San Juan 15:10 - Ti Biblia (1973)

¹⁰ No tungpalenyo dagiti bilbilinco, agtaengcayto iti ayatco; cas la iti panagtungpalco cadagiti bilbilin ni Amac, ket agtaengac iti ayatna.

Ti Baro a Naimbag a Damag Biblia

¹⁰ Kas iti panangtungpalko kadagiti bilbilin ni Amak ket agtaengak iti ayatna, agtalinaedkayo met iti ayatko no tungpalenyo dagiti bilbilinko.

San Juan 15:10 Iomraidhean Croise

2 Samuel 22:22

Ta siac sinalimetmetac dagiti daldalan ni Jehova, ket saanac a simmina a siuulpit iti Diosco.

2 Ar-ari 18:6

Ta kimpet ken ni Jehova; ket saan a pimmanaw iti isusurotna kencuana, no di ket tinungpalna dagiti bilbilin, a ni Jehova imbilinna ken ni Moises.

Exodo 7:6

Ket casta ti inaramid da Moises ken Aaron; cas imbilin cadacuada ni Jehova, casta ti inaramidda.

Isaias 50:5

Ni Apo Jehova linuctanna ti lapayagco, ket saanac a nasukir, ket diac met timmuckiad.

San Juan 10:18

Awan ti mangiccat caniac no di ket iyawatco a sisiac. Adda pannacabalinco a mangyawat ti biagco ken adda pannacabalinco met a mangawat manen, Daytoy a bilin inawatco ken Amac.

San Juan 12:49

Ta saanac a nagsao a sisiac; no di ni Ama a nangibaon caniac, isu imbilinna caniac, no ania ti ibagac ken saoec.

San Juan 14:15

No ayatendac, tungpalenyo dagiti bilbilinco.

San Juan 14:21

Ti addaan cadagiti bilbilinco ket tungpalenna, ida isu dayta ti agayat caniac, ket ti agayat caniac, ayatento ni Amac, ken isu ayatecto, ket agparangacto kencuana.

San Juan 14:23

Simmungbat ni Jesus, ket kinunana kencuana: No adda agayat caniac, salimetmetannanto ti saoc ket ni Amac ayatennanto, ket umaycamto kencuana, ket makipagiancamto kencuana.

San Juan 14:31

Ngem tapno mailasin ti lubong nga ayatec ni Ama ken no casano ti panangited ni Ama iti bilin caniac casta ti aramidec, Tumacdercayo, pumanawtay ditoy.

San Juan 17:4

Siac indaydayawca ditoy daga: naturposco ti aramid nga intedmo nga aramidec.

San Juan 4:34

Ni Jesus cunana cadacuada: Ti taraonco isu ti panangaramidco iti pagayatan ti nangibaon caniac, ken panangturpos ti aramidna.

San Juan 8:29

Ket ti nangibaon caniac adda caniac, saannac a binaybay-an a maymaysa, ta siac agnanayon nga aramidec dagiti macaay-ayo kencuana.

San Juan 8:55

Ket isu dicay naammoan; ngem siac ammoc: ket no cunac coma nga diac ammo, caslaacto coma cadacayo, a naulbod: ngem isu ammoc, ket salimetmetac ti saona.

1 Taga-Corinto 7:19

Ti pannacacugit awan papaayna, ket ti saan a pannacacugit awan papaayna; ngem ti napateg isu ti panangtungpal cadagiti bilbilin ti Dios.

1 Taga-Tesalonica 4:1

Camaudiananna, cacabsat, dawatenmi ken bagbagaandacayo ken Apo Jesus a cas iti sinursuroyo cadacami no casano ti rebbengyo a pannagna ken panangay-ayo iti Dios, (cas ar-aramidenyo met) rumangaycayo a rumang-ay.

Hebreo 7:26

Ta castoy ti cangatoan a padi a naipaay cadatayo; Santo, awan basolna, di natulawan, adayu cadagiti managbasol, ket naaramid a nangatngato ngem cadagiti langlangit;

2 Pedro 2:21

Ta nasaysayaat coma cadacuada no dida naammoan ti dalan ti kinalinteg, ngem iti calpasan ti pannacaammoda kencuana naglicudanda ti nasantoan a bilin a naited cadacuada.

1 Juan 2:3

Ket gapu itoy, maammoantayo nga isu am-ammotayo, no salimetmetantayo dagiti bilbilinna.

1 Juan 2:5

Ngem ti siasinoman a mangsalimetmet iti saona, pudno a nagdanunan kencuana ti ayat ti Dios, ket daytoy ti pacaammoantayo nga addatay kencuana:

1 Juan 2:6

Ti agcuna nga agtalinaed kencuana, rebbengna met ti magna a cas iti pannagnana idi.

1 Juan 5:3

Ta daytoy ti ayat ti Dios, a tungpalentayo coma dagiti bilbilinna; ket dagiti bilbilinna saanda a macapadagsen.

Paltiing 22:14

Nagasat dagidiay mangdalus cadagiti pagananayda, tapno adda calinteganda nga aglac-am iti cayo ti biag, ken tapno mabalinda ti sumrec cadagiti ruruangan ti ciudad.