San Juan 13:31 - Ti Biblia (1973)

³¹ Idi ngarud rimmuaren, cuna ni Jesus: Ita maidaydayaw ti Anac ti tao, ket ti Dios maidaydayaw kencuana;

Ti Baro a Naimbag a Damag Biblia

³¹ Kalpasan ti ipapanaw ni Judas, kinuna ni Jesus, “Ita, dandanin maitan-ok ti Anak ti Tao, ket maitan-ok met ti Dios kenkuana.

San Juan 13:31 Iomraidhean Croise

San Mateo 8:20

Ket ni Jesus cunana kencuana: Dagiti musang addaanda cadagiti rucrukib, ket dagiti tumatayab iti tangatang addaanda cadagiti umumoc; ngem ti Anac ti tao awanan iti pangisaadanna ti ulona.

San Lucas 12:50

Ngem adda maysa a pammautizarco a pacabautizarac ket ania ket ti panagtooccon agingga iti di matungpal!

San Juan 11:4

Ngem idi nangngeg ni Jesus daytoy, kinunana: Daytoy a sakit saan nga ipatay ngem pacaidayawan ti Dios, tapno ti Anac ti Dios madaydayaw iti dayta.

San Juan 12:23

Ket ni Jesus sumungbat cadacuada, a cuncunana; Dumtengen ti horas a ti Anac ti tao maitanoc.

San Juan 12:28

Ama, itan-ocmo ti naganmo. Immay ngarud ti timec a nanipud langit a nagcuna: Intan-occon ket itan-occonto manen.

San Juan 14:13

Ket ti aniaman a dawatenyonto iti naganco, dayta ti aramidecto, tapno ni Ama maidaydayaw iti Anac.

San Juan 16:14

Isu idaydayawnacto, ta mangalanto iti cucuac, ket ipacaammonanto cadacayo.

San Juan 7:39

Ngem sinaona daytoy a maipapan iti Espiritu nga awatento dagiti mamati kencuana, ta saan pay idi a naited ti Espiritu, ta ni Jesus saan pay idi a naipanayag.

Dagiti Aramid 2:36

Ammoen ngarud nga awan duadua ti amin a balay ti Israel, a daytoy Jesus nga inlansayo iti cruz, inaramid ti Dios nga Apo ken Cristo.

Dagiti Aramid 3:13

Ti Dios da Abraham, ken Isaac, ken Jacob, ti Dios dagidi ammatayo iniccanna ti dayag ni Adipenna a Jesus, isu nga inyawatyo ken tinallicudanyo iti sangoanan ni Pilato, idi pinanggepna nga ibbatan.

2 Taga-Corinto 3:18

Ngem datay amin, ti rupatayo awan abbongna, ket cas la sarming ipacpakitatayo ti dayag ti Apo, agbalintayo nga umasping met la kencuana, a mapadayagtayo a mapadayag cas naggapu iti Espiritu ti Apo.

Taga-Efeso 1:12

Tapno datayo maipaaytay coma a pacaidayawan ti dayagna—datayo a nanginanama ken Cristo:

Taga-Efeso 2:7

Tapno, cadagiti pannawen a mapasungad iparangarangna ti naindaclan a kinabacnang ti paraburna ti kinaimbag cadatayo ken Cristo Jesus:

Taga-Efeso 3:10

Tapno ita gapu iti Iglesia, maipacaammo coma cadagiti panguloen ken agturturay cadagiti yan a nailangitan, ti nadumaduma a kinasirib ti Dios.

Taga-Filipos 2:11

Ken amin a dila ipudnoda a ni Jesu-Cristo, isu ti Apo, tapno paca idayawan ti Dios Ama.

1 Pedro 1:21

A gapu kencuana mamaticayo iti Dios, a namangungar kencuana cadagiti natay, ket isu iniccanna ti dayag, tapno ti pammati ken inanamayo addada coma iti Dios.

1 Pedro 2:12

A patacnengenyo coma ti panagbibiagyo iti tengnga dagiti Gentil; tapno dayta pagsao-anda iti dakes cadacayo, a cas la managaramid iti dakes, gapu cadagiti nasayaat nga aramidyo a makitada, dayawenda coma ti Dios iti aldaw ti pannacaocom.

1 Pedro 4:11

No ti siasinoman nga agsao, agsao coma cas cadagiti sasao ti Dios; no ti maysa agservi cas coma iti pannacabalin nga inted ti Dios: tapno ti Dios madaydayaw coma cadagiti isu-amin a banbanag, gapu ken Jesu-Cristo; isu a makincua iti dayag ken iti panagturay iti agnanayon nga awan inggana. Amen.