San Juan 12:48 - Ti Biblia (1973)

⁴⁸ Ti tumal-licod caniac ket dina awaten dagiti saoc adda mangocom kencuana; ti sao nga insaoc isu ti mangocomto kencuana iti camaudianan nga aldaw.

Ti Baro a Naimbag a Damag Biblia

⁴⁸ Adda mangukom iti mangumsi kaniak ken iti di umawat iti mensahek. Ti sao nga imbalikasko ti mangukomto kenkuana iti maudi nga aldaw!

San Juan 12:48 Iomraidhean Croise

Isaias 53:3

Isu nauy-uyaw, ken binaybay-an dagiti tattao; maysa a tao ti ladladingit, ken nacaamammo iti liday: ket naumumsi a cas iti maysa a tao a kencuana dagiti tattao ilingedda ti rupada; ket ditayo impatpateg.

San Mateo 10:15

Pudno cunac cadacayo, nalaglaganto ti daga ti Sodoma ken Gomorra iti aldaw ti pannacaocom, ngem iti daydiay nga ili.

San Mateo 21:42

Ni Jesus cunana cadacuada: Uray caano dicay aya nabasa cadagiti Sursurat: Ti bato nga imbel-leng dagiti managaramid ti balay, Isu met laeng ti maaramid nga bato a pasuli. Ti Apo ti nangaramid iti daytoy Ket nacascasdaaw ngamin cadagiti matatayo?

San Mateo 25:31

Ngem intono ti Anac ti tao umayto agraman iti dayagna, ken amin dagiti angel maicuyog kencuana, isu ti panagtugawnanto iti trono ti gloriana.

San Marcos 12:10

Saanyo pay a nabasa aya daytoy a surat: Ti bato nga imbel-leng dagiti agbangbangon ti balay, isu met laeng ti nagbalin nga olo ti nagsulianan:

San Marcos 16:16

Ket ti mamati ken ti mabautizaran, maisalacanto; ket ti saan a mamati, madusaanto.

San Marcos 8:31

Ket rinugianna nga insursuro ida a masapul a ti Anac ti tao agsagaba cadagiti adu a banag, ket isu ipusay dagiti lallacay, ken dagiti turayen dagiti papadi, ken dagiti escriba, ket matay ken agungar inton malpas ti tal-lo nga aldaw.

San Lucas 10:16

Ti dumngeg cadacayo, denggennac; ket ti mamagtalaw cadacayo, pagtalawennac, ket ti mamagtalaw caniac, pagtalawenna ti nangibaon caniac.

San Lucas 17:25

Ngem umuna pay a masapul nga isu agsagaba ti adu, ket pagtalawen daytoy a caputotan.

San Lucas 20:17

Ngem isu kinitana ida, ket kinunana: Ania ngarud daytoy adda a naisurat: Ti bato nga imbel-leng dagiti agcabcabite, isu ti naaramid a bato a pasuli?

San Lucas 7:30

Ngem dagiti Fariseo ken dagiti mamasirib ti linteg sinukirda ti panggep ti Dios, a maipaay cadacuada ta dida pinabautizaran kencuana.

San Lucas 9:22

A cunana: Masapul a ti Anac ti tao aglac-am ti adu a banag, ken lacsiden dagiti lallacay ken turayen dagiti papadi ken dagiti escriba, ket mapapatay ken agungar iti maicatlo nga aldaw.

San Lucas 9:26

Ta uray siasino a mangibain caniac ken cadagiti saoc, ibainto met ti Anac ti tao, inton umay a sidadayag ken ni Ama ken dagiti nasantoan nga anangel.

San Juan 11:24

Ni Marta cunana kencuana: Ammoc nga agungarto inton panagungar iti camaudianan nga aldaw.

San Juan 5:45

Dicay pagarupen nga siac ipulongcayto iti sangoanan ni Ama; adda maysa a mangipulong cadacayo, ni Moises, a panginanamaanyo.

