San Juan 12:32 - Ti Biblia (1973)

³² Ket siac, no maipangatoac manipud iti daga, guyuguyecto caniac amin a tao.

Ti Baro a Naimbag a Damag Biblia

³² Inton maibayogak ditoy daga, guyugoyekto nga umay kaniak dagiti amin a tattao.” (

San Juan 12:32 Iomraidhean Croise

2 Samuel 18:9

Ket ni Absalom naisarac cadagiti adipen ni David. Ket ni Absalom sisasacay idi iti maysa a mulo ket ti mulo simrec iti nasamec a sangsanga ti dackel a lugo, ket ti olona naisalat iti lugo, ket nabissayot idi iti tangatang ti langit ken daga: ket daydi mulo nga adda idi babana naglayon.

Kanta ni Solomon 1:4

Guyuguyennac, agtaraycaminto a sumurot kenca: ti ari inyunegnac cadagiti siledna; agragsac ken agrag-ocamto kenca; saritaenminto dayta ayatmo nga ad-adda ngem iti arac: isuda ayatendaca a cas maiparbeng.

Isaias 11:10

Ket maaramidto iti dayta nga aldaw, a ti ramut ni Jesse, a sitatacder nga apaay a maysa a wagayway cadagiti inilin-ili, isu ti sapulento dagiti nasnacion; ket ti paginanaanna nadayagto.

Isaias 49:6

Wen, isu cunana, Bassit unay a banag ti panagbalinmo nga adipenco a mamangon cadagiti caputotan ni Jacob, ken mangisubli iti naigaga ti Israel: Itedcanto met a silaw cadagiti Gentil, tapno macapagbalinca a pangisalacanco agingga iti ungto ti daga.

Oseas 11:4

Inyasidegco ida babaen cadagiti tali a natao-an babaen cadagiti singalut ti ayat; ket siac idi cadacuada ti cas cadagiti mangiccat iti bosal cadagiti sangida; ket incabilco ti canen ti sangoananda.

Numero 21:9

Ket ni Moises inaramidna ti maysa a sinan-uleg nga suer ket imbayogna iti maysa a monmon: ket naaramid a no maysa nga uleg kimmagat iti maysa a tao, no isu cumita idi sinan-uleg a suer, nagbiag.

San Juan 1:7

Daytoy immay maipoon iti pangpanecnec, tapno panecnecanna ti maipapan iti silaw, tapno amin a tattao mamatida coma gapu kencuana.

San Juan 12:34

Simmungbat ngarud kencuana dagidi adu a tao: Nangngegmi iti Linteg, a ti Cristo mataginayonto: ket casano ti panagcunam: Masapul a ti Anac ti tao maipangato? Siasino daytoy Anac ti tao?

San Juan 18:32

Tapno matungpal coma ti sao ni Jesus nga insaona idi impacdaarna no ania nga ipapatay ti ipapataynanto.

San Juan 19:17

Innalada ngarud ni Jesus. Ket rimmuar a sibabaclay ti cruzna agingga iti disso a managan ti Bangabanga, ket iti Hebreo Golgota;

San Juan 3:14

Ket no casano iti panangibayog ni Moises iti uleg idiay let-ang, casta met a masapul a ti Anac ti tao maibayog;

San Juan 6:44

Awan ti tao a macabalin nga umay caniac, no saan a guyuguyen ni Ama a nangibaon caniac, ket isu pagungarecto iti camaudianan nga aldaw.

San Juan 8:28

Kinuna ngarud ni Jesus: Inton maibayogyon ti Anac ti tao, isunto ti pannacaammoyo a siac daydi ken awan ti aramidec a sisiac; no di ket cas iti insuro caniac ni Ama, dagitoy ti saoec.

Taga-Galacia 3:13

Ngem ni Cristo sinubbotnatayo iti pannacailunod ti linteg, idi naaramid a lunod gapu cadatayo; ta adda a naisurat: Mailunod ti isu-amin a maibitin iti cayo;

1 Timoteo 2:6

Isu a nangted ti bagina a subbot gapu cadagiti amin a tao a pamanecnec cadagiti aldaw a maiparbeng;

Hebreo 2:9

Ngem makitatay ni Jesus, daydi naaramid a nanumnumo bassit ngem cadagiti angeles, nabalangatan ti dayag ken dayaw, gapu iti panagsagabana iti ipapatay, tapno gapu iti parabur ti Dios rinamananna ni patay a gapu cadagiti isu-amin.

1 Pedro 2:24

Isu met laeng a nangawit cadagiti basbasoltayo iti bagina iti rabaw di cayo, tapno idinto a nataytayo cadagiti basbasol, agbiagtayo a maipaay iti kinalinteg: gapu cadagiti sugsugatna naagasancayo.

1 Pedro 3:18

Ta ni Cristo nagsagaba met gapu cadagiti basbasol, iti naminpinsan daydi nalinteg gapu cadagiti nakil-lo, tapno iragpatnatayo iti Dios, idi napapatay no maipapan iti lasag, ngem sibibiag no maipapan iti espiritu:

1 Juan 2:2

Ket isu ti daton ti cappia gapu cadagiti basbasoltayo; ket saan laeng a gapu cadagiti basbasoltayo no di pay ket gapu iti isu-amin a lubong.

Paltiing 5:9

Ket icancantada ti maysa a canta a baro, a cuncunada: Maicarica a mangala iti libro, ken manglucat cadagiti sellona; ta napapatayca idi, ket nagatangmo a maipaay iti Dios babaen ti daram met laeng, dagiti tattao ti amin a capututan, ken pagsasao, ken ili ken pagarian.