San Juan 12:16 - Ti Biblia (1973)

¹⁶ Dagitoy saan a naawatan dagiti adalanna, idi damo; ngem idi ni Jesus naitan-oken, idin nalagipda a dagitoy naisuratda a maipapan kencuana, ken inaramidda dagitoy a banag kencuana.

Ti Baro a Naimbag a Damag Biblia

¹⁶ Iti dayta a tiempo, saan a naawatan dagiti adalanna ti kaipapanan daytoy, ngem idi naitan-oken ni Jesus, nalagipda a naisurat maipapan kenkuana ket naaramid daytoy.

San Juan 12:16 Iomraidhean Croise

San Marcos 16:19

Casta ngarud, idi nalpas ni Apo Jesus ti nakisao cadacuada, naawat idiay ngato sadi langit ket nagtugaw iti macanawan ti Dios,

San Marcos 9:32

Ngem dida naawatan daytoy a sao; ket mabutengda a mangintuud kencuana.

San Lucas 18:34

Ket awan cadagitoy a banag ti naawatanda, ket daytoy a sao nailimed cadacuada ket dida naawatan dagitoy a naisao:

San Lucas 24:25

Ket kinunana cadacuada: O nacuneng a tattao ken naladaw ti panagpuspusoyo a mamati cadagiti isu-amin a sinao dagiti mammadto!

San Lucas 24:45

Idin linawaganna dagiti isipda, tapno maawatanda dagiti Sursurat;

San Lucas 9:45

Ngem saanda a naawat idi daytoy a sao, ket nacudrep cadacuada, iti casta dida maawatan, ket mabutengda met a mangintuud kencuana maipapan iti daytoy.

San Juan 12:23

Ket ni Jesus sumungbat cadacuada, a cuncunana; Dumtengen ti horas a ti Anac ti tao maitanoc.

San Juan 14:26

Ngem ti Manangliwliwa, ti Espiritu Santo, nga ibaonto ni Ama iti naganco, isu isuronanto cadacayo dagiti amin a banag, ket ipalagipnanto cadacayo dagiti isu-amin nga imbagac cadacayo.

San Juan 16:4

Ngem sinaoc cadacayo dagitoy, tapno inton umay ti horasda, malagipyo ida, nga insaoc cadacayo. Ngem dagitoy saanco nga insao cadacayo idi damo, ta addaac pay idi cadacayo.

San Juan 17:5

Ket ita, Ama, padayawannac kenca met laeng iti dayag nga adda caniac idi, iti dinnam, idi awan pay ti lubong.

San Juan 2:22

Idi ngarud nagungar cadagiti natay, dagiti adalanna nalagipda a sinaona daytoy: ket namatida cadagiti Sursurat ken ti sao nga insao ni Jesus.

San Juan 7:39

Ngem sinaona daytoy a maipapan iti Espiritu nga awatento dagiti mamati kencuana, ta saan pay idi a naited ti Espiritu, ta ni Jesus saan pay idi a naipanayag.

Dagiti Aramid 2:33

Iti casta idinto a naitan-oc iti macanawan ti Dios ken inawatna iti Ama ti cari ti Espiritu Santo, imbuyatna daytoy nga makitayo ken mangngegyo.

Dagiti Aramid 2:36

Ammoen ngarud nga awan duadua ti amin a balay ti Israel, a daytoy Jesus nga inlansayo iti cruz, inaramid ti Dios nga Apo ken Cristo.

Dagiti Aramid 3:13

Ti Dios da Abraham, ken Isaac, ken Jacob, ti Dios dagidi ammatayo iniccanna ti dayag ni Adipenna a Jesus, isu nga inyawatyo ken tinallicudanyo iti sangoanan ni Pilato, idi pinanggepna nga ibbatan.

Hebreo 12:2

A kitkitaentayo ni Jesus, a pangulo ken mangtungpal ti pammati, isu a gapu iti rag-o a naicabil iti sangoananna, inibturanna ti cruz, nga inwacsina ti bain, ket nagtugaw iti macanawan ti trono ti Dios.

Hebreo 8:1

Ti cangronaan, ngarud cadagiti banbanag a sasao-enmi, isu daytoy: Adda maysa a cangatoan a paditayo, a nagtugaw iti macanawan ti trono ti Ari idiay langit,