San Juan 6:39

Ket daytoy ti pagayatan ti nangibaon caniac: Nga amin nga intedna caniac, awan coma ti pucawec, no di ket pagungarec iti camaudianan nga aldaw.

San Juan 8:47

Ti agtaud iti Dios, denggenna dagiti sao ti Dios: gapu iti daytoy, dacayo dicay agdengngeg ta saancayo a nagtaud iti Dios.

Dagiti Aramid 17:31

Agsipud ta intudingna ti maysa nga aldaw, a panangocomnanto a sililinteg iti lubong gapu iti daydiay lalaki a tinudinganna, a pinanecnecanna cadagiti isu-amin, nga pinagungarna iti tengnga dagiti natay.

Dagiti Aramid 3:23

Ket maaramidto, nga amin a cararua a dinto dumngeg iti dayta a mammadto, mapucawto cadagiti umili.

Taga-Roma 2:16

Intono aldaw a ti Dios ocomennanto dagiti palpalimed dagiti tattao, gapu ken Jesu-Cristo cas mayannurot iti evangelioc.

2 Taga-Corinto 4:3

Ket no ti evangeliomi naabbongan pay laeng, naabbongan a maipaay cadagiti mapucaw:

2 Taga-Tesalonica 1:8

A balsenna dagiti saan a mangammo iti Dios, ken di agtulnog iti evangelio ni Apotayo a Jesus:

Hebreo 10:25

A ditay baybay-an dagiti panaggigimongtayo, cas iti cadawyan dagiti dadduma, no di ket agbibinnalacadtayo, ket nangnangrona gapu ta makitayo nga umas-asideg ti aldaw.

Hebreo 12:25

Kitaenyo ta dicay paayen ti agsasao. Ta no dida nacatalaw dagidi, ta saanda nga inannugutan daydi nangipalawag ditoy rabaw ti daga iti pagayatan ti Dios, nangnangrona a ditayto nakatalaw, no ditay ipangag daydiay mangipalawag manipud sadi langit:

Hebreo 2:3

Casanonto ti panaglisitayo; no ditay icancano ti casta unay nagdackel a pacaisalacanan? isu, nga idinto nga impacaammo ti Apo idi damo pinanecnecan cadatayo dagiti nacangngeg kencuana:

Hebreo 4:12

Ta ti sao ti Dios nabiag ken napigsa, ket natadtadem ngem uray ania a campilan a dua ti tademna, ket dumanon nga agingga iti paglasinan ti cararua ken ti espiritu, wen, ken dagiti nagsusuupan ken pata ket nasiglat nga agilasin cadagiti panunot ken panagem ti puso.

1 Pedro 1:5

A gapu iti pannacabalin ti Dios maaywanancayo, gapu iti pammati, a maipaay iti pannacaisalacan, a sisasagana tapno maiparangarang iti camaudianan nga aldaw.

2 Pedro 3:3

Nga ammoyo daytoy nga umuna: cadagiti camaudianan nga al-aldaw umaydanto dagiti managuyuyaw agraman pananguy-uyong, a magnada cas mayannurot cadagiti derrepda met laeng,

2 Pedro 3:7

Ngem dagiti langlangit ita ken ti daga, gapu iti daydi met la a sao naidulinda a maipaay iti apuy a maay-wananda nga agingga iti aldaw ti pannacaocom ken ti pannacapucaw dagiti tattao a nadangkes.

1 Samuel 10:19

Ngem dacayo iwacsiyo ita nga aldaw ti Diosyo, a mangisalacan cadacayo cadagiti amin a pacarigrigatanyo ken pacapalpaldaanganyo; ket dacayo kinunayo kencuana, Saan, no di ket mangisaadca iti maysa nga ari cadacami. Ita ngarud agparangcayo iti sango ni Jehova babaen ti capututanyo ken rinibribuyo.

1 Samuel 8:7

Ket ni Jehova kinunana ken Samuel, Ipangagmo ti timec ti ili iti amin a cunada kenca; ta isuda didaca inumsi, no di ket siac ti inumsida tapno saanac coma nga agari cadacuada.