San Juan 14:23 - Ti Biblia (1973)

²³ Simmungbat ni Jesus, ket kinunana kencuana: No adda agayat caniac, salimetmetannanto ti saoc ket ni Amac ayatennanto, ket umaycamto kencuana, ket makipagiancamto kencuana.

Ti Baro a Naimbag a Damag Biblia

²³ “Ti agayat kaniak, tungpalennanto dagiti saok,” insungbat ni Jesus. “Ayatento ni Amak, ket siak ken ti Ama umaykamto agtaeng kenkuana.

San Juan 14:23 Iomraidhean Croise

Genesis 1:26

Ket ti Dios kinunana, Aramidentayo coma ti tao iti ladawantayo, cas caaspingtayo: ket iturayanda coma dagiti ic-ican ti taaw, ken dagiti tumatayab cadagiti langit ken dagiti an-animal, ken ti amin a daga, ken dagiti amin nga agcarcarayam nga aguy-uyas iti rabaw ti daga.

Genesis 11:7

Bumabatayo coma ket riribukentayo ti pagsasaoda sadiay tapno dida agkikinnaawatan iti pagsasaoda.

Dagiti Salmo 90:1

Apo, sica ti nagtataenganmi cadagiti amin a capcaputotan.

Dagiti Salmo 91:1

Ti agtaeng iti nalmeng a yan ti Cangatoan agtalinaedto iti masalinongan ti Mannacabalin.

Isaias 57:15

Ta castoy ti cuna ti Nangato ken Natan-oc nga agnaed iti agnanayon, a ti naganna Santo; Agnaedac iti nangato ken nasantoan a disso, agraman iti daydiay addaan iti maysa nga espiritu a napagbabawi ken napacumbaba, tapno biagec manen ti espiritu ti napacumbaba ken tapno biagec manen ti puso ti napagbabawi.

San Juan 10:30

Siac ken ti Ama maymaysacami.

San Juan 14:15

No ayatendac, tungpalenyo dagiti bilbilinco.

San Juan 14:17

Nga isu ti Espiritu ti pudno, isu a ti lubong saanna a mabalin nga awaten, ta dina makita ket dina mailasin, dacayo ammoyo, ta makipagtaeng cadacayo, ken addanto iti unegyo.

San Juan 14:21

Ti addaan cadagiti bilbilinco ket tungpalenna, ida isu dayta ti agayat caniac, ket ti agayat caniac, ayatento ni Amac, ken isu ayatecto, ket agparangacto kencuana.

San Juan 14:24

Ti di agayat caniac, saanna a tungpalen dagiti saoc ket ti sao a nangngegyo, saanco a cucua, no di cucua ni Ama a nangibaon caniac.

San Juan 15:10

No tungpalenyo dagiti bilbilinco, agtaengcayto iti ayatco; cas la iti panagtungpalco cadagiti bilbilin ni Amac, ket agtaengac iti ayatna.

San Juan 16:27

Ta ni met laeng Ama ayatennacayo, gapu ta dacayo inayatdac ket pinatiyo a naggapuac iti Dios.

San Juan 6:56

Ti mangan iti lasagco ken uminum iti darac, aggian caniac ket siac kencuana.

San Juan 8:51

Pudno, pudno, cunac cadacayo: No adda mangsalimetmet iti saoc, saannanto a makita ni patay uray caano.

San Juan 8:52

Dagiti Judio kinunada kencuana: Ita ammomi nga adda sairom. Ni Abraham natay casta met dagidi mammadto, ket kunam: No adda mangsalimetmet iti saoc, dinanto maramanan ni patay uray caano.

2 Taga-Corinto 6:16

Ket ania ti pacainugotan dagiti ladladawan a didiosen iti Templo ti Dios? ta datayo ti Templo ti Dios a sibibiag; a cas met kinuna ti Dios: Agbalayacto cadacuada, ket magmagnaacto cadacuada; ket siacto ti Diosda, ket isudanto dagiti umili iti Ilic.

Taga-Efeso 3:17

Tapno agnaed coma ni Cristo cadagiti puspusoyo, gapu iti pammati; tapno idinto nga agramutcayo ket macimientoancayo ken ayat,

1 Juan 2:24

No maipapan cadacayo, mataginayon coma cadacayo ti nangngegyo nanipud idi damo. No mataginayon cadacayo daydi nangngegyo nanipud idi punganay, agtalinaedcayto met iti Anac ken iti Ama.

1 Juan 2:5

Ngem ti siasinoman a mangsalimetmet iti saona, pudno a nagdanunan kencuana ti ayat ti Dios, ket daytoy ti pacaammoantayo nga addatay kencuana:

1 Juan 4:4

Dacayo tattaonacayo ti Dios, annacco a dongdongngoen, ket inabacyo ida; ta dacdackel daydiay adda cadacayo, ngem ti adda iti lubong.

1 Juan 5:3

Ta daytoy ti ayat ti Dios, a tungpalentayo coma dagiti bilbilinna; ket dagiti bilbilinna saanda a macapadagsen.

2 Juan 1:6

Ket daytoy ti ayat, a magmagnatayo coma cas mayannurot cadagiti bilbilinna. Daytoy ti bilin, cas iti nangngegyo nanipud idi punganay, a magmagnacayo coma kencuana.

Paltiing 21:22

Ket awan ti nakitac a templo kencuana; ta ni Apo Dios, a Mannacabalin-amin, ken daydi Cordero isuda ti templona.

Paltiing 21:3

Ket nangngegco ti maysa a dackel a timec a naggapu iti trono nga agcuncuna: Adtoy ti tabernaculo ti Dios adda cadagiti tattao, ket isu makipagnaedto cadacuada, ket isudanto dagiti tattaona, ket ti Dios met laeng addanto cadacuada, a Dios da:

Paltiing 22:3

Ket awanton ti lunod ket ti trono ti Dios ken ti Cordero addadanto kencuana, ket dagiti adipenna agservidanto kencuana;