San Juan 15:7 - Ti Biblia (1973)

⁷ No agnaedcayo caniac, ket dagiti saoc agtaengda cadacayo, dawatenyo ti aniaman a cayatyo ket maaramidto cadacayo.

Ti Baro a Naimbag a Damag Biblia

⁷ No agtaengkayo kaniak, ket agtaeng dagiti saok kadakayo, dawatenyo ti aniaman a kayatyo, ket maitedto kadakayo.

San Juan 15:7 Iomraidhean Croise

1 Ar-ari 3:5

Idiay Gabaon ni Jehova nagparang ken Salomon iti maysa a tagtagainep iti rabii; ket ti Dios kinunana, Kiddawem ti itedconto kenca.

Ti Libro ni Job 22:26

Iti casta agragsaccanton iti Mannacabalin, ket itangadmonto ta rupam iti Dios.

Ti Libro ni Job 23:12

Diac naglicudan dagiti bilin dagiti bibigna; impatpategco dagiti sasao ti ngiwatna a nangnangrona ngem iti masapulco a taraon.

Dagiti Salmo 119:11

Ti saom indulinco itoy pusoc, tapno diac agbasol kenca.

Dagiti Salmo 37:4

Pagayayatam met ni Jehova; ket isu itdennanto kenca dagiti tarigagay ta pusom.

Dagiti Proverbio 10:24

Ti buteng ti nadangkes, dumtengto kencuana; ket ti tarigagay ti nalinteg maitedto.

Dagiti Proverbio 4:4

Ket insursuronac, ken kinunana caniac; agtalinaed cadi ita pusom dagiti sasaoc; salimetmetam dagiti bilbilinco, ket agbiagca;

Isaias 58:8

Iti casta agbannawagto ti lawagmo a cas iti agsapa, ket ta isasalun-atmo sumantacto a sisisiglat unay; ket ta kinalintegmo mapanto iti sangoanam; ti dayag ni Jehova isunto ti agaywan iti malicudam.

Jeremias 15:16

Dagiti saom nasaracanda, ket kinnanco ida; ket dagiti saom nagbalinda caniac a ragsac ken rag-o ti pusoc: ta mainagananac iti naganmo O Jerova, Dios dagiti buybuyot.

San Mateo 7:7

Agdawatcayo, ket maiccancayto; agsapulcayo ket macasaraccayto: umawagcayo ket mailucatancayto.

San Juan 14:13

Ket ti aniaman a dawatenyonto iti naganco, dayta ti aramidecto, tapno ni Ama maidaydayaw iti Anac.

San Juan 15:16

Dacayo didac pinili, ngem siac pinilicayo; ken incabilcayo tapno incayo ket agbungacayo coma: ket ti bungayo manayon coma: tapno ti amin a dawatenyonto ken Ama iti naganco, itdenna coma cadacayo.

San Juan 16:23

Ket iti dayta nga aldaw awanto ti intuudenyo caniac. Pudno, pudno, cunac cadacayo: Nga amin a dawatenyonto ken Ama iti naganco itdennanto cadacayo,

San Juan 8:31

Kinuna ngarud ni Jesus cadagiti Judio a namati kencuana: No agtalinaedcayo coma iti saoc, pudno a dacayto ti adalac;

San Juan 8:37

Ammoc a caputotannacayo ni Abraham, ngem agawaandac a papatayen, ta ti saoc awan pagiananna cadacayo.

Taga-Galacia 4:2

No di ket adda iti babaen dagiti agaywan ken dagiti agtaraken, agingga iti aldaw a tinudingan ni amana.

Taga-Galacia 5:16

Cunac ngarud: Magnacayo cas iti Espiritu, ket dicayto tungpalen dagiti tarigagay ti lasag.

Deuteronomio 6:6

Ket dagitoy a sasao nga ibilinco kenca iti daytoy nga aldaw, agyandanto ita pusom;

Taga-Colosas 3:16

Ti sao ni Cristo agtaeng coma cadacayo a sibabacnang iti amin a kinasirib nga agsisinnurocayo, ken agbibinnalacadcayo babaen cadagiti salmos ken himhimno, ken naespirituan a cancancion a cancantaenyo a siiyaman cadagiti puspusoyo iti Dios.

1 Juan 2:14

Nagsuratac cadacayo, amma, ta ammoyo daydiay adda a nanipud idi punganay. Nagsuratac cadacayo, agtutubo a lallaki gapu ta dacay ti napigsa, ket ti sao ti Dios agtalinaed cadacayo ket inabacyo ti dakes.

1 Juan 2:27

Ket no maipapan cadacayo, ti pananglana nga inawatyo kencuana, mataginayon cadacayo ket awan ti pacasapulanyo iti uray siasino a mangisuro cadacayo; ngem cas ti pananglanana isuronacayo iti maipapan cadagiti isu-amin a banbanag, ket isu ti pudno ket saan nga ulbod, ket cas insuronacayo, casta met agtalinaedcayo kencuana.

1 Juan 3:22

Ket isu-amin a dawatentayo, awatentayo kencuana; ta salimetmetantayo dagiti bilbilinna, ket aramidentayo dagiti banbanag a macaayayo cadagiti matana.

1 Juan 5:14

Ket daytoy ti adda cadatayo a panagtalec kencuana, a no adda aniaman a dawatentayo a mayannurot iti pagayatanna, isu denggennatayo: