San Juan 15:4 - Ti Biblia (1973)

⁴ Agiancay caniac, ket siac cadacayo. Cas ti santac saanna a mabalin ti agbunga nga isisu, no di maicamang iti uvas, casta met a dicay mabalin, no saancayo nga agtaeng caniac.

Ti Baro a Naimbag a Damag Biblia

⁴ Agtalinaedkayo kaniak ket agtalinaedak met kadakayo. No saankayo a maikamang kaniak, dikayo makapagbunga a kas iti sanga a saan a maikamang iti puon.

San Juan 15:4 Iomraidhean Croise

Kanta ni Solomon 8:5

Asino daytoy a sumang-at nga aggapu idiay let-ang, a sisasadag ken ayayatenna? Iti siroc ti cayo a manzanas riniingca: idiay nangipasicalan idi ni inam kenca, idiay nagpasicalan ti nangipasngay kenca.

Oseas 14:8

Ti Efraim cunananto, Ania pay laeng aya ti bibiangco cadagiti didiosen? Simmungbatac, ket isunto ti imatangac: siac caslaac la nalangto a cayo ti parwa; caniac masaracanto ti bungam.

San Mateo 12:33

Uray aramidenyo ti cayo a nasayaat, ket ti bungana nasayaat; wenno aramidenyo iti cayo a dakes, ket ti bungana dakes; ta gapu iti bungana mailasin ti cayo.

San Lucas 8:15

Ket dagiti nagdisso iti nasayaat a daga, isu dagitoy dagiti tao nga iti nasayaat ken nalinteg a puso dinengngegda ti sao ket salimetmetanda ket agbungada a siaanus.

San Juan 14:20

Iti dayta nga aldaw mailasinyonto nga addaac ken Amac, ket dacayo caniac, ket siac cadacayo.

San Juan 17:23

Siac cadacuada, ket sica caniac, tapno agmaymaysada nga awan pagcuranganna coma; ket ti lubong maammoanna coma a sica imbaonnac, ket inayatmo ida a cas met iti panangayatmo caniac.

San Juan 6:56

Ti mangan iti lasagco ken uminum iti darac, aggian caniac ket siac kencuana.

San Juan 8:31

Kinuna ngarud ni Jesus cadagiti Judio a namati kencuana: No agtalinaedcayo coma iti saoc, pudno a dacayto ti adalac;

Dagiti Aramid 11:23

Isu, nga idi nacagteng ken nakitana ti parabur ti Dios, nagrag-o, ket binagbagaanna ida amin, nga agtalinaedda coma a sitatalged ti pusoda iti Apo,

Dagiti Aramid 14:22

A pinatibkerda dagiti cararua dagiti adalan, a binagbagaanda ida nga agtalinaedda iti pammati, ket kinunada a masapul a lasatentayo dagiti adu a rigrigat iti iseserrectayo iti pagarian ti Dios.

2 Taga-Corinto 13:5

Sukimatenyo dagiti bagbagiyo met laeng: no addacayo iti pammati, suutenyo dagiti bagbagiyo met laeng. Dicay ammo aya ti maipapan cadacayo met laeng, a ni Jesu-Cristo adda cadacayo? malacsid no adda pacababalawanyo.

Taga-Galacia 2:20

Nailansaac a naicuyog ken Cristo; ket saan a siac ti agbiagen no di ket ni Cristo ti agbiag caniac: ket ti biag a pagbiagco ita iti lasag, pagbiagco gapu iti pammati iti Anac ti Dios, isu a nagayat caniac, ket inyawatna ti bagina gapu caniac.

Taga-Efeso 3:17

Tapno agnaed coma ni Cristo cadagiti puspusoyo, gapu iti pammati; tapno idinto nga agramutcayo ket macimientoancayo ken ayat,

Taga-Filipos 1:11

A mapnocayo cadagiti bungbunga ti kinalinteg, a maipaay iti dayag ken pacaidayawan ti Dios, gapu ken Jesu-Cristo.

Taga-Colosas 1:23

No, pudno nga agtalinaedcayo iti pammati, naipasdec ken natibker, ket dicay pacuti iti pananginanama iti evangelio a nangngegyo, a naicascasaba iti amin a parsua iti baba ti langit; a gapu kencuana nagbalinac a ministro, siac ni Pablo.

Taga-Colosas 1:27

Isuda a kinayat ti Dios a nangipacaammoan no ania ti kinabacnang ti dayag daytoy a palimed iti tengnga dagiti Gentil, a ti caadda ni Cristo cadacayo isu ti inanama ti gloria:

Taga-Colosas 2:6

Idinto ngarud nga inawatyo ni Cristo Jesus nga Apo, agbiagcayo kencuana,

1 Taga-Tesalonica 3:5

Gapu met itoy idinto a diac macaibturen, nangibaonac tapno maammoac ti pammatiyo, di la ket ta adda nacasulisuganyo, ket ti aramidmi agbalinto a barengbareng.

Hebreo 10:39

Ngem awancami cadagidiay agsanud nga agturong iti pannacapucaw no di ket addacami cadagidiay mamati nga agpaay iti pacaisalacanan ti cararua.

1 Juan 2:6

Ti agcuna nga agtalinaed kencuana, rebbengna met ti magna a cas iti pannagnana idi.

2 Juan 1:9

Siasinoman a gumundaway ket saan nga agtalinaed iti sursuro ni Cristo, awan ti Dios kencuana: ti agtalinaed iti sursuro, isu met laeng adda kencuana ti Ama ken ti Anac.