San Juan 14:6 - Ti Biblia (1973)

⁶ Ni Jesus cunana kencuana: Siac ti dalan, ken ti pudno ken ti biag; awan ti umay ken Ama, no di magna caniac.

Ti Baro a Naimbag a Damag Biblia

⁶ “Siak ti dalan, ken ti pudno, ken ti biag; awan ti makapan iti Ama no di magna kaniak,” insungbat ni Jesus.

San Juan 14:6 Iomraidhean Croise

San Mateo 11:27

Amin dagiti banag inyawat caniac ni Amac; ket awan ti macaamammo iti Anac no saan a ti Ama; ket awan met ti macaamammo iti Ama, no saan a ti Anac, ken daydiay cayat a pangipaltiinganto ti Anac.

San Juan 1:14

Ket daydi a Verbo nagbalin a lasag, ket nakipaggian cadatayo: (ket nakitami ti dayagna, a cas la iti dayag ti Bugbugtong nga Anac ti Ama), napno ti parabur ken pudno.

San Juan 1:17

Ta ti linteg naited gapu ken ni Moises; ti parabur ken ti kinapudno immayda gapu ken Jesu-Cristo.

San Juan 1:4

Adda idi kencuana ti biag, ket ti biag isu idi ti silaw dagiti tao.

San Juan 10:28

Ket siac iccac ida ti biag nga agnanayon: ket didanto mapucaw uray caano, ket awanto ti mangrabsut cadacuada itoy imac.

San Juan 10:7

Kinuna manen, ngarud ni Jesus cadacuada; Pudno, pudno cunac cadacayo, siac ti ruangan dagiti carnero.

San Juan 10:9

Siac ti ruangan; ti sumrec a magna caniac, maisalacanto, ket sumrec ken rumuarto ket macasaracto ti pagaraban.

San Juan 14:19

Adda pay apagbassit, ket ti lubong dinacto makitan; ngem dacayo makitadacto; gapu ta agbiagac, agbiagcayto met.

San Juan 15:1

Siac ti pudno a poon ti uvas, ket ni Amac ti agtaltalon.

San Juan 18:37

Kinuna ngarud ni Pilato kencuana: No casta ngarud, arica? Simmungbat ni Jesus; Cunam nga ariac, Nayanacac gapu itoy, ken gapu itoy immayac ditoy lubong, tapno panecnecac ti pudno, Isu-amin nga aggapu iti pudno, denggenna ti timecco.

San Juan 5:21

Ta cas ti Ama pagungarenna dagiti natay ket iccanna ida ti biag, casta met ti Anac iccanna ti biag dagiti cayatna.

San Juan 6:33

Ta ti tinapay ti Dios isu dayta bumaba manipud langit ket mangted ti biag iti lubong.

San Juan 6:51

Siac ti tinapay a sibibiag a bimmaba nanipud langit: no adda mangan itoy a tinapay, agbiagto nga agnanayon, ket ti tinapay nga itdecto, a pacabiagan ti lubong isu ti lasagco.

San Juan 6:57

Cas ti Ama a sibibiag imbaonnac, ket agbiagac gapu iti Ama; casta met a ti mangan caniac, agbiagto gapu caniac.

San Juan 6:68

Ket simmungbat kencuana ni Simon Pedro: Apo, asinonto ti papananmi? Sica addaanca cadagiti sao ti biag nga agnanayon.

San Juan 8:32

Ket maammoanyonto ti pudno, ket ti kinapudno luc-atannacayto.

San Juan 8:51

Pudno, pudno, cunac cadacayo: No adda mangsalimetmet iti saoc, saannanto a makita ni patay uray caano.

Dagiti Aramid 3:15

Ket pinapatayyo ti Principe iti biag, isu a pinagungar ti Dios cadagiti natay, isu a masacsianmi.

Dagiti Aramid 4:12

Ket awan ti sabali a pacaisalacanan, uray siasino; ta awan ti sabali a nagan iti babaen ti langit, a naited cadagiti tao, a pacabalinantayo a maisalacan.

Dagiti Aramid 9:2

Ket dimmawat kencuana ti sursurat a mapan sadi Damasco cadagiti sinagoga, tapno no adda masaracanna nga addada itoy a Dalan a lallaki man ken babai, iyegna coma ida a sirereppet sadi Jerusalem.

Taga-Roma 15:16

Tapno agbalinac coma a ministro ni Cristo Jesus cadagiti Gentiles, a pagserserviac ti evangelio ti Dios; tapno ti daton dagiti Gentiles agbalin coma a macaay-ayo idinto a mapasanto gapu iti Espiritu Santo.

Taga-Roma 5:2

Gapu kencuana met addaantayo ti pagsercan gapu iti pammati, itoy a parabur, isu a pagtalinaedantayo a sititibker, ket agrag-otayo ti namnamo iti kayag ti Dios.

Taga-Roma 5:21

Tapno, cas ti panagari ti basol ken patay, casta met coma nga agari ti parabur, gapu iti kinalinteg a maipaay iti biag nga agnanayon, gapu ken Jesu-Cristo nga Apotayo.

