San Juan 15:16 - Ti Biblia (1973)

¹⁶ Dacayo didac pinili, ngem siac pinilicayo; ken incabilcayo tapno incayo ket agbungacayo coma: ket ti bungayo manayon coma: tapno ti amin a dawatenyonto ken Ama iti naganco, itdenna coma cadacayo.

Ti Baro a Naimbag a Damag Biblia

¹⁶ Saan a dakayo ti nangpili kaniak, no di ket siak ti nangpili kadakayo. Imbaonkayo a mapan ken agbunga iti adu, ket manayon koma ti bungayo. Iti kasta, itedto ti Ama kadakayo ti aniaman a dawatenyo kenkuana iti naganko.

San Juan 15:16 Iomraidhean Croise

Genesis 18:18

Idinto nga agbalinto a di bumurong ni Abraham a dackel ken napigsa a nacion, ket idinto a benditonto kencuana ti isu-amin dagiti nasnacion ti daga?

Dagiti Salmo 145:4

Ti maysa a caputotan ipadpadayawnanto dagiti aramidmo iti sabali, ket sarsaritaennanto dagiti mannacabalin nga ar-aramidmo.

Dagiti Salmo 71:18

Wen, uray laclacayanacon nga ub-ubanan, dinac cadi baybay-an, O Dios, inggana iti maipalawagco ti kinapigsam iti umay a caputotan, ti pannacabalinmo iti aniaman a dumteng.

Dagiti Proverbio 11:30

Ti bunga ti nalinteg isu maysa a cayo ti biag; ket ti masirib macaguyuguy cadagiti carcararua.

Isaias 27:6

Cadagiti al-aldaw nga umayto ni Jacob agramutto; ti Israel agsabongto ken agbuselto; ken punnoendanto cadagiti bungbunga ti rabaw ti amin a lubong;

Mikias 5:7

Ket ti tidda ni Jacob addanto iti tengnga dagiti adu nga il-ili cas linnaaw nga aggapu ken Jehova, cas cadagiti arbis iti rabaw ti root, a saanda nga urayen ti tao, ket di met aguray cadagiti annac dagiti tattao.

San Mateo 21:22

Ket amin a dawatenyonto iti panagcararag, no sipapaticayo, awatenyonto.

San Mateo 7:7

Agdawatcayo, ket maiccancayto; agsapulcayo ket macasaraccayto: umawagcayo ket mailucatancayto.

San Lucas 6:13

Ket idi bimmigaten inayabanna dagiti adalanna ket pimmili ti sangapulo ket dua cadacuada, isuda a ninaganna met ti apostoles:

San Juan 13:18

Saanac nga agsao ti maipapan cadacay amin: ammoc dagiti pinilic; ngem tapno matungpal ti Surat: Ti makipangan caniac iti tinapay, kinusayannac ti mucodna.

San Juan 15:19

No taga lubongcay coma, ti lubong ayatenna coma ti cucuana; ngem gapu ta saancay a taga lubong, no di ket pinilicayo iti lubong, gapuna guraennacay ti lubong.

San Juan 15:5

Siac ti uvas, dacayo dagiti santac: ti agnaed caniac ket siac kencuana, daytoy ti agbunga ti adu: ta no awanac, awan ti mabalinyo nga aramiden.

San Juan 6:70

Ni Jesus simmungbat kencuana: Dicay aya pinili a sangapulo ket dua, ket maysa cadacayo isu diablo?

Dagiti Aramid 1:24

Ket nagcararagda, ket kinunada: Apo, Sica nga ammom dagiti puspuso dagiti amin a tao iparangmo no asino ti pinilim cadagitoy dua,

Dagiti Aramid 1:8

Ngem umawatcayto ti pannacabalin, inton umay cadacayo ti Espiritu Santo; ket dacayto ti sacsic sadi Jerusalem, ken iti isu-amin a Judea, ken Samaria, ken agingga iti ungto ti daga.

Dagiti Aramid 10:41

Saan nga iti amin nga umili no di ket cadagiti sacsi nga immuna a pinili ti Dios, isu a dacami a nakipangan ken nakiinum kencuana, idi nalpas a nagungar iti tengnga dagiti natay.

Dagiti Aramid 22:14

Ket isu kinunana: Ti Dios dagiti ammatayo, tinudingannaca idi tapno maammoam ti nakemna, ken makitam daydi Nalinteg, ken mangegmo ti timec ti ngiwatna.

