecnec iti maipapan caniac; ket ammoc a ti panecnec a pangpanecnecna iti maipapan caniac pudno.

San Juan 7:33

Ni Jesus kinunana ngarud: Adda pay bassit a tiempo a makipagianac cadacayo, saacto mapan iti nangibaon caniac.

Dagiti Aramid 17:31

Agsipud ta intudingna ti maysa nga aldaw, a panangocomnanto a sililinteg iti lubong gapu iti daydiay lalaki a tinudinganna, a pinanecnecanna cadagiti isu-amin, nga pinagungarna iti tengnga dagiti natay.

Dagiti Aramid 2:32

Daytoy a Jesus pinagungar ti Dios, isu a masacsianmi amin.

Dagiti Aramid 3:14

Ngem tinal-licudanyo daydi Santo ken Nalinteg ket dinawatyo a maited cadacayo ti maysa a nacapatay.

Dagiti Aramid 7:52

Asino cadagidi mammadto ti saan nga indadanes dagidi ammayo? ket pinatayda dagidi nangipacpacauna a nangipacaammo ti iyaay ti Nalinteg, isu ita a liniputan ken pinatayyo;

Taga-Roma 1:17

Ta iti daytoy maipacaammo ti kinalinteg ti Dios, manipud iti pammati agingga iti pammati: kas iti adda a naisurat; Ti nalinteg agbiagto gapu iti pammati.

1 Taga-Corinto 1:30

Ngem maipoon kencuana addacay ken Cristo Jesus, isu a gapu iti biang ti Dios, naaramid cadacayo a kinasirib ken kinalinteg ken kinasanto ken subbot:

2 Taga-Corinto 5:21

Daydi saan a nacaammo ti basol, inaramidna a basol gapu cadatayo, tapno macapagbalintayo a kinalinteg ti Dios gapu kencuana.

Taga-Galacia 5:5

Ta dacami, gapu iti Espiritu babaen iti pammati ur-urayenmi ti inanama ti kinalinteg.

1 Timoteo 3:16

Ket awan duadua, dackel ti palimed ti kinasanto: Daydi naiparang iti lasag, Napanecnecan iti espiritu, Nakita dagiti angel, Naicascasaba cadagiti nacion, Napapati ditoy lubong, Naipangato sadi gloria.

1 Pedro 3:18

Ta ni Cristo nagsagaba met gapu cadagiti basbasol, iti naminpinsan daydi nalinteg gapu cadagiti nakil-lo, tapno iragpatnatayo iti Dios, idi napapatay no maipapan iti lasag, ngem sibibiag no maipapan iti espiritu: