San Juan 11:52 - Ti Biblia (1973)

⁵² Ket saan laeng a maipoon iti ili, no di ket tapno isu maurnongna met nga agmaymaysa dagiti annac ti Dios a naiwarawara idi.

Ti Baro a Naimbag a Damag Biblia

⁵² ket saan laeng a gapu kadakuada no di ket tapno pagkaykaysaenna amin dagiti naiwaraswaras nga annak ti Dios.)

San Juan 11:52 Iomraidhean Croise

Genesis 49:10

Dinto umadayo ti cetro ken Juda, Uray ti sarucod ti agturay di umadayo iti baet dagiti sacsacana, Agingga iti di umay ni Mamagcacappia; ket isu ti tulnoganto dagiti il-ili.

Dagiti Salmo 22:15

Ti pigsac namagmagan a cas maysa a ribac; ket ti dilac cumpet iti ngadasco; ket sica impisocnac iti tapuc ni patay.

Dagiti Salmo 22:27

Amin dagiti pungpungto ti daga lumagip ken agpulangdanto ken Jehova; ket amin nga agcacabagian cadagiti nasnacion agdaydayawdanto iti saclangmo.

Dagiti Salmo 72:19

Ket bendito ti nadayag a naganna iti agnanayon; ket dagup ti daga mapno coma iti dayagna. Amen, ket amen.

Isaias 49:18

Itangadmo dagiti matam iti aglicmut, ken matmatam: amin dagitoy aggournongda, ket dumtengda kenca. Cas sibibiagac, cuna ni Jehova, di bumurong nga agcawescanto cadacuada amin a cas maysa nga arcos, ken ibarikesmo ida a cas maysa a novia.

Isaias 49:6

Wen, isu cunana, Bassit unay a banag ti panagbalinmo nga adipenco a mamangon cadagiti caputotan ni Jacob, ken mangisubli iti naigaga ti Israel: Itedcanto met a silaw cadagiti Gentil, tapno macapagbalinca a pangisalacanco agingga iti ungto ti daga.

Isaias 55:5

Adtoy, ayabamto ti maysa a nacion a dica amammo; ket ti maysa a nacion a dinaca pay amammo tumarayto nga umay kenca, gapu ken ni Jehova a Diosmo, ken gapu iti Santo ti Israel; ta isu intan-ocnaca.

Isaias 56:8

Ni Apo Jehova isu a mangummong cadagiti naipanaw ti Israel, cunana, Yummongconto pay dagiti sabsabali kencuana, mainayon iti cucuana met laeng a naornongen.

Isaias 60:4

Itangadmo dagita matam iti aglicmut ket cumitaca: isuda amin agguurnongda, umayda kenca; dagiti annacmo a lallaki umaydanto nga aggapuda iti adayu, ket dagiti annacmo a babbai masacroydanto cadagiti tactackiag.

Ezekiel 34:12

Cas ti pastor birukenna ti pangenna iti aldaw nga caaddana iti nagtengngaan dagiti carnerona a naiwara iti adayu, casta ti panangsapulconto cadagiti carneroc; ket luc-atacto ida cadagiti amin a disso a nacaiwarasanda iti naulep ken nasipnget nga aldaw.

Oseas 1:10

Nupay casta ti bilang dagiti annac ti Israel caslanto iti darat ti baybay, a di-mabalin a sucaten ken bilangen; ket maaramidto iti lugar a naisao cadacuada, Saancayo nga ilic, maibaganto cadacuada, Dacayo ti annac ti Dios a sibibiag.

San Lucas 15:8

Wenno asino ti babai nga adda sangapulo a dracmana, no mapucawna ti maysa a dracma, di manggangat ti pagsilawan ket sagadanna ti balay, ket sapulenna a sireregta agingat iti masaracanna?

San Lucas 2:32

Maysa a silaw a manglawag cadagiti Gentil, Ken dayaw dagiti tattaom nga Israel;

San Juan 1:12

Ngem cadagiti amin nga immawat kencuana, iniccanna ida ti calintegan nga agbalin nga anac ti Dios cadagidiay a mamati iti naganna:

San Juan 1:29

Iti sumuno nga aldaw makitana ni Jesus nga umay kencuana, ket cunana: Adtoy, ti Cordero ti Dios, a mangiccat ti basol ti lubong!

San Juan 10:16

Adda met sabsabali a carneroc a saanda a naitipon itoy a pagtaracnan: dagidiay masapul nga iyegco ket denggendanto ti timecco; ket addanto maymaysa nga arban, ken maymaysa a pastor.

San Juan 12:32

Ket siac, no maipangatoac manipud iti daga, guyuguyecto caniac amin a tao.

Dagiti Aramid 18:10

Ta siac addaac kenca ket awanto ti mangtignay a mangabil kenca, ta adu dagiti tattaoc iti daytoy a ciudad.

Taga-Roma 3:29

Isu Dios laeng aya dagiti Judio? saan aya a Dios met dagiti Gentiles? Wen, Dios met dagiti Gentiles.

Taga-Roma 4:17

(Cas adda a naisurat: Insaadca nga ama dagiti adu a pagpagarian nacion) iti imatang ti Dios a pinatina a mangpabiag cadagiti natay ket ibilangna dagiti banbanag nga awan pay, a cas la addadan.

Taga-Efeso 1:5

Idinto a iti ayat tinudingannatayo idi damo a maibilang nga annacna gapu ken Jesu-Cristo, a maipaay met la kencuana, cas ti pagayatan ti nakemna,

Taga-Efeso 3:11

A mayannurot iti gandat nga agnanayon a tinungpalna ken Cristo Jesus, nga Apotayo:

Santiago 1:1

Ni Santiago, nga adipen ti Dios ken ni Apo Jesu-Cristo, cumablaaw cadagiti sangapulo ket dua a tribu a naiwarawara.

1 Pedro 1:1

Ni Pedro maysa nga apostol ni Jesu-Cristo, isuratna cadagiti napili a gangannaet iti Pannacaiwarwara idiay Ponto, Galacia, Capadocia, Asia ken Bitinia,

1 Juan 2:2

Ket isu ti daton ti cappia gapu cadagiti basbasoltayo; ket saan laeng a gapu cadagiti basbasoltayo no di pay ket gapu iti isu-amin a lubong.

1 Juan 3:1

Kitaenyo no ania a kita ti ayat ti insagut cadatayo ti Ama, tapno managantay annac ti Dios, ket annacnatay ngarud. Gapu itoy ti lubong saannatay nga am-ammo, gapu ta isu saanna a naammoan.

1 Juan 3:10

Iti daytoy maiparangarang dagiti annac ti Dios ken dagiti annac ti diablo, siasinoman a saan nga agaramid ti kinalinteg, saan a tao ti Dios, uray ti di agayat ken cabsatna.

1 Juan 3:2

Ay-ayatec, ita annacnatay ti Dios; ket saan pay a maiparangarang no aniatayto; ammotayo nga no isu maiparangarangto, umaspingtayto kencuana, ta isu makitatayto cas ti kinaisuna.

Paltiing 5:9

Ket icancantada ti maysa a canta a baro, a cuncunada: Maicarica a mangala iti libro, ken manglucat cadagiti sellona; ta napapatayca idi, ket nagatangmo a maipaay iti Dios babaen ti daram met laeng, dagiti tattao ti amin a capututan, ken pagsasao, ken ili ken pagarian.