Dagiti Aramid 9:15

Ngem kinuna kencuana ti Apo: Inca, ta daytoy ti vaso a napili a maipaay caniac a mangipan iti naganco iti sangoanan dagiti Gentil, ken dagiti arari ken dagiti annac ti Israel.

Taga-Roma 1:13

Ket diac cayat a dicayo maammoan, cacabsat, a naminadu a pinanggepco ti umay cadacayo (ket agpapan ita nalappedanac), tapno macagunodac met coma ti bunga cadacayo, a cas met cadagiti dadduma a Gentiles.

Taga-Roma 1:5

Gapu kencuana inawatmi, ti parabur ken ti kina-apostol, a maipaay iti pannacapatulnog iti pammati cadagiti amin nga il-ili, a maipaay iti naganna;

Taga-Roma 15:4

Ta dagup dagiti immun-una a naisuraten, naisuratdan tapno pacasursuroantayo, tapno gapu iti anus ken iti liwliwa dagiti Sursurat, maaddaantayo coma ti inanama.

Taga-Roma 9:21

Wenno ti agdamdamili, awan aya ti pannacabalinna a mangaramid iti maymaysa a pitac ti maysa a damili tapno pacaidayawan, ken ti sabali, tapno pacaibainan?

1 Taga-Corinto 10:11

Ket dagitoy a banbanag naaramidda cadacuada a pagulidanan ket naisuratda tapno pacabagbagaantayo, a dimtengen dagiti panungpalan dagiti aldaw.

Taga-Galacia 1:15

Ngem idi kinayat ti Dios (isu a nangilasin caniac a nanipud iti tian ni inac, ket inayabannac gapu iti paraburna),

Taga-Efeso 2:10

Ta datayo aramidnatayo, a naparsua ken Cristo Jesus a maipaay cadagiti naimbag nga ar-aramid, isuda nga insagana ti Dios idi, tapno magmagnatay coma cadacuada.

Taga-Colosas 1:23

No, pudno nga agtalinaedcayo iti pammati, naipasdec ken natibker, ket dicay pacuti iti pananginanama iti evangelio a nangngegyo, a naicascasaba iti amin a parsua iti baba ti langit; a gapu kencuana nagbalinac a ministro, siac ni Pablo.

Taga-Colosas 1:6

A dimteng cadacayo, a cas met iti isu-amin a lubong adda nga agbungbunga ken dumackel; a cas met cadacayo, nanipud iti aldaw a pannacangngeg ken pannacaammoyo iti parabur ti Dios iti pudno;

1 Timoteo 2:7

Ket gapu itoy naisaadac a mangascasaba ken apostol (ibagac ti pudno, saanac nga agulbod), mannursuro cadagiti Gentil iti pammati ken pudno.

2 Timoteo 1:11

Isu a nacatudingac a mangasaba, ken apostol, ken mannursuro.

2 Timoteo 2:2

Ket dagiti banag a nangngegmo caniac a sinacsian dagiti adu, dagitoy icumitmo cadagiti tattao a matalec, isuda a macabalinto a mangisuro met cadagiti sabsabali.

Tito 1:5

Gapu itoy imbatica idiay Creta, tapno ituloymo nga ornosen dagiti banbanag a dipay nalpas idi, ken tapno mangisaadca cadagiti panglacayen iti tunggal Ili, cas imbilinco kenca;

Hebreo 11:4

Gapu iti pammati ni Abel indiayana iti Dios ti maysa a daton a nasaysayaat ngem ni Cain; ket gapu iti daytoy naited kencuana ti pannacapanecnec nga isu nalinteg idi a sinacsian ti Dios ti maipapan cadagiti datdatonna; ket gapu itoy nupay natayen, agsao pay laeng.

Santiago 3:18

Ket ti bunga ti kinalinteg maimula iti talna a maipaay cadagiti agar-aramid ti talna.

1 Pedro 3:15

No di ket patgenyo ni Cristo a cas Apo cadagiti puspusoyo, a madadaancayo a sumungbat iti isu-amin a mangintuudto cadacayo ti gapu ti inanama nga adda cadacayo; ngem sipapacumbaba ken sidadayaw:

1 Pedro 3:2

No mapaliwda ti nanacman a panagbiagyo a buyugen ti pammadayaw.

1 Juan 4:10

Ket daytoy ti ayat, saan a gapu ta ayatentayo ti Dios, no di ket gapu ta isu inayatnatayo, ket imbaonna ti Anacna a daton a subbot cadagiti basbasoltayo.

1 Juan 4:19

Datayo agayattayo, agsipud ta isu inayatnatayo nga immuna.