San Juan 13:3 - Ti Biblia (1973)

³ Idinto nga ammo ni Jesus a ti Ama intedna kencuana dagiti amin a banag cadagiti imimana ken naggapu iti Dios ket mapan iti Dios.

Ti Baro a Naimbag a Damag Biblia

³ Ammo ni Jesus nga inted ti Ama kenkuana ti amin a pannakabalin. Ammona met a naggapu iti Dios ket agsublinto iti Dios.

San Juan 13:3 Iomraidhean Croise

San Mateo 11:27

Amin dagiti banag inyawat caniac ni Amac; ket awan ti macaamammo iti Anac no saan a ti Ama; ket awan met ti macaamammo iti Ama, no saan a ti Anac, ken daydiay cayat a pangipaltiinganto ti Anac.

San Mateo 28:18

Ket immasideg ni Jesus cadacuada, ket kinasaona ida, a cuncunana: Isu-amin a pannacabalin naited caniac idiay langit ken iti rabaw ti daga.

San Lucas 10:22

Amin dagiti banag inyawat caniac ni Amac; ket awan ti macaammo no asino ti Anac no di ni Ama; ken no asino ni Ama no di ti Anac ken dayta cayat a pangipacdaaran ti Anac.

San Juan 1:18

Awan ti nacakita iti Dios uray caano: ti Bugbugtong nga Anac, nga adda iti saclot ti Ama, isu ti nangipacaammo kencuana.

San Juan 13:1

Ket casangoanan ti rambac ti pascua, idi nga ammo ni Jesus a ti horasna dimtengen tapno manipud itoy lubong umalis ken Ama, idinto nga inayatna dagiti taona nga addada ditoy lubong idi, inayatna ida agingga iti panungpalan.

San Juan 17:2

Cas iti pannangtedmo kencuana ti pannacabalin iti amin a lasag, tapno dagiti amin nga intedmo kencuana iccana coma ida ti biag nga agnanayon.

San Juan 3:13

Ket awan ti immuli sadi langit, no di ti bimmaba nanipud langit, ti Anac ti tao.

San Juan 3:35

Ti Ama ayatenna ti Anac, ket amin dagiti banag impaimanan kencuana.

San Juan 7:29

Siac ammoc, ta naggapuac kencuana, ket isu imbaonnac.

San Juan 7:33

Ni Jesus kinunana ngarud: Adda pay bassit a tiempo a makipagianac cadacayo, saacto mapan iti nangibaon caniac.

San Juan 8:14

Ni Jesus simmungbat ket kinunana cadacuada: Uray sacsiac ti maipapan caniac, pudno ti pangpanecnecco, ta ammoc no adino ti naggapuac ken no adino ti papanac; ngem dicay ammo no adino ti paggapuac ken no adino ti papanac.

San Juan 8:42

Ni Jesus kinunana cadacuada: No ti Dios coma ti amayo ayatendac coma, ta immayac ken naggapuac iti Dios, ta saanac nga immay a nacnakemco laeng ngem isu imbaonnac.

Dagiti Aramid 2:36

Ammoen ngarud nga awan duadua ti amin a balay ti Israel, a daytoy Jesus nga inlansayo iti cruz, inaramid ti Dios nga Apo ken Cristo.

1 Taga-Corinto 15:27

Ta: Isu incabilna dagiti amin a banag iti babaen dagiti sacsacana. Ngem no cunana: Dagiti isu-amin a banag addada a paiturayan kencuana, nalawag a saan a mairaman daydiay mangicabil cadagiti isu-amin a banag iti babaen ti pannacabalinna.

Hebreo 1:2

Cadagitoy maud-udi nga aldaw, kinasaonatayo babaen iti Anacna; isu a tinudinganna nga agtawid cadagiti isu-amin nga adda, a gapu met kencuana inaramidna ti amin a lubong;