San Juan 15:21 - Ti Biblia (1973)

²¹ Ngem amin dagitoy aramidendanto cadacayo gapu iti naganco, ta dida ammo ti nangibaon caniac.

Ti Baro a Naimbag a Damag Biblia

²¹ Ngem aramidendanto amin daytoy kadakayo ta kukuakayo. Saanda ngamin nga ammo ti nangibaon kaniak.

San Juan 15:21 Iomraidhean Croise

Dagiti Salmo 69:7

Yantangay gapu kenca nagsagabaac iti pannacaumumsi; ni bain inabbungotanna toy rupac.

Isaias 66:5

Denggenyo ti sao ni Jehova, dacayo nga agkintayeg iti saona: Dagiti cacabsatyo a gumura cadacayo, dagidiay mangipuruac cadacayo gapu iti naganco, kinunada, Madaydayaw coma ni Jehova, tapno makitami coma iti rag-oyo: ngem isuda mabainandanto.

San Mateo 10:18

Ket maisaclangcayto pay cadagiti agturay ken ar-ari a maipoon caniac, ket agbalinto a pangpanecnec cadacuada ken cadagiti Gentil.

San Mateo 10:22

Ket caguradacayto dagiti amin a tao gapu iti naganco: ngem ti macaitured agingga iti panungpalan, isu ti maisalacanto.

San Mateo 10:39

Ti mangipangpangrona iti biagna, mapucawnanto; ket ti macapucaw iti biagna gapu caniac, masaracannanto.

San Mateo 24:9

Iti dayta iyawatdacayto iti rigat, ket papatayendacayto; ket guraendacayto dagiti amin a nacion a gapu iti naganco.

San Mateo 5:11

Nagasatcayo intono lalaisendacayo ket idadanesdacayo, ket pagsasaoandacayo ti amin a kita ti dakes gapu caniac, nga agulbodda.

San Marcos 13:13

Ket caguradacayto dagiti amin a tao gapu iti naganco; ngem ti agtalinaed nga agingga iti panungpalan, maisalacanto.

San Lucas 21:12

Ngem inton dipay maaramid amin dagitoy, tiliwendacayto ket idadanesdacayo ket iyawatdacayto cadagiti sinagoga, ken cadagiti pagbaludan, nga ipandacayo iti saclang dagiti arari ken dagiti agturay gapu iti naganco.

San Lucas 21:17

Ket caguradacayto dagiti amin a tao gapu iti naganco.

San Lucas 6:22

Nagasatcayo inton guraendacayto dagiti tattao, ken inton pagtalawendacayto cadacuada, ket pagsasaoandacayo ket umsienda ti naganyo a cas la dakes gapu itoy Anak ti tao.

San Juan 15:24

No diac coma nagaramid cadacuada cadagiti ar-aramid nga awan sabali a nacaaramid, awan coma ti basolda; ngem ita nakitada ket ginurada, saan laeng a siac, no di ket ni Amac pay.

San Juan 16:3

Ket dagitoy aramidendanto, ta dida amammo ni Ama uray siac.

San Juan 17:25

O Ama a nalinteg, ti lubong, saannaca a naammoan, ngem siac naammoanca, ket dagitoy naammoanda a sica imbaonnac;

San Juan 8:19

Kinunada ngarud, kencuana: Adino ti yan ti Amam? Simmungbat ni Jesus: Uray siac, uray ni Amac dicay ammo; no ammodac coma, ammoyo met coma ni Amac.

San Juan 8:54

Simmungbat ni Jesus. No dayawec ti bagic met laeng, ti dayawco awan capapayanna; ni Amac ti mangidayaw caniac, nga isu ti cunayo a Diosyo:

San Juan 8:55

Ket isu dicay naammoan; ngem siac ammoc: ket no cunac coma nga diac ammo, caslaacto coma cadacayo, a naulbod: ngem isu ammoc, ket salimetmetac ti saona.

Dagiti Aramid 17:23

Ta iti ilalabasco ken panangkitac cadagiti carcararaganyo, nacasaracac met ti maysa nga altar a yan daytoy a surat: MAIPAAY ITI DIOS A DI AMMO. Daydiay ngarud daydayawenyo a dicay ammo, isu ti ipadamagco cadacayo.

Dagiti Aramid 26:9

Siac kinapudnona a napanunotco idi nga adu ti banag a rebbengco nga aramiden a maicaniwas iti nagan ni Jesus a taga Nazaret.

Dagiti Aramid 3:17

Ket ita cacabsat, ammoc nga agsipud iti dicay pannacaammo inaramidyo daytoy, a cas iti inaramid met dagiti mangituray cadacayo.

Dagiti Aramid 4:17

Ngem, tapno saan a maiwarnaken cadagiti umili, amsantay laeng ida tapno dida makisao manipud ita iti uray siasino a tao iti daytoy a nagan.

Dagiti Aramid 5:41

Isuda ngarud pimmanawda a siraragsac, iti sangoanan ti consejo agsipud ta naibilangda a maicari a nagsagaba ti nacababain gapu iti Nagan ni Jesus.

Dagiti Aramid 9:14

Ket uray ditoy, adda palubos dagiti panguloen dagiti papadi a mangparaut cadagiti isu-amin nga umawag iti naganmo.

Dagiti Aramid 9:16

Ta ipakitacto kencuana no casano ti caadu dagiti masapulna a sagabaen gapu iti naganco.

Taga-Roma 1:28

Ket agsipud ta dida kinayat nga inammo ti Dios, ti Dios binaybay-anna ida iti maysa a nakem a dakes, tapno aramidenda dagiti banbanag a di maipaay;

1 Taga-Corinto 15:34

Agriingcayo a maipaay iti kinalinteg, ket saancayo nga agbasol, ta dagiti dadduma saanda nga ammo ti Dios: cunac daytoy tapno pagbainanyo.

1 Taga-Corinto 2:8

Isu a saan a naammoan ti uray siasino cadagiti agturay ditoy lubong; ta no naammoanda coma, saanda coma nga inlansa iti cruz ti Apo ti gloria:

2 Taga-Tesalonica 1:8

A balsenna dagiti saan a mangammo iti Dios, ken di agtulnog iti evangelio ni Apotayo a Jesus:

1 Juan 3:1

Kitaenyo no ania a kita ti ayat ti insagut cadatayo ti Ama, tapno managantay annac ti Dios, ket annacnatay ngarud. Gapu itoy ti lubong saannatay nga am-ammo, gapu ta isu saanna a naammoan.

3 Juan 1:7

Ta gapu iti pateg ti Nagan, pimmanawda nga awan ti innalada cadagiti Gentil.

Paltiing 2:3

Ket naganusca ken nagituredca gapu iti naganco ket saanca a nagbannog.