1 Taga-Corinto 15:45

Casta met nga adda a naisurat: Ti umuna a tao, ni Adam, immay nagbalin a cararua a sibibiag; ngem ti maudi nga Adam, nagbalin a maysa nga espiritu a mambiag.

Taga-Efeso 2:18

Ta gapu kencuana dacami ken dacayo addaantayo ti gundaway ti iyaasideg iti Ama, babaen ti maymaysa nga Espiritu.

Taga-Colosas 2:17

Dagitoy a banbanag isuda idi ti aniniwan dagiti banbanag nga umay; ngem ti bagi cucua ni Cristo.

Taga-Colosas 2:9

Ta kencuana agtaeng ti naananay a Kinadios a sibubukel,

Taga-Colosas 3:4

Inton ni Cristo, a biagtayo, maiparangarangto maiparangarangcayonto metten a mairaman kencuana iti gloria.

Hebreo 7:25

Gapuna, mabalinna met nga isalacan agingga iti awan pagcuranganna dagiti umasideg iti Dios gapu kencuana, ta isu agbiag nga agnanayon tapno ibabaetna ida.

Hebreo 9:8

Nga impaawat daytoy ti Espiritu Santo, a saan pay a naiparang ti pagsercan, iti nasantoan a disso, bayat ti caadda a sitatacder ti umuna a tabernaculo;

1 Pedro 1:21

A gapu kencuana mamaticayo iti Dios, a namangungar kencuana cadagiti natay, ket isu iniccanna ti dayag, tapno ti pammati ken inanamayo addada coma iti Dios.

1 Pedro 2:4

Dumatengcayo kencuana, isu a cas la maysa a bato a nabiag, nga imbel-leng a pudno dagiti tattao, ngem isu napili ken napateg iti Dios.

1 Pedro 3:18

Ta ni Cristo nagsagaba met gapu cadagiti basbasol, iti naminpinsan daydi nalinteg gapu cadagiti nakil-lo, tapno iragpatnatayo iti Dios, idi napapatay no maipapan iti lasag, ngem sibibiag no maipapan iti espiritu:

1 Juan 1:8

No cunaentayo nga awan ti basoltayo, allilawentayo ti bagitayo met laeng, ket ti pudno awan cadatayo.

1 Juan 2:23

Siasinoman a mangilibac iti Anac, awan met ti Ama kencuana: ti mangipudno iti Anac, adda met kencuana ti Ama.

1 Juan 5:20

Ket ammotayo a ti Anac ti Dios immay, ket iniccannatay ti pannacaawat, tapno mabigbigtayo daydiay a napudno; ket datayo agtaengtayo iti daydiay a napudno nga isu ni Anacna a Jesu-Cristo. Daytoy isu ti pudno a Dios ken ti biag nga agnanayon.

1 Juan 5:6

Daytoy daydi immay gapu iti danum ken dara, nga isu ni Jesu-Cristo: saan nga iti danum laeng, no di ket iti danum ken dara.

2 Juan 1:9

Siasinoman a gumundaway ket saan nga agtalinaed iti sursuro ni Cristo, awan ti Dios kencuana: ti agtalinaed iti sursuro, isu met laeng adda kencuana ti Ama ken ti Anac.

Paltiing 1:5

Ken aggapu ken Jesu-Cristo, ti matalec a mamanecnec, ti inauna nga anac cadagiti natay, ken ti agturay cadagiti ar-ari ditoy daga: Iti daydiay mangdungdungngo cadatayo, ken nangluc-at cadatayo cadagiti basbasoltayo iti darana met laeng;

Paltiing 19:11

Ket nakitac ti langit a silulucat; ket adtoy ti maysa a cabayo a puraw, ket daydi nagsacay kencuana, managan idi ti Matalec ken Napudno; ket maipuon iti kinalinteg mangocom ken agaramid iti gubat.

Paltiing 20:15

Ket no ti siasinoman saan a nasaracan a naisurat iti pagbasaan ti biag, naitappuac idiay danaw nga apuy.

Paltiing 22:1

Ket impakitana caniac ti maysa a carayan ti danum ti biag, a sumilsilap a cas iti sarming a rummuar iti trono ti Dios ken iti Cordero, ket agayus.

Paltiing 22:17

Ket daydi Espiritu ken daydi novia cunada: Umayca! ket ti dumngeg, cunaenna coma: Umayca! Ket ti mawaw, umay coma. Ket ti mayat, awatenna ti danum ti biag, nga awan baybayadna.

Paltiing 3:14

Ket isuratmo iti angel ti Iglesia sadi Laodicea: Dagitoy a banbanag cuna ni Amen, ti mamanecnec a matalec ken napudno, ti poon ti pinarsua ti Dios:

Paltiing 3:7

Ket isuratmo iti angel ti Iglesia sadi Filadelfia: Dagitoy a banbanag cuna ti santo, ti napudno, ti addaan ti tulbec ni David, ti manglucat, ket awan ti macapunit, ken ti mangpunit ket awan ti macalucat: