San Juan 14:21 - Ti Biblia (1973)

²¹ Ti addaan cadagiti bilbilinco ket tungpalenna, ida isu dayta ti agayat caniac, ket ti agayat caniac, ayatento ni Amac, ken isu ayatecto, ket agparangacto kencuana.

Ti Baro a Naimbag a Damag Biblia

²¹ “Ti umawat ken mangtungpal kadagiti bilbilinko, isu ti agayat kaniak. Ti agayat kaniak, ayatento ni Amak; ayatekto met ken agparangakto kenkuana.”

San Juan 14:21 Iomraidhean Croise

2 Ar-ari 18:6

Ta kimpet ken ni Jehova; ket saan a pimmanaw iti isusurotna kencuana, no di ket tinungpalna dagiti bilbilin, a ni Jehova imbilinna ken ni Moises.

Dagiti Salmo 35:27

Umsiagda coma iti rag-o, ket maragsacanda, dagiti makianamong itoy sililinteg a panggepco: wen, cunaenda cadi a cancanayon, ni Jehova maitanoc coma, isu a pagayatanna ti kinarang-ay ti adipenna.

Exodo 33:18

Ket kinunana, Iparangmo caniac dawatec kenca, ti dayagmo.

Dagiti Proverbio 8:17

Ayatec dagiti agayat caniac; ket dagiti mangbiruc a sigaganetget caniac masaracandacto.

Jeremias 31:31

Adtoy, dagiti al-aldaw dumtengda, cuna ni Jehova, a mangaramidacto iti maysa a baro a tulag iti balay ni Israel, ken iti balay ni Juda:

Sofonias 3:17

Ni Jehova a Diosmo adda iti nagtengngaam, ti maingel a mangisalacanto; agrag-onto kenca a mabuyugan iti panagragragsac; aginananto iti ayatna; agragsacto kenca a mabuyugan iti panagcancanta.

San Lucas 11:28

Ngem isu kinunana: Adadda a nagasgasat pay dagiti agdengngeg iti sao ti Dios ken tungpalenda ida.

San Juan 14:15

No ayatendac, tungpalenyo dagiti bilbilinco.

San Juan 14:18

Dicayto baybayan nga ululila: umayacto cadacayo.

San Juan 15:14

Dacayo ti gagayemco, no aramidenyo dagiti ibilinco cadacayo.

San Juan 16:14

Isu idaydayawnacto, ta mangalanto iti cucuac, ket ipacaammonanto cadacayo.

San Juan 16:27

Ta ni met laeng Ama ayatennacayo, gapu ta dacayo inayatdac ket pinatiyo a naggapuac iti Dios.

San Juan 17:23

Siac cadacuada, ket sica caniac, tapno agmaymaysada nga awan pagcuranganna coma; ket ti lubong maammoanna coma a sica imbaonnac, ket inayatmo ida a cas met iti panangayatmo caniac.

Dagiti Aramid 22:18

Ket Isu makitac a nagcuna caniac: Agpardasca ket darasem ti rummuar iti Jerusalem; ta didanto awaten ti pangpanecnecmo a maipapan caniac,

2 Taga-Corinto 12:8

No maipapan itoy, namitlo a nagcararagac iti Apo, tapno mayadayu coma caniac.

2 Taga-Corinto 3:18

Ngem datay amin, ti rupatayo awan abbongna, ket cas la sarming ipacpakitatayo ti dayag ti Apo, agbalintayo nga umasping met la kencuana, a mapadayagtayo a mapadayag cas naggapu iti Espiritu ti Apo.

2 Taga-Corinto 4:6

Ta ti Dios kinunana: Tumpuarto ti silaw iti casipngetan, isu a naglawag cadagiti puspusotayo, a maipaay iti pannacalawag ti pannacaammo iti dayag ti Dios, iti langa ni Jesu-Cristo.

Deuteronomio 11:13

Ket maaramidto a no imdenganyo a sigagaget dagiti bibilinco nga ibilinco cadacayo itoy nga aldaw, tapno ayatenyo ni Jehova a Diosyo, ken agservicayo kencuana iti isu-amin a pusoyo, ken amin a cararuayo,

Deuteronomio 7:13

Ket isu ayatennacanto, ket bendicionannacanto, ken pagaduennacanto; casta met a bendicionannanto ti bunga ta bagim ken bunga ti dagam, ti bin-im, ken ti baro nga aracmo, ken ti lanam, ti nainayon cadagiti an-animalmo ken ti urbon ti pangenmo sadiay daga nga insapatana cadagiti ammam nga ited kenca.

2 Taga-Tesalonica 2:16

Ket ni Apotayo a Jesu-Cristo met laeng, ken ti Dios nga Amatayo, isu a nagayat cadatayo, ket iniccannatayo iti agnanayon a liwliwa ken nasayaat nga inanama gapu iti parabur,

2 Timoteo 4:22

Ti Apo ti cumuyog coma iti espiritum. Parabur coma ti adda kenca.

1 Juan 2:5

Ngem ti siasinoman a mangsalimetmet iti saona, pudno a nagdanunan kencuana ti ayat ti Dios, ket daytoy ti pacaammoantayo nga addatay kencuana:

1 Juan 3:1

Kitaenyo no ania a kita ti ayat ti insagut cadatayo ti Ama, tapno managantay annac ti Dios, ket annacnatay ngarud. Gapu itoy ti lubong saannatay nga am-ammo, gapu ta isu saanna a naammoan.

1 Juan 5:3

Ta daytoy ti ayat ti Dios, a tungpalentayo coma dagiti bilbilinna; ket dagiti bilbilinna saanda a macapadagsen.

2 Juan 1:6

Ket daytoy ti ayat, a magmagnatayo coma cas mayannurot cadagiti bilbilinna. Daytoy ti bilin, cas iti nangngegyo nanipud idi punganay, a magmagnacayo coma kencuana.

Paltiing 2:17

Ti adda pagdengngegna, denggenna coma ti cuna ti Espiritu cadagiti Iglesia. Daydiay agbal-ligi, isu ti pangtedacto iti mana a nailemmeng. Ket itdecto kencuana ti maysa a bato a puraw, ket maibutac iti bato ti maysa a nagan a baro, nga awan ti macaammo uray siasino, no di laeng daydiay umawat kencuana.

Paltiing 22:14

Nagasat dagidiay mangdalus cadagiti pagananayda, tapno adda calinteganda nga aglac-am iti cayo ti biag, ken tapno mabalinda ti sumrec cadagiti ruruangan ti ciudad.

Paltiing 3:20

Adtoy, siac addaac nga agtactacder iti ruangan, ket agtugtugac; no adda dumngegto iti timecco ket luctannanto ti ruangan, sumrecacto kencuana, ket makipanganacto kencuana, ket isu, caniac.