San Juan 13:10 - Ti Biblia (1973)

¹⁰ Cuna kencuana ni Jesus: Ti nabuggoanen saan a masapul a buggoanen no di laeng dagiti sacsaca, ngem adda amin a sidadalus: ket dacayo nadaluscayo: ngem saan a dacay amin.

Ti Baro a Naimbag a Damag Biblia

¹⁰ Kinuna ni Jesus, “Ti nakadigosen saanna a masapul ti agbuggo, ta nadalusen, malaksid dagiti sakana. Nadaluskay aminen—malaksid iti maysa.” (

San Juan 13:10 Iomraidhean Croise

Eclesiastes 7:20

Pudno unay nga awan ti nalinteg a tao iti rabaw ti daga, nga agaramid iti naimbag, ket saan nga agbasol.

Kanta ni Solomon 4:7

Sica naimnasca, ayatco; ket awan ti pamilawan kenca.

Jeremias 50:20

Cadagita nga al-aldaw ken dagita a pannawen, cuna ni Jehova, ti kinadangkes ti Israel masapulto, ket awanto; ken dagiti basbasol ti Juda, ket saandanto a masaracan: ta pacawanecto dagidiay natda nga imbatic.

Levitico 16:26

Ket ti mangibulos iti calding a maipaay ken Azazel labaannanto dagiti pagan-anayna, ket digosennanto ti bagina iti danum, ket no malpas, sumrecto iti uneg ti pacarso.

Levitico 16:28

Ket ti mangpuur cadacuada labaannanto dagiti pagan-anayna, ket digosennanto ti bagina iti danum, ket no malpas sumrecto iti uneg ti pacarso.

San Mateo 6:12

Ket pacawanennacami cadagiti ut-utangmi, a cas met panamacawanmi cadagiti nacautang cadacami.

San Juan 13:18

Saanac nga agsao ti maipapan cadacay amin: ammoc dagiti pinilic; ngem tapno matungpal ti Surat: Ti makipangan caniac iti tinapay, kinusayannac ti mucodna.

San Juan 13:9

Cuna kencuana ni Simon Pedro: Apo, saan laeng a dagitoy sacsacac, ngem dagiti pay im-imac ken ti oloc.

San Juan 15:3

Dacayo nadaluscayon gapu iti sao nga isaoc cadacayo.

2 Taga-Corinto 5:17

Gapuna no ti maysa adda ken Cristo, isu baro a parsua: dagiti banag a daan napalabasdan, adtoy nagbalinda a baro.

2 Taga-Corinto 5:21

Daydi saan a nacaammo ti basol, inaramidna a basol gapu cadatayo, tapno macapagbalintayo a kinalinteg ti Dios gapu kencuana.

2 Taga-Corinto 7:1

Yantangay adda cadatayo dagitoy a carcari, ay-ayatec, agdalustay coma iti isu-amin a kinarugit ti lasag ken espiritu nga an-anayentayo ti kinasanto iti panagbuteng iti Dios.

1 Taga-Tesalonica 5:23

Ket ti met laeng Dios ti cappia pagsantoennacayo coma a maananay; ket ti nakem ken cararua ken ti bagiyo maaywananda coma amin nga awan pacapilawanda maipaay iti idadateng ni Apotayo a Jesu-Cristo.

Hebreo 9:10

Idinto a pagalagadanda laeng a maipapan iti bagi (babaen dagiti sidsida ken in-inumen ken nadumaduma a kita ti panagbuggo) a naituyangda agingga iti aldaw ti pannacabalbaliw.

Santiago 3:2

Ta maitibcultayo amin cadagiti adu a banbanag. No adda saan a macabasol iti sao, maysa a tao, a naimbag unay, a macabalin a mangngednged iti isu-amin a bagi.