San Juan 13:18 - Ti Biblia (1973)

¹⁸ Saanac nga agsao ti maipapan cadacay amin: ammoc dagiti pinilic; ngem tapno matungpal ti Surat: Ti makipangan caniac iti tinapay, kinusayannac ti mucodna.

Ti Baro a Naimbag a Damag Biblia

¹⁸ “Saan a dakay amin ti pakaiturongan dagiti sasawek. Ammok dagiti pinilik. Ngem masapul a matungpal ti adda a naisurat, ‘Kinugtarannak ti nakipangan kaniak.’

San Juan 13:18 Iomraidhean Croise

Dagiti Salmo 41:9

Wen, ti pay caingongotco unay a gayyem, a nagtalcac, isu a nakicaan iti canec, incugtarna ti mucodna caniac.

Jeremias 41:2

Idin bimmangon ni Ismael nga anac ni Netanias, ken dagiti sangapulo a lallaki nga adda idi kencuana, ket kinabilda ni Gedalias nga anac ni Ahicam nga anac ni Safan iti campilan, ket pinatayna, isu a ti ari ti Babilonia insaadna a gobernador ti daga.

San Mateo 10:36

Ket dagiti cabusor ti tao isudanto dagiti cabbalayna met laeng.

San Mateo 26:21

Ket idi mangmangan, kinunana cadacuada: Pudno cunac cadacayo, a ti maysa cadacayo iyawatnacto.

San Mateo 26:23

Ket isu simmungbat, ket kinunana: Dayta mangicabil ti imana iti pinggan a nakilanglang caniac, daytoy ti mangyawatto caniac.

San Marcos 14:17

Ket idi malemen, isu napan agraman cadagiti sangapulo ket dua.

San Marcos 14:18

Ket idi addada a sisasango, ken mangmangan, ni Jesus kinunana: Pudno cunac cadacayo a maysa cadacayo a makipangan caniac, liputannacto.

San Marcos 14:20

Ket kinunana cadacuada: Maysa cadagiti sangapulo ket dua: dayta makicamalucong caniac.

San Lucas 22:21

Ngem adtoy, ti ima ti mangyawat caniac adda a nailanglang caniac iti panganan.

San Juan 13:21

Idi nasao daytoy ni Jesus, nariribuc ti pakinakemna ket pinanecnecanna a kinuna: Pudno, pudno, cunac cadacayo a maysa cadacayo liputannacto.

San Juan 13:22

Dagiti adalan nagkikinnitada iti maysa ken maysa, a pagduaduaanda no siasino ti nagcunaanna.

San Juan 13:26

Ni Jesus sumungbat kencuana; Isu dayta pangtedacto ti naibabasa a tinapay. Idi ngarud nga naibabasana ti tinapay itedna ken Judas, nga anac ni Simon Iscariote.

San Juan 15:16

Dacayo didac pinili, ngem siac pinilicayo; ken incabilcayo tapno incayo ket agbungacayo coma: ket ti bungayo manayon coma: tapno ti amin a dawatenyonto ken Ama iti naganco, itdenna coma cadacayo.

San Juan 15:19

No taga lubongcay coma, ti lubong ayatenna coma ti cucuana; ngem gapu ta saancay a taga lubong, no di ket pinilicayo iti lubong, gapuna guraennacay ti lubong.

San Juan 15:25

Ngem maaramid daytoy tapno matungpal ti sao nga adda a naisurat iti lintegda: Ginuradac nga awan ti gapuna.

San Juan 17:12

Bayat ti caaddac idi cadacuada, inaywanac ida iti naganmo, dagiti intedmo caniac, ingagac ida ket awan cadacuada ti napucaw, no di ket daydi anac ti pacadadaelan; tapno ti Surat matungpal.

San Juan 18:32

Tapno matungpal coma ti sao ni Jesus nga insaona idi impacdaarna no ania nga ipapatay ti ipapataynanto.

San Juan 19:24

Kinunada ngarud iti maysa ken maysa: Saantayo a pigisen, no di ket paggiginnasatantayo no asinonto ti akincua; tapno matungpal idi ti Surat, a cunana: Biningayda dagiti pagananayco cadacuada ket naggiginnasatanda ti cawesco.

San Juan 19:36

Ta dagitoy naaramidda, tapno matungpal idi ti Surat: Uray maysa a tulangna saanto a matuccol.

San Juan 21:17

Cunana kencuana iti maicatlo: Simon, anac ni Juan, ayatennac? Nagladingit ni Pedro gapu ta kinunana kencuana a namitlo: Ayatennac? ket kinunana kencuana: Apo, sica ammon dagiti isu-amin: sica ammom nga ayatenca. Cuna kencuana ni Jesus: Pacanem dagiti carneroc.

San Juan 6:70

Ni Jesus simmungbat kencuana: Dicay aya pinili a sangapulo ket dua, ket maysa cadacayo isu diablo?

Dagiti Aramid 1:16

Lallaki a cacabsat, maipaay a matungpal ti Surat nga impadto ti Espiritu Santo iti ngiwat ni David, a maipapan ken Judas, isu a nangidalan cadagiti nangtiliw ken Jesus.

Dagiti Aramid 1:2

Agingga idi aldaw a pannacaipangatona idinto a nabilinnan babaen ti Espiritu Santo dagidi apostol a pinilina:

2 Taga-Corinto 4:5

Ta dicam icascasaba dagiti bagbagimi, no di ni Cristo Jesus, nga Apo, ket dacami dagiti cas adipenyo, gapu ken Jesus.

Hebreo 4:13

Ket awan ti aniaman a parsua a saan a sipapanayag iti imatangna; no di ket, dagiti isu-amin a banag addada a lamolamo ken agdadata cadagiti mata daydiay a pagidatagantayo.

Paltiing 2:23

Ket patayecto dagiti annacna iti angol, ket amin nga Iglesia maammoandanto a siac mangsukimat cadagiti nalimed a panggep ken cadagiti puspuso; ket itedconto iti tunggal maysa cadacayo cas mayannatup cadagiti ar-aramidyo.