San Juan 14:13 - Ti Biblia (1973)

¹³ Ket ti aniaman a dawatenyonto iti naganco, dayta ti aramidecto, tapno ni Ama maidaydayaw iti Anac.

Ti Baro a Naimbag a Damag Biblia

¹³ Aramidekto ti aniaman a dawatenyo iti naganko tapno maitan-ok ti Ama babaen iti Anak.

San Juan 14:13 Iomraidhean Croise

San Mateo 21:22

Ket amin a dawatenyonto iti panagcararag, no sipapaticayo, awatenyonto.

San Mateo 7:7

Agdawatcayo, ket maiccancayto; agsapulcayo ket macasaraccayto: umawagcayo ket mailucatancayto.

San Marcos 11:24

Gapuna cunac cadacayo: Uray aniaman a dawatenyo no agcararagcayo patienyo nga awatenyon ket maaramidto.

San Lucas 11:9

Ket siac cunac cadacayo: Dumawatcayo, ket maiccancayto; agsapulcayo, ket macasaraccayto; umawagcayo ket ilucatandacayto.

San Juan 10:30

Siac ken ti Ama maymaysacami.

San Juan 12:44

Ket ni Jesus nagpucaw ket kinunana: Ti mamati caniac, saan a siac ti patienna no di ti nangibaon caniac.

San Juan 13:31

Idi ngarud rimmuaren, cuna ni Jesus: Ita maidaydayaw ti Anac ti tao, ket ti Dios maidaydayaw kencuana;

San Juan 14:14

No adda aniaman a dawatenyonto iti naganco, dayta ti aramidecto.

San Juan 14:6

Ni Jesus cunana kencuana: Siac ti dalan, ken ti pudno ken ti biag; awan ti umay ken Ama, no di magna caniac.

San Juan 15:16

Dacayo didac pinili, ngem siac pinilicayo; ken incabilcayo tapno incayo ket agbungacayo coma: ket ti bungayo manayon coma: tapno ti amin a dawatenyonto ken Ama iti naganco, itdenna coma cadacayo.

San Juan 15:7

No agnaedcayo caniac, ket dagiti saoc agtaengda cadacayo, dawatenyo ti aniaman a cayatyo ket maaramidto cadacayo.

San Juan 16:23

Ket iti dayta nga aldaw awanto ti intuudenyo caniac. Pudno, pudno, cunac cadacayo: Nga amin a dawatenyonto ken Ama iti naganco itdennanto cadacayo,

San Juan 16:26

Iti dayta nga aldaw dumawatcayto iti naganco; ket diac cuna cadacayo nga icacaasicayto ken Ama:

San Juan 16:7

Nupay casta ibagac cadacayo ti pudno: Maipaay cadacayo a mapanac: ta no diac mapan, ti Manangliuliwa dinto umay cadacayo; ngem no mapanac, ibaonconto cadacayo.

San Juan 4:10

Simmungbat ni Jesus ket kinunana kencuana: No mailasinmo coma ti sagut ti Dios, ken no siasino ti agcuna kenca: Iccannac ti inumen, dimmawatca coma kencuana, ket iniccannaca coma ti danum a nabiag.

San Juan 4:14

Ngem siasinoman nga uminum iti danum nga itdecto kencuana, uray caano saanto a mawawen; no di ket ti danum nga itdecto kencuana agbalinto kencuana nga ubbog ti danum nga agburayoc a maipaay iti biag nga agnanayon.

San Juan 5:19

Simmungbat ngarud ni Jesus ket kinunana cadacuada: Pudno, pudno cunac cadacayo: Ti Anac saanna a mabalinan ti agbucbucod nga agaramid iti uray ania no di ket ti makitana nga aramiden ti Ama, ta amin nga aramiden ti Ama dagitoy ti Anac aramidenna met a casta.

San Juan 7:37

Idi camaudianan ken dackel nga aldaw ti rambac, ni Jesus nagtacder ket nagpuccaw a kinunana: No adda mawaw, umay caniac ket uminum.

1 Taga-Corinto 14:13

Gapuna ti agsao iti sabali a pagsasao, agcararag, tapno mabalinna coma ti agipatarus.

Taga-Efeso 2:18

Ta gapu kencuana dacami ken dacayo addaantayo ti gundaway ti iyaasideg iti Ama, babaen ti maymaysa nga Espiritu.

Taga-Efeso 3:12

Isu a pacagun-odantayo ti wayawaya ken pacaasicgantayo a sitatalged iti Dios, gapu iti pammatitayo kencuana.

Taga-Efeso 3:14

Gapu itoy, irucnoyco dagiti tumengco iti sangoanan ti Ama,

Taga-Filipos 4:13

Mabalinac dagiti amin a banbanag gapu iti daydiay mamapigsa caniac.

Taga-Colosas 3:17

Ket dagup ti isu-amin nga aramidenyo, iti sao wenno iti aramid, aramidenyo babaen iti nagan ni Apo Jesus, nga agyamancayo iti Dios Ama gapu kencuana.

Hebreo 13:15

Iti casta gapu kencuana idatontayo a cancanayon iti Dios, ti daton ti panangdaydayaw, cayatna a saoen, ti agaon cadagiti bibbibig a mangipaduyacyac iti naganna.

Hebreo 4:15

Ta awan cadatayo ti maysa a cangatoan a padi a di macabalin a mangricna cadagiti kinalap-ittayo, no di ti maysa a nasulisog iti isu-amin, a cas cadatayo ngem saan a nagbasol.

Hebreo 7:25

Gapuna, mabalinna met nga isalacan agingga iti awan pagcuranganna dagiti umasideg iti Dios gapu kencuana, ta isu agbiag nga agnanayon tapno ibabaetna ida.

Santiago 1:5

Ngem no siasinoman cadacayo agcurang iti kinasirib, agdawat coma iti Dios, isu a mangted a sicacaasi cadagiti isu-amin, ket saan a mangpabain ket maitedto kencuana.

Santiago 5:16

Ipudnoyo ngarud dagiti basbasolyo iti maysa ken maysa, ket icararagyo maysa ken maysa, tapno mapasalun-atcayo. Adu ti mabalin ti nasged a cararag ti nalinteg.

1 Pedro 2:5

Dacayo met, cas batbato a sibibiag, maibangoncayo a maysa a templo a naespirituan, nga agbalincayo a maysa a nasantoan a kinapadi; tapno idatonyo dagiti datdaton ti cararua, a macaay-ayo iti Dios, gapu ken Jesu-Cristo.

1 Juan 3:22

Ket isu-amin a dawatentayo, awatentayo kencuana; ta salimetmetantayo dagiti bilbilinna, ket aramidentayo dagiti banbanag a macaayayo cadagiti matana.

1 Juan 5:14

Ket daytoy ti adda cadatayo a panagtalec kencuana, a no adda aniaman a dawatentayo a mayannurot iti pagayatanna, isu denggennatayo: