San Juan 13:34 - Ti Biblia (1973)

³⁴ Maysa a bilin a baro ti itdec cadacayo, tapno agayanayatcayo iti maysa ken maysa; cas iti panagayatco cadacayo, casta met agayanayatcay coma iti maysa ken maysa.

Ti Baro a Naimbag a Damag Biblia

³⁴ “Adda baro a bilin nga itedko kadakayo: Agiinnayatkayo. Kas iti panagayatko kadakayo, kasta met koma ti panagiinnayatyo.

San Juan 13:34 Iomraidhean Croise

Dagiti Salmo 119:63

Maysaac a cadua dagiti agbuteng kenca, ken dagiti mangannurot cadagiti al-alagadem.

Dagiti Salmo 16:3

Maipapan cadagiti sasantos nga adda iti rabaw ti daga, isuda dagiti natan-oc a pagay-ayatac.

Levitico 19:18

Dicanto balsen, wenno salimetmetam a maicaniwas ti guram cadagiti annac ti nacionmo; ngem ayatemto ti padam a tao a cas ita bagim: siac ni Jehova.

Levitico 19:34

Ta gangannaet a makipagtaeng kenca, maibilangto cadacayo a cas cailianyo, ket ayatemto a cas ita bagim; ta dacayo gangannaetcay met idi iti daga nga Egipto, Siac ni Jehova a Diosyo.

San Mateo 5:44

Ngem siac cunac cadacayo: Ayatenyo dagiti cabusoryo, ket icarcararaganyo dagiti mangidadanes cadacayo:

San Juan 15:17

Dagitoy ibilinco cadacayo; Tapno agayan-ayatcayo coma iti maysa ken maysa.

San Juan 17:21

Tapno isuda amin agmaymaysada coma: a cas met sica, Ama, caniac, ket siac kenca, tapno addada met coma cadata; tapno ti lubong patienna coma a sica imbaonnac.

Taga-Roma 12:10

No maipapan iti ayat nga incacabsatan, agdidinnongngocayo; no maipapan iti panagpipinnadayaw ipangpangronayo ti sabali;

Taga-Roma 13:10

Ti ayat saan nga agaramid ti dakes iti pada a tao: ngarud ti ayat isu ti pacatungpalan ti linteg.

Taga-Roma 13:8

Awan coma ti mautangyo iti uray siasino, no di laeng ti panagayan-ayat ti maysa ken maysa: ta ti agayat iti padana a tao, natungpalna ti linteg.

Taga-Galacia 5:22

Ngem ti bunga ti Espiritu ayat, rag-o, talna, mabayag a panagitured, kinaanus, kinalaing, kinamanagtalec,

Taga-Galacia 5:6

Ta ken Cristo Jesus uray ti pannacacugit, uray pay met ti saan a pannacacugit awan ti pannacabalinda no di ket ti pammati nga agaramid gapu iti ayat.

Taga-Galacia 6:10

Iti casta ngarud, no maaddaantayo ti gundaway, aramidentayo ti naimbag cadagiti amin a tattao, ket nangnangrona cadagiti cabbalay iti pammati.

Taga-Galacia 6:2

Agtitinnulongcayo iti pacadagsenan ti maysa ken maysa, ket iti casta tungpalenyo ti linteg ni Cristo.

Taga-Efeso 5:2

Ket magnacayo babaen ti ayat, a cas met ni Cristo inayatnacayo ket intedna ti bagina gapu cadatayo cas sagut ken daton, a nasayamosom ti banglona iti Dios.

Taga-Colosas 1:4

Iti pannacadamagmi iti pammatiyo ken Cristo Jesus, ken ti ayatyo cadagiti isu-amin a sasanto.

1 Taga-Tesalonica 3:12

Ket aramiden coma ti Apo a dumackelcayo ken adduancayo iti ayat ti maysa ken maysa, ken cadagiti isu-amin a tattao, a cas met ti panagayatmi cadacayo:

2 Taga-Tesalonica 1:3

Rebbengmi ti agyaman a cancanayon gapu cadacayo cacabsat, cas maicari, agsipud ta rumang-ay unay ti pammatiyo ket dumacdackel ti panagayat ti maysa ken maysa cadacayo amin;

Hebreo 13:1

Mataginayon coma ti ayat nga incacabsatan.

Santiago 2:8

Ngem, no tungpalenyo ti linteg a naarian cas mayannurot iti Surat: Ayatem ti padam a tao a cas met iti bagim, naimbag ti aramidyo.

1 Pedro 1:22

Idinto a ginugoranna dagiti cararuayo iti kinatulnogyo iti pudno, a maipaay iti ayat a pudno dagiti cacabsat, agayan-ayatcayo iti nasged, a buyugen ti nadalus a puso:

2 Pedro 1:7

Ket iti panagbuteng iti Dios, ti ayat a naincacabsatan; ket iti ayat iti naincacabsatan ti ayat cadagiti isu-amin.

1 Juan 3:11

Ta daytoy ti damag a nangngegyo nanipud idi punganay: Nga agayan-ayattayo coma:

1 Juan 3:23

Ket daytoy ti bilinna: A mamatitayo coma iti nagan ti Anacna, a Jesu-Cristo, ket agayan-ayattayo cas imbilinna cadatayo.

1 Juan 4:21

Ket daytoy a bilin a naadda cadatayo nagtaud kencuana: Nga ti agayat iti Dios, ayatenna met coma ni cabsatna.

2 Juan 1:5

Ket ita dawatec kenca, ina, saan a cas la isuratco kenca ti maysa a bilin a baro, no di daydi met laeng adda cadatayo nanipud idi damo, nga agayanayattayo coma.