San Juan 12:13 - Ti Biblia (1973)

¹³ Nangalada cadagiti bulbulong dagiti cayo a palma, ket rimmuarda a simmabet kencuana, ket inpucpuccawda ti: Hosana: Madaydayaw ti umay iti nagan ti Apo, ti Ari ti Israel.

Ti Baro a Naimbag a Damag Biblia

¹³ Iti kasta, nagalada kadagiti sangsanga ti palma ket napanda simmabat kenkuana. “Madaydayaw ti Dios!” impukpukkawda. “Bendisionan koma ti Dios ti umay iti nagan ti Apo! Bendisionan koma ti Dios ti Ari ti Israel!”

San Juan 12:13 Iomraidhean Croise

Isaias 44:6

Castoy ti cuna ni Jehova, nga ari ti Israel ken Mannubbot kencuana, Jehova dagiti buybuyot: Siac ti immuna ken ti camaudianan; ket awan ti Dios no di la sisiac.

Oseas 3:5

Calpasanna dagiti annac ti Israel agsublidanto, ket sapulendanto ni Jehova a Diosda, ken ni David nga arida, ket umaydanto a sibubuteng ken ni Jehova ken iti kinaimbagna, cadagiti maud-udi nga al-aldaw.

Levitico 23:40

Ket iti umuna nga aldaw, mangalacayto iti maipaay cadagiti bagbagiyo iti bunga dagiti nasayaat a caycayo, sangsanga dagiti palmas, sangsanga dagiti caycayo a narucbos, ken runruno iti ayus; ket agragsaccayto iti sango ni Jehova a Diosyo bayat iti pito nga al-aldaw.

Sofonias 3:15

Ni Jehova iniccatna dagiti pannacaocommo, impuruacna ti cabusormo: ti Ari ti Israel, a ni met laeng Jehova, adda iti nagtengngaam; dicanto agbutengen iti dakes uray caano.

San Mateo 23:39

Ta cunnac cadacayo a manipud ita didacto makita agingga iti panagcunayonto: Bendito dayta umay iti nagan ti Apo.

San Mateo 27:42

Insalacanna dagiti sabali, ti bagina saanna a mabalin nga isalacan. Isu ti Ari ti Israel, umulog ngarud ita iti cruz ket mamaticamto kencuana.

San Juan 1:49

Ni Natanael simmungbat kencuana: Rabbi, sica ti Anac ti Dios; sica ti Ari ti Israel.

San Juan 12:14

Ket idi nacasarac ni Jesus ti maysa nga urbon nga asno, nagsacay kencuana cas iti naisurat:

San Juan 12:15

Dica agbuteng, babai nga anac ti Sion: adtoy, ti Arim umay a sisasacay iti maysa nga urbon ti asno.

San Juan 19:15

Isuda ngarud nagariwawada: Iccatem, iccatem, ilansam iti cruz. Cuna ni Pilato cadacuada: Ti Ariyo ilansacto iti cruz? Simmungbat dagiti cangatoan a papadi: Awan ti sabali nga arimi no saan a ni Cesar.

Paltiing 15:3

Ket cancantaenda daydi canta ni Moises, nga adipen ti Dios, ken ti canta ti Cordero, a cuncunada: Dadackel ken nacascasdaawda dagiti ar-aramidmo, O Apo Dios, a Mannacabalin-amin; nalinteg ken napudno dagiti daldalanmo, Sica Ari cadagiti panpannawen.

Paltiing 19:16

Ket iti cawesna ken idi rabaw di luppona adda a naisurat daytoy a nagan: ARI DAGITI AR-ARI, KEN APO DAGITI AP-APPO.

Paltiing 7:9

Calpasan dagitoy, kimmitaac, ket adtoy, ti umariwecwec, nga awan ti nacabalin a bumilang, a naggapuda cadagiti isu-amin a pagarian ken tribu ken il-ili ken pagsasao, nga agtatacderda iti sangoanan di trono ken iti sangoanan daydi Cordero, a nagcawesda cadagiti pagananay a puraw, ket adda palpalma cadagiti im-imada;