San Juan 12:42 - Ti Biblia (1973)

⁴² Nupay casta, uray cadagidi agturay adu dagiti namati kencuana: ngem gapu cadagidi Fariseo saanda nga imparangarang, amangan no maparuarda iti sinagoga:

Ti Baro a Naimbag a Damag Biblia

⁴² Uray no kasta, adu kadagiti papangulo a Judio ti namati ken ni Jesus. Ngem saanda nga inlatlatak gapu iti butengda kadagiti Fariseo amangan no mapagtalawda iti sinagoga.

San Juan 12:42 Iomraidhean Croise

Dagiti Proverbio 29:25

Ti panagbuteng iti tao mangyeg iti silo; ngem ti agcammatalec ken Jehova natalgedto.

Isaias 51:7

Dumngegcayo caniac, dacayo a macaammo ti kinalinteg, dagiti tattao a ti pusoda adda ti lintegco; dicayo agbuteng iti panangumsi dagiti tattao, ket dicayo met agcullayaw cadagiti panaguyawda.

Isaias 57:11

Ket iti siasino ti nacapabutngam ken iti pagbutngam, tapno sica agulbodca, ket dinac linagip wenno dinac impapuso? diac aya nagtalna iti nabayag a pannawen, ket sica dica nagbuteng caniac?

Isaias 66:5

Denggenyo ti sao ni Jehova, dacayo nga agkintayeg iti saona: Dagiti cacabsatyo a gumura cadacayo, dagidiay mangipuruac cadacayo gapu iti naganco, kinunada, Madaydayaw coma ni Jehova, tapno makitami coma iti rag-oyo: ngem isuda mabainandanto.

Jeremias 38:19

Ket ni Sedekias nga ari kinunana ken Jeremias, Siac cabutengco dagiti Judios a nagtinnag cadagiti Caldeos, di la ket ta yawatdac iti imada, ket isuda lalaisendac.

San Mateo 10:32

Tunggal maysa ngarud, a mangipaduyacyac caniac iti sangoanan dagiti tao, isu ipaduyacyacconto met iti sangoanan ni Amac nga adda sadi langit.

San Lucas 12:8

Ket cunac cadacayo nga isu-amin a mangipaduyacyac caniac iti sangoanan dagiti tao, ti Anac ti tao ipaduyacyacnanto met iti sangoanan dagiti angel ti Dios;

San Lucas 23:13

Ket ni Pilato inurnongna dagiti turayen dagiti papadi, dagiti agtuturay ken dagiti umili.

San Lucas 6:22

Nagasatcayo inton guraendacayto dagiti tattao, ken inton pagtalawendacayto cadacuada, ket pagsasaoandacayo ket umsienda ti naganyo a cas la dakes gapu itoy Anak ti tao.

San Juan 11:45

Adu ngarud cadagidi Judio nga immay ken Maria, ken nacakita iti inaramid ni Jesus, namatida kencuana.

San Juan 12:11

Ta gapu kencuana adu ti simmina cadagiti Judio ket namati ken Jesus.

San Juan 16:2

Paruarendacayto cadagiti sinagoga: Ngem umay pay ti horas a siasinoman a mamapatayto cadacayo, panunutennanto a mangidaton ti pagservina iti Dios.

San Juan 19:38

Idi nalpas dagitoy, ni Jose a taga Arimatea, nga adalan ni Jesus idi, ngem nalimed gapu iti butengna cadagiti Judio, dinawatna ken Pilato nga ipalubosna coma kencuana nga iccatenna ti bagi ni Jesus: ket impalubos ni Pilato. Napan ngarud, ket iniccatna ti bagi ni Jesus.

San Juan 3:2

Daytoy immay ken Jesus iti rabii, ket kinunana kencuana: Mannursuro, ammomi a maysaca a mannursuro a naggapu iti Dios; ta awan ti macabalin a mangaramid cadagitoy a pagilasinan nga aramiden, no awan ti Dios kencuana.

San Juan 7:13

Ngem awan ti nagsao a nalatac iti maipapan kencuana gapu ti butengda cadagiti Judio.

San Juan 7:31

Ngem cadagiti adu unay a tao, adu cadacuada ti namati kencuana ket kinunada: Ni Cristo, inton umay, agaramidto ngata ti adadda a pagilasinan ngem cadagiti inaramid daytoy a tao?

San Juan 9:22

Dagitoy kinuna dagiti dadackelna, ta cabutengda idi dagiti Judio: ta dagiti Judio nagnunumoandan a no adda mangipudno nga isu ti Cristo, maparuar iti sinagoga.

San Juan 9:34

Simmungbatda ket kinunada ken cuana: Naigamer iti basol ti pannacabukelmo, ket isuronacami? Ket pinaruarda.

Dagiti Aramid 5:41

Isuda ngarud pimmanawda a siraragsac, iti sangoanan ti consejo agsipud ta naibilangda a maicari a nagsagaba ti nacababain gapu iti Nagan ni Jesus.

Taga-Roma 10:10

Ta buyugen ti puso, no mamati ti tao, tapno macagun-od ti kinalinteg, ket iti ngiwat ti pangaramid ti panangipaduyacyac maipaay iti pannacaisalacan.

1 Juan 4:15

Uray siasino a mangipaduyacyacto a ni Jesus isu ti Anac ti Dios, agtaeng kencuana ti Dios, ket isu agtaeng iti Dios.

1 Juan 4:2

Daytoy ti pacaammoanyo iti espiritu ti Dios: isu-amin nga espiritu nga umanamong a ni Jesu-Cristo immay a naglasag, nagtaud iti Dios: