San Juan 12:26 - Ti Biblia (1973)

²⁶ No adda agservi caniac, surutennac coma: ket no adino ti yanco, agianto met idiay ti adipenco; no adda agservi caniac, isu itan-octo ni Amac.

Ti Baro a Naimbag a Damag Biblia

²⁶ Ti siasinoman nga agtarigagay nga agserbi kaniak, masapul a surotennak. Ta no sadino ti ayanko, addanto met sadiay ti adipenko. Ket padayawan ti Ama ti siasinoman nga agserbi kaniak.”

San Juan 12:26 Iomraidhean Croise

Dagiti Salmo 17:15

Ngem no caniac, imatangacto ta rupam iti naincalintegan; mapnecacto, no agriingac, nga agbuybuya ita langam.

Dagiti Salmo 91:15

Isu awagannacto, ket siac sungbatacto; addaacto kencuana iti pagducotan: isu ispalecto ken idaydayawconto.

Dagiti Proverbio 27:18

Siasinoman nga agaywan iti cayo nga higos canennanto ti bungana; ket ti mangipatpateg iti apona madaydayawto.

Numero 14:24

Ngem ni adipenco a Caleb, gapu ta adda sabali a di-simmina, isu iserrecconto iti daga a napananna; ket dagiti putona agtagicuadanto.

Numero 32:11

Pudno nga awan cadagiti tattao a naggapu sadi Egipto manipud agtawen iti duapulo ken agpangato, ti macakitanto iti daga nga insapatac ken Abraham, Isaac ken Jacob; gapu ta saanda a simmurot a naananay caniac:

San Mateo 16:24

Idin kinuna ni Jesus cadagidi adalanna; no sinoman a tao ti mayat nga umay sumurot caniac paglicudanna ti bagina ket alaenna ti cruzna, ket surutennac.

San Mateo 25:21

Ni apona kinunana kencuana: Naimbag, adipen a nalaing ken mapagtalcan; napagtalcanca iti bassit, isaadcanto nga agaywan iti adu; makipagragsacca iti Apom.

San Marcos 8:34

Ket inayabanna dagiti adu a tao agraman dagidi adalanna, ket kinunana cadacuada: No sinoman a tao ti mayat a sumurot caniac paglicudanna coma ti bagina ket alaenna ti cruzna ket surutennac.

San Lucas 12:37

Nagasat dagidiay adipen nga inton umay ti apoda, masaracannanto ida nga agpuypuyat: pudno a cunac cadacayo, nga baricsannanto ket aramidennanto ida a sumango iti panganan, ket umayto ket agservinto cadacuada.

San Lucas 6:46

Ket apayapay awagandac iti: Apo, Apo, ket dicay aramiden ti ibagac?

San Lucas 9:23

Ket cuncunana cadacuada amin: No asinoman a tao ti mayat nga sumurot caniac, paglicudanna ti bagina, ket alaenna ti cruzna iti inaldaw ket surutennac.

San Juan 10:27

Dagiti carneroc denggenda ti timecco, ket ammoc ida ket surutendac;

San Juan 13:16

Pudno, pudno cunac cadacayo: ti adipen saan a dacdackel ngem iti apona, ket saan met a dacdackel ti maysa a naibaon ngem iti nangibaon kencuana.

San Juan 14:15

No ayatendac, tungpalenyo dagiti bilbilinco.

San Juan 14:3

Ket no innac coma ket isaganaancayto ti pagianan, umayacto manen, ket icuyogcayto caniac met laeng: tapno no adino ti yanco, addacay met coma.

San Juan 15:20

Laglagipenyo ti sao nga imbagac cadacayo: Saan a dacdackel ti adipen ngem ti apona. No inrurumendac, irurumendacayto met: no sinalimetmetanda ti saoc, salimetmetandanto met ti saoyo,

San Juan 17:24

Ama, ti intedmo caniac cayatco a no adino ti yanco, addada met coma a maicuyog caniac; tapno makitada ti dayagco nga intedmo caniac: ta inayatnacon idi saan pay a nabangon ti lubong.

San Juan 21:22

Cuna kencuana ni Jesus: No cayatco nga agbati nga agingga iti umayac, ania dayta kenca? Surutennac.

Taga-Roma 1:1

Ni Pablo, maysa nga adipen ni Jesu-Cristo, naayaban nga agapostol, nailasin a maipaay iti evangelio ti Dios,

Taga-Roma 14:18

Ta ti agservi a cas itoy ken Cristo, macaay-ayo iti Dios, ken anamungan dagiti tattao.

2 Taga-Corinto 4:5

Ta dicam icascasaba dagiti bagbagimi, no di ni Cristo Jesus, nga Apo, ket dacami dagiti cas adipenyo, gapu ken Jesus.

2 Taga-Corinto 5:8

Sitatalgedcami, cunac, ket caycayatmi coma ti maawanan iti bagi ket agtaengcami iti Apo.

Taga-Galacia 1:10

Ta gungunodec aya ti parabur dagiti tattao wenno ti Dios? wenno, ag-agawaac aya nga ay-ayoen dagiti tao? No coma no agawaac pay nga ay-ayoen dagiti tao, saanac coma nga adipen ni Cristo.

Taga-Filipos 1:23

Ta addaac a naglabbetan dagiti dua a banag, a tarigagayac ti pumanaw ken agnaed ken Cristo; isu a nasaysayaat unay;

Taga-Colosas 3:24

A pagaammoyo nga iti biang ti Apo awatenyonto ti gunguna a tawid; agservicayo ken Cristo nga Apo.

Taga-Colosas 4:12

Cablaawannacayo ni Epafras, a maysa cadacayo, adipen ni Cristo Jesus, cancanayon a siaagawa cadagiti panangicarcararagna cadacayo, tapno mataginayoncayo a sititibker a naananay, ken sitatalged unay iti amin a pagayatan ti Dios.

2 Pedro 1:1

Ni Simon Pedro, adipen ken apostol ni Jesu-Cristo, cadagiti nairaman cadacami nga immawat met ti napateg a pammati iti kinalinteg ti Diostayo ken Manangisalacan, ni Jesu-Cristo,

1 Juan 5:3

Ta daytoy ti ayat ti Dios, a tungpalentayo coma dagiti bilbilinna; ket dagiti bilbilinna saanda a macapadagsen.

San Judas 1:1

Ni Judas, adipen ni Jesu-Cristo, ket cabsat ni Santiago, isuratna cadagiti managan ay-ayaten iti Dios Ama ket maaywanan a maipaay ken Jesu-Cristo:

Paltiing 14:4

Dagitoy dagiti saan a natulawan cadagiti babbai; ta virgenda. Dagitoy dagiti sumursurot iti Cordero uray adino a papananna. Dagitoy nasubbotda cadagiti tattao, a cas da umuna a bungbunga a maipaay iti Dios ken iti Cordero.

1 Samuel 2:30

Gapuna a ni Jehova a Dios ti Israel cunana, Pudno a kinunac a ti balaymo, ken ti balay ni amam, magnada coma nga agnanayon iti saclangco: ngem ni Jehova cunana, Adayu coma caniac; ta dagidiay a mangdayaw caniac dayawecto, ket dagidiay a manglais caniac maicascasodanto a silalaca unay.