San Juan 15:19 - Ti Biblia (1973)

¹⁹ No taga lubongcay coma, ti lubong ayatenna coma ti cucuana; ngem gapu ta saancay a taga lubong, no di ket pinilicayo iti lubong, gapuna guraennacay ti lubong.

Ti Baro a Naimbag a Damag Biblia

¹⁹ No kukuanakayo ti lubong, ayatennakayo koma ti lubong a kas kukuana. Ngem saannakayo a kukua ti lubong. Pinilikayo a panawanyo ti lubong ket daytoy ti gapuna a guraennakayo ti lubong.

San Juan 15:19 Iomraidhean Croise

San Mateo 10:22

Ket caguradacayto dagiti amin a tao gapu iti naganco: ngem ti macaitured agingga iti panungpalan, isu ti maisalacanto.

San Mateo 24:9

Iti dayta iyawatdacayto iti rigat, ket papatayendacayto; ket guraendacayto dagiti amin a nacion a gapu iti naganco.

San Lucas 6:32

Ket no ayatenyo dagiti agayat cadacayo, ania a kita ti parabur ti adda cadacayo? ta uray dagiti managbasol ayatenda met dagiti agayat cadacuada.

San Juan 13:18

Saanac nga agsao ti maipapan cadacay amin: ammoc dagiti pinilic; ngem tapno matungpal ti Surat: Ti makipangan caniac iti tinapay, kinusayannac ti mucodna.

San Juan 15:16

Dacayo didac pinili, ngem siac pinilicayo; ken incabilcayo tapno incayo ket agbungacayo coma: ket ti bungayo manayon coma: tapno ti amin a dawatenyonto ken Ama iti naganco, itdenna coma cadacayo.

San Juan 6:70

Ni Jesus simmungbat kencuana: Dicay aya pinili a sangapulo ket dua, ket maysa cadacayo isu diablo?

Santiago 4:4

Makicamcamalala a babbai, dicay ammo aya, a ti pannakipagayam iti lubong isu ti pannakibusor iti Dios? Daydiay ngarud agtarigagayto a gayyem ti lubong, agbalin a cabusor ti Dios.

1 Pedro 4:3

Ta ti aldaw a napalabas immanayen a panagaramid iti pagayayatan dagiti Gentil, a panagbiag iti kinaderrep, dagiti tarigagay nga aglablabes, dagiti panagbarbartec, dagiti kinabuklis, dagiti aglablabes a daydaya ken dagiti macarimon a panagrucbab cadagiti ladladawan a didiosen:

1 Juan 3:12

Saan a cas ken ni Cain nga iturayan ti dakes ket pinatayna ni cabsatna. Ket ania ti gapu a pinatayna? Agsipud ta dagidi ar-aramidna dakesda, ket dagiti ar-aramid ni cabsatna nalintegda.

Paltiing 12:17

Ket nacapungtot daydi dragon idi babai, ket napanna ginubat ti natda iti capuonanna, a mangsalimetmet cadagiti bilbilin ti Dios ken addaanda ti pammanecnec ni Jesus:

Paltiing 12:9

Ket naigarangogong daydi dackel a dragon, daydi uleg a cadaanan nga isu ti managan ti Diablo ken Satanas, isu a mangallilaw iti isu-amin a lubong; naitapuac itoy daga, ket dagidi angelna naitapuacda a naicanunong kencuana.