San Juan 15:14 - Ti Biblia (1973)

¹⁴ Dacayo ti gagayemco, no aramidenyo dagiti ibilinco cadacayo.

Ti Baro a Naimbag a Damag Biblia

¹⁴ Ket dakayo dagiti gagayyemko no tungpalenyo ti ibilinko.

San Juan 15:14 Iomraidhean Croise

1 Ar-ari 4:5

Ken ni Azarias nga anac ni Natan isu ti agpangolo cadagiti agturturay; ken ni Zabud nga anac ni Natan isu ti cangronaan a ministro, ken pagayam ti ari;

2 Ar-ari 18:6

Ta kimpet ken ni Jehova; ket saan a pimmanaw iti isusurotna kencuana, no di ket tinungpalna dagiti bilbilin, a ni Jehova imbilinna ken ni Moises.

2 Cronicas 20:7

O Diosmi, saanmo aya a pinagtalaw dagiti agnaed itoy a daga iti sango ti ilim nga Israel, ket intedmo cadagiti putot ni Abraham a gayyemmo iti agnanayon?

Exodo 7:6

Ket casta ti inaramid da Moises ken Aaron; cas imbilin cadacuada ni Jehova, casta ti inaramidda.

Dagiti Proverbio 18:24

Ti tao a mannakigayyem la unay pacadadaelanna met laeng; ngem adda gayyem a nadecdecket ngem cabsat.

Kanta ni Solomon 5:1

Immayac iti minuyongac, cabsatco a babai, a noviac: inurnongco ti mirrac agraman recadoc; kinnanco ti rarac agraman diroc; ininumco ti aracco agraman gatasco. Mangancayo, O gagayyemco; uminumcayo, wen, uminumcayo a nawadwad unay, O ayayatec.

Isaias 41:8

Ngem sia, Israel, nga adipenco, Jacog a pinilic, ti bin-i ni Abraham a gayyemco,

Jeremias 32:23

Ket simrecda, ket tinagicuada, ngem saanda a nagtulnog iti timecmo, ken dida met nagna iti lintegmo; awan ti inaramidda cadagiti amin nga imbilinmo cadacuada nga aramidenda: gapuna nga inaramidmo a mapasamac cadacuada amin daytoy a dakes.

Ezekiel 12:7

Ket inaramidco ti cas iti naibilin caniac: inruarco ti gargaretco bayat ti aldaw, a cas la gargaret a maipaay iti iyalis ket idi rumabii binutbutac ti bacud babaen itoy imac; nagiruarac bayat ti sipnget, ket nagibaclayac iti imatangda.

San Mateo 12:50

Ta siasinoman a mangaramidto iti pagayatan ni Amac, nga adda sadi langit, isu dayta ti cabsatco a lalaki ken babai, ken inac.

San Lucas 12:4

Ket cunac cadacayo, gagayyemco: dicay pagbutngan dagiti mamapatay ti bagi, ket iti calpasanna, awan ti sabali a mabalinda nga aramiden.

San Juan 13:17

No ammoyo dagitoy, nagasatcayo no aramidenyo ida.

San Juan 14:15

No ayatendac, tungpalenyo dagiti bilbilinco.

San Juan 14:21

Ti addaan cadagiti bilbilinco ket tungpalenna, ida isu dayta ti agayat caniac, ket ti agayat caniac, ayatento ni Amac, ken isu ayatecto, ket agparangacto kencuana.

San Juan 14:28

Nangngegyon no casano ti panagcunac cadacayo: Innac, ket agsubliac cadacayo. No inayayatdac coma nagrag-ocay coma a pudno ta innac ken Ama: ta ni Ama dacdackel ngem siac.

San Juan 2:5

Ni inana cunana cadagiti tumultulong: Aniaman nga ibagana cadacayo, aramidenyo.

Santiago 2:23

Ket natungpal ti Surat, a cunana: Ni Abraham pinatina ti Dios, ket naibilang kencuana a kinalinteg; ket napanaganan gayyem ti Dios.

1 Juan 5:3

Ta daytoy ti ayat ti Dios, a tungpalentayo coma dagiti bilbilinna; ket dagiti bilbilinna saanda a macapadagsen.

Ruth 3:6

Ket simmalog iti pagtaltagan ket inaramidna ti mayalubog iti amin daydi a ni catuganganna imbilinna kencuana.