San Juan 14:16 - Ti Biblia (1973)

¹⁶ Ket agdawdawatacto ken Ama, ket iccannacayto ti Manangliwliwa a sabali, tapno adda cadacayo nga agnanayon.

Ti Baro a Naimbag a Damag Biblia

¹⁶ Agdawatakto iti Ama ket ikkannakayto iti sabali a Mammagbaga nga agtaeng kadakayo iti agnanayon.

San Juan 14:16 Iomraidhean Croise

San Mateo 28:20

Nga insursuroyo cadacuada nga aywananda dagiti isu-amin a banag nga inbilinco cadacayo: Ket adtoy, addaac cadacayo nga agnanayon agingga iti panungpalan ti lubong.

San Juan 14:14

No adda aniaman a dawatenyonto iti naganco, dayta ti aramidecto.

San Juan 14:18

Dicayto baybayan nga ululila: umayacto cadacayo.

San Juan 14:26

Ngem ti Manangliwliwa, ti Espiritu Santo, nga ibaonto ni Ama iti naganco, isu isuronanto cadacayo dagiti amin a banag, ket ipalagipnanto cadacayo dagiti isu-amin nga imbagac cadacayo.

San Juan 15:26

Ngem inton umay ti Manangliuliwa, nga ibaonconto cadacayo manipud ken Ama, ti Espiritu ti kinapudno, nga aggapu ken Ama, panecnecannanto ti maipapan caniac:

San Juan 16:22

Ket dacay ngarud ita adda ladingityo: ngem makitacayto manen ket agragsacto ti pusoyo, ket awanto ti macaiccat cadacayo ti ragsacyo.

San Juan 17:15

Diac dawaten nga iccatem ida ditoy lubong, no di ket igagam coma ida iti dakes.

San Juan 17:20

Ket saan laeng a dagitoy ti idawdawatac, no di ket dagiti pay mamati caniac gapu iti saoda:

San Juan 4:14

Ngem siasinoman nga uminum iti danum nga itdecto kencuana, uray caano saanto a mawawen; no di ket ti danum nga itdecto kencuana agbalinto kencuana nga ubbog ti danum nga agburayoc a maipaay iti biag nga agnanayon.

San Juan 7:39

Ngem sinaona daytoy a maipapan iti Espiritu nga awatento dagiti mamati kencuana, ta saan pay idi a naited ti Espiritu, ta ni Jesus saan pay idi a naipanayag.

Dagiti Aramid 1:4

Ket idi a nakisango cadacuada, binilinna ida a dida pumanaw sadi Jerusalem, no di ket urayenda pay ti cari ti Ama, a cunana, nangngegyo caniac,

Dagiti Aramid 13:52

Ket dagidi adalan napnoda idi iti rag-o ken iti Espiritu Santo.

Dagiti Aramid 9:31

Iti casta, ti Iglesia naaddaan ti talna idi iti isu-amin a Judea ken Galilea ken Samaria, ket napabilegda; ket magmagnada iti buteng iti Apo ken babaen ti panangliwliwa ti Espiritu Santo, immaduda.

Taga-Roma 14:17

Ta ti pagarian ti Dios saan nga isu ti pannangan ken panaginum, no di ket kinalinteg, ken talna, ken rag-o iti Espiritu Santo.

Taga-Roma 15:13

Ket ti Dios ti inanama punnoennacayo coma iti amin a ragsac ken cappia iti panamati, tapno umadu ti inanamayo, gapu iti pannacabalin ti Espiritu Santo.

Taga-Roma 5:5

Ket ti inanama saan a pacaibabainan, ta ti ayat ti Dios naiparucpoc cadagiti puspusotayo, gapu iti Espiritu Santo, a naited cadatayo.

Taga-Roma 8:34

Siasino ti mangipatay iti dusa? Ni Cristo Jesus a natay; nangnangrona, ta isu napagungar cadagiti natay; isu nga adda iti makanawan ti Dios; a mangibabaet met cadatayo.

Taga-Galacia 5:22

Ngem ti bunga ti Espiritu ayat, rag-o, talna, mabayag a panagitured, kinaanus, kinalaing, kinamanagtalec,

Taga-Filipos 2:1

No adda ngarud, aniaman a pammagbaga a maipuon ken Cristo, no adda aniaman a pangliwliwa ti ayat, no adda aniaman a pannacaicadcadua iti Espiritu, no adda aniaman nga ayat ti puso ken panangngaasi,

2 Taga-Tesalonica 2:16

Ket ni Apotayo a Jesu-Cristo met laeng, ken ti Dios nga Amatayo, isu a nagayat cadatayo, ket iniccannatayo iti agnanayon a liwliwa ken nasayaat nga inanama gapu iti parabur,

Hebreo 7:25

Gapuna, mabalinna met nga isalacan agingga iti awan pagcuranganna dagiti umasideg iti Dios gapu kencuana, ta isu agbiag nga agnanayon tapno ibabaetna ida.

1 Juan 2:1

Annacco a dongdongoec, isuratco cadacayo dagitoy a banbanag tapno dicay coma agbasol. Ket no addanto siasinoman a macabasol, addaantayo ti Manangibabaet iti Ama, nga isu ni Jesu-Cristo a nalinteg:

1 Juan 2:27

Ket no maipapan cadacayo, ti pananglana nga inawatyo kencuana, mataginayon cadacayo ket awan ti pacasapulanyo iti uray siasino a mangisuro cadacayo; ngem cas ti pananglanana isuronacayo iti maipapan cadagiti isu-amin a banbanag, ket isu ti pudno ket saan nga ulbod, ket cas insuronacayo, casta met agtalinaedcayo kencuana.

2 Juan 1:2

A gapu iti pudno nga agtaeng cadatayo, ket agyanto cadatayo iti agnanayon: