San Juan 13:14 - Ti Biblia (1973)

¹⁴ No ngarud siac nga Apo ken Mannursuro, binuggoac dagiti sacsacayo, dacayo rebbengyo met ti agbibinnuggo cadagiti sacsaca ti maysa ken maysa.

Ti Baro a Naimbag a Damag Biblia

¹⁴ Ngarud, no siak nga Apo ken Maestroyo, binuggoak dagiti saksakayo, rebbengyo met ti agbibinnuggo iti saka.

San Juan 13:14 Iomraidhean Croise

San Juan 11:2

Ket ni Maria, nga akincabsat ken Lazaro a masakit, isu daydi nangsapsapo iti bangbanglo iti Apo ken nangpunas cadagiti sacana cadagiti boocna.

Dagiti Aramid 20:35

Iti isu-amin insuroc cadacayo, nga iti castoy a panagtrabajo, masapul a tulongan dagiti masacsakit, ket laglagipenyo dagiti sao ni Apo Jesus, nga isu met laengkinunana: Nagasgasat a banag ti mangted ngem ti umawat.

Taga-Roma 12:10

No maipapan iti ayat nga incacabsatan, agdidinnongngocayo; no maipapan iti panagpipinnadayaw ipangpangronayo ti sabali;

Taga-Roma 12:16

Agmaymaysa coma ti nakem ti maysa ken maysa cadacayo. Dicay agpanunot cadagiti napasindayag a banbanag, no di ket umabuloycayo cadagiti banbanag a napacumbaba. Saancayo coma a mamasirib iti imatangyo met laeng.

1 Taga-Corinto 12:3

Gapuna ipacaammoc cadacayo, nga awan ti tao, nga idinto nga agsao babaen ti Espiritu Santo a ni Jesus isu ti anatema; ket awan ti macabalin nga agsao a ni Jesus isu ti Apo, no di babaen ti Espiritu Santo.

1 Taga-Corinto 8:13

Gapuna, no ti pagtaraon iculbona ti cabsatco, saanacto nga agsida ti lasag iti uray caanoman, tapno diac maiculbo ti cabsatco.

2 Taga-Corinto 10:1

Ket ita siac ni Pablo dawatec cadacayo, gapu iti kinapacumbaba ken kinaimbag ni Cristo, siac nga iti sangoananyo naemmaac cadacayo; ngem no awanac, naturedac cadacayo:

2 Taga-Corinto 8:9

Ta ammoyo ti parabur ni Apotayo a Jesu-Cristo, nga idinto a nabacnang, gapu cadacayo nagbalin a napanglaw, tapno dacayo, gapu iti kinapanglawna, bumacnangcayo coma,

Taga-Galacia 5:13

Ta dacayo, cacabsat, naayabancayo iti panagwayawaya; isuna laeng a ti wayawaya saan coma a paggundawayan ti lasag; no saan ket nga agtitinnulongcayo iti maysa ken maysa babaen ti ayat.

Taga-Filipos 2:11

Ken amin a dila ipudnoda a ni Jesu-Cristo, isu ti Apo, tapno paca idayawan ti Dios Ama.

1 Timoteo 5:10

Nga adda naimbag a damagna ti maipapan cadagiti nasayaat nga aramid: no nagtaraken cadagiti annac, no nagpadagus cadagiti gangannaet, no binuggoanna dagiti sacsaca dagiti sasanto, no tinulonganna dagiti naladingit, no sinurotna a sigaganetget dagiti amin a naimbag nga aramid.

Hebreo 12:2

A kitkitaentayo ni Jesus, a pangulo ken mangtungpal ti pammati, isu a gapu iti rag-o a naicabil iti sangoananna, inibturanna ti cruz, nga inwacsina ti bain, ket nagtugaw iti macanawan ti trono ti Dios.

1 Pedro 4:1

Idinto ngarud ta nagsagaba ni Cristo iti lasag, dacayo met agigamcayo iti cas di met a panunot, ta ti nagsagaba iti lasag, simmardeng iti basol;

1 Pedro 5:5

Casta met dacayo a saan a panglacayen, agtulnogcayo cadagiti panglacayen; ket dacay amin, agcawescayo iti kinaemma, nga agtitinnulongcayo, ta ti Dios tallicudanna dagiti natangsit, ngem iccana ti parabur dagiti napacumbaba.