San Juan 12:40 - Ti Biblia (1973)

⁴⁰ Pinagbulsecna dagiti matada, ket pinatangkenna ti pusoda; Di la ket ta macakitada cadagiti matada, ken macaawatda iti pusoda, ket agbalbaliwda coma ket siac agasac coma ida.

Ti Baro a Naimbag a Damag Biblia

⁴⁰ “Pinagbulsek ti Dios ida, kinullaapanna dagiti isipda, tapno saanda a makakita, ken saanda a makaawat, ket saanda nga agsubli kaniak, kuna ti Dios, tapno paimbagek ida.”

San Juan 12:40 Iomraidhean Croise

1 Ar-ari 22:20

Ket ni Jehova kinunana, Siasino ti mangallilawto ken Acab, tapno isu sumang-at ket mapasag sadi Ramot-galaad? Ket ti maysa kinunana iti castoy; ket ti sabali kinunana iti casdiay.

Dagiti Salmo 147:3

Agasanna dagiti nadanar iti pusoda, ket bedbedanna dagiti sugsugatda.

Dagiti Salmo 41:4

Kinunac, O Jehova, caasiannac: papiaem ti cararwac; ta nagbasolac kenca.

Dagiti Salmo 6:2

Caasiannac, O Jehova; ta siac nalaylayacon: O Jehova, pasalun-atennac; ta dagiti tultulangco agbibinegda.

Exodo 10:1

Ket ni Jehova kinunana ken Moises, Inca sumango ken Faraon: ta pinatangkenco ti pusona ken ti puso dagiti ad-adipenna, tapno ipakitac cadacuada dagitoy a pagilasinan iti tengngada,

Exodo 11:10

Ket da Moises ken ni Aaron inaramidda amin dagitoy a datdatlag iti sango ni Faraon: ket ni Jehova pinatangkenna ti puso ni Faraon, ket saanna a pinalubosan a nagtalaw iti dagana dagiti annac ti Israel.

Exodo 14:17

Ket adtoy, siac patangkenecto dagiti puspuso dagiti Egipcios, ket sumrecdanto a sumurot cadacuada; ket maidaydayaoacto ken Faraon, ken cadagiti amin a buyotna, ken cadagiti lugluganna, ken cadagiti caballeriana.

Exodo 14:4

Ket patangkenecto ti puso ni Faraon, ket camacamennanto ida; ket madaydayaoacto gapu ken Faraon, ken cadagiti amin a buyotna; ket dagiti Egipcios maammoandanto nga siac ni Jehova. Ket isuda inaramidda ti casta.

Exodo 14:8

Ket ni Jehova pinatangkenna ti puso ni Faraon nga ari sadi Egipto, ket kinamatna dagiti annac ti Israel: ta dagiti annac ti Israel rimmuarda babaen ti ima a mannacabalin.

Exodo 4:21

Ket ni Jehova kinunana ken Moises, Intono agsublica sadi Egipto, kitaem ta aramidem iti saclang ni Faraon amin dagiti datdatlag nga incabilco ita imam: ngem siac patangkenecto ti pusona, ket dinanto palubosan ti ili.

Exodo 7:13

Ket ti puso ni Faraon timmangken, ket saanna nga impangag ida; cas sinao idi ni Jehova.

Exodo 7:3

Ket patangkenecto ti puso ni Faraon, ket paaduecto sadiay a daga nga Egipto dagiti pagilaslasinan caniac ken dagiti datdatlagco.

Exodo 9:12

Ket ni Jehova pinatangkenna ti puso ni Faraon, ket dina ida impangag; cas ni Jehova imbagana ken Moises.

Isaias 26:11

Jehova, ti imam maitayag, ket dida pay la makita: ngem makitadanto ti regtam a maipaay cadagiti tattao, ken mababainandanto; wen, ti apuy runawennanto dagiti cabusormo.

Isaias 29:10

Ta ni Jehova imbucbocna cadacayo ti espiritu ti nargaan a turog, ken pinagkidemna dagiti matmatayo, dagiti mammadto; ken dagiti panguloenyo, dagiti macakita iti masacbayan, inabbonganna.

Isaias 53:5

Ngem isu nasugsugat a gapu cadagiti labsingtayo, isu napalitem a gapu cadagiti kinadangkestayo; ti dusa ti pacaicappiaantayo naipatay kencuana; ket gapu cadagiti saplitna maagasantayo.

Isaias 6:10

Palucmegenyo dagiti puspuso daytoy nga umili, ken pagdagsenenyo dagiti lapayagda, ken pagkidemenyo dagiti matada; di la ket ta macakitada cadagiti matada, ken macangngegda cadagiti lapayagda, ken macaawatda cadagiti pusoda, ken agbabawida ket mapasalun-atda.

