San Juan 15:11 - Ti Biblia (1973)

¹¹ Dagitoy sinaoc cadacayo, tapno ti rag-oc agtaeng coma cadacayo, ket ti rag-oyo agdanunan coma.

Ti Baro a Naimbag a Damag Biblia

¹¹ “Imbagak daytoy tapno ti ragsakko adda koma kadakayo ket naan-anay koma ti ragsakyo.

San Juan 15:11 Iomraidhean Croise

Isaias 53:11

Makitananto ti panagrigat ti cararuana, ket mapnecto; gapu iti pannacaammo kencuana met laeng ti nalinteg nga adipenco palintegennanto dagiti adu; ken isu awitennanto dagiti kinadangkesda.

Isaias 62:4

Saancanton a managanan iti Nabaybay-an; ket dinto met managananen ta dagam iti Langalang: no di ket sica managanancanto iti Hebsiba, ken iti dagam iti Beulah; ta ni Jehova agrag-o kenca, ken ti dagam maasawanto.

Jeremias 32:41

Wen, agragsacacto cadacuada iti panagaramidco iti naimbag cadacuada, ket kinapudnona imulacto ida ditoy a daga, iti amin a pusoc ken iti amin a cararuac.

Jeremias 33:9

Ket agpaayto caniac, daytoy nga ili iti nagan ti rag-o, iti panagdayaw ken iti dayag, iti sangoanan dagiti amin a nasnacion ditoy daga a dumngegto cadagiti amin a naimbag nga aramidec, cadacuada, ket agbutengdanto ken agpigergerdanto cadagiti amin a naimbag ken dagiti amin a talna nga paaddaec kencuana.

Sofonias 3:17

Ni Jehova a Diosmo adda iti nagtengngaam, ti maingel a mangisalacanto; agrag-onto kenca a mabuyugan iti panagragragsac; aginananto iti ayatna; agragsacto kenca a mabuyugan iti panagcancanta.

San Lucas 15:23

Ket iyegyo ti vaca a napalucmeg ket partienyo; ket mangantayo ket agraragsactayo.

San Lucas 15:32

Ngem masapul ti panagrambac ken panagayayat, ta daytoy cabsatmo natay ket nagungar; ken napucaw, ket nasaracan.

San Lucas 15:5

Ket inton masaracannan icabilna a siraragsac cadagiti abagana.

San Lucas 15:9

Ket inton mabirucanna, urnongenna dagiti ingngana ken cacaarubana, a cuncunana: Makipagragsaccay caniac, ta nasaracac ti dracma a napucawco.

San Juan 16:24

Agingga ita awan pay ti dinawatyo iti naganco: dumawatcayo ket umawatcayo, tapno maananay ti ragsacyo.

San Juan 16:33

Dagitoy insaoc idi cadacayo, tapno adda coma talnayo caniac: ditoy lubong addanto rigatyo: ngem manginanamacayo, siac pinarmecco ti lubong.

San Juan 17:13

Ngem ita umayac kenca: ket saoec dagitoy ditoy lubong tapno adda cadacuada met laeng ti rag-oc a naananay.

San Juan 3:29

Ti makinasawa iti novia, isu ti novio; ngem ti gayyem ti novio nga umimimatang ket mangngegna, agragrag-o unay gapu ti timec ti novio: Ngarud daytoy rag-oc nagdanunan.

Taga-Roma 15:13

Ket ti Dios ti inanama punnoennacayo coma iti amin a ragsac ken cappia iti panamati, tapno umadu ti inanamayo, gapu iti pannacabalin ti Espiritu Santo.

2 Taga-Corinto 1:24

Saan a gapu ta iturayanmi ti pammatiyo, no di ket dacami ti tumultulong iti rag-oyo: ta iti pammati addacayo a sititibker.

Taga-Efeso 5:18

Ket dicay agbartec iti arac, isu a pagbuslonan ti kinadakes, no di ket mapnocay coma iti Espiritu;

Taga-Filipos 1:25

Idinto ngarud a capnecac daytoy, ammoc a matdaacto ket makipaggianacto cadacay amin, a maipaay iti irarang-ayco ken ragsac iti pammati;

1 Taga-Tesalonica 5:16

Agragsaccayo a cancanayon;

1 Pedro 1:8

Isu nga uray no dicay nakita, ayatenyo; ket uray no ita dicay makita, patienyo ket agrag-ocayo iti di mayebcas a rag-o ken napno iti dayag:

1 Juan 1:4

Ket dagitoy a banbanag isuratmi cadacayo tapno maananay ti ragotayo.

2 Juan 1:12

Idinto nga adu a banbanag nga isuratco coma cadacayo, diac cayat nga aramaten ti papel ken tinta; ngem namnamaec ti umay cadacayo, ken agsaoac ti rupanrupa, tapno naananay coma ti rag-otayo.