San Juan 11:45 - Ti Biblia (1973)

⁴⁵ Adu ngarud cadagidi Judio nga immay ken Maria, ken nacakita iti inaramid ni Jesus, namatida kencuana.

Ti Baro a Naimbag a Damag Biblia

⁴⁵ Adu kadagiti tattao a simmarungkar ken Maria ti nakaimatang iti inaramid ni Jesus, ket namatida kenkuana.

San Juan 11:45 Iomraidhean Croise

Exodo 14:31

Ket nakita ti Israel daydi naindaclan nga aramid a gapuanan ni Jehova a maibusor cadagiti Egipcios, ket dagiti tattao nagbutengda ken Jehova: ket namatida ken Jehova ken ni adipenna a Moises.

San Juan 10:41

Ket adu dagiti immay kencuana, ken cuncunada: Ni Juan pudno nga awan ti pagilasinan nga inaramidna; ngem isu-amin nga insao ni Juan a maipapan itoy a tao, napudnona.

San Juan 11:19

Ket adu cadagiti Judio ti immay cada Marta ken ni Maria, tapno liuliwaenda ida maipoon ken ni cabsatda.

San Juan 11:31

Dagiti Judio ngarud a cadduana iti balay ken mangliuliwa kencuana, idi nakitada a timmacder ni Maria iti napardas, ken rimmuar, sinurotda, nga ipappapanda a mapan idiay tanem tapno agsangit sadiay.

San Juan 12:42

Nupay casta, uray cadagidi agturay adu dagiti namati kencuana: ngem gapu cadagidi Fariseo saanda nga imparangarang, amangan no maparuarda iti sinagoga:

San Juan 2:23

Ket bayat ti caaddana idiay Jerusalem iti rambac ti pascua adu dagiti namati iti naganna, idi kitkitaenda dagiti pagilasinan nga araramidenna.

San Juan 7:31

Ngem cadagiti adu unay a tao, adu cadacuada ti namati kencuana ket kinunada: Ni Cristo, inton umay, agaramidto ngata ti adadda a pagilasinan ngem cadagiti inaramid daytoy a tao?