Isaias 6:9

Ket isu kinunana, Inca, ket ibagam cadagitoy a tattao, Pudno a mangn gegyo, ngem dicayo maawatan; ken pudno a makitayo ngem dicayo mailasin.

Jeremias 3:22

Agsublicayo, dacayo managlicud nga annac, agasacto ti kinamaglicudyo. Adtoy, umaycami kenca; ta sica ni Jehova a Diosmi.

Jeremias 5:21

Denggenyo ita daytoy, O maag nga umili, ken awan ti pannacaawatna; nga adda matana, ngem saan a macakita; nga adda lapayagna, ngem saan a macangngeg;

Ezekiel 12:2

Anac ti tao, sica agnaedca iti nagtengngaan ti balay a nasukir, nga addaanda matmata a pagkitada, ket dida cumita, nga addaanda laplapayag a pagdengngeg, ket dida dumngeg; ta isuda ti maysa a balay a nasukir.

Ezekiel 14:9

Ket no ti mammadto maallilaw ken agsao iti aniaman a sao, siac, ni Jehova, inallilawco ti casta a mammadto, ket yunnatconto ti imac kencuana, ket isu dadaelecto iti tengnga ti ilic nga Israel.

Oseas 14:4

Agasacto ti panaglicudda, ayatecto ida a nawadwad; ta iti pungtotco maiccaten kencuana.

Oseas 6:1

Umaycayo ket agsublitayo coma ken ni Jehova; ta isu nangpingis, ket agasannatayto; kimmabil, ket bedbedannatayto.

San Mateo 15:14

Bay-anyo ida ta bulsecda a mangidalan cadagiti bulsec; ket no bulsec idalanna ti bulsec, agpadpadadanto a matnag iti abut.

San Marcos 4:12

Iti casta: kitkitaenda, makitada, ket dida mailasin; ket no dengdenggenda, mangngegda ket dida maawatan; di la ket ta addanto aldaw a panagsublida ket dagiti basbasol mapacawan cadacuada.

San Marcos 6:52

Ta dida pinanunot ti maipapan cadagiti tinapay; ta ti pusoda nasipnget.

San Lucas 4:18

Ti Espiritu ti Apo adda caniac: ta pinulutannac a mangted cadagiti naimbag a damag cadagiti napanglaw; imbaonnac a mangipacaammo ti pannacaluc-at cadagiti nacayawan, ken ti pannacakita dagiti bulsec; tapno luc-atac dagiti maparparigat;

San Lucas 8:10

Ket kinunana: Cadacayo maited ti panangammo cadagiti palimed ti pagarian ti Dios; ngem cadagiti sabali biig a pangngarig, tapno uray kitkitaenda saanda a mailasin, ket uray dengdenggenda dida maawatan,

San Juan 12:39

Gapu itoy saanda a nabalin ti mamati, ta kinuna manen ni Isaias:

San Juan 9:39

Ket kinuna ni Jesus: Siac immayac ditoy lubong a maipaay iti panacaocom: tapno dagiti saan a macakita, macakitada, ket dagiti macakita, agbalinda a bulsec.

Dagiti Aramid 15:3

Isuda ngarud, idi nga napalubosan ida ti Iglesia, limmabasda idiay Fenicia ken Samaria, a sinarsaritada ti panagbalbaliw dagiti Gentil, ken pinarnuayda ti dackel a ragsac cadagiti amin a cacabsat.

Dagiti Aramid 28:26

A kinunana: Inca itoy nga ili, ket ibagam: iti lapayag macangngegcayto ket dicayto maawatan; ket idinto a kitkitaenyo, makitayonto ket dicayto mailasin:

Dagiti Aramid 3:19

Agbabawicayo ngarud, ket agsublicayo tapno mapunas dagiti basbasolyo: iti casta umayto dagiti aldaw ti bang-ar aggapu iti sangoanan ti Apo;

Taga-Roma 9:18

Iti casta ngarud mangngaasi iti cayatna ket mangpatangken iti cayatna.

Deuteronomio 29:4

Ngem ni Jehova dina inted kenca ti puso a pangammo, ken matmata a pagkita, ken laplapayag a pagdengngeg agpapan ita nga aldaw.

Josue 11:20

Ta naggapu idi ken Jehova ti panangpatangken cadagiti puspusoda, tapno umayda a maibusor iti Israel iti paggugubatan, tapno pucawenna ida nga ikisap, tapno dida macaasian coma idi, no di ket tapno pucawenna coma ida, cas ni Jehova imbilinna ken Moises.