San Juan 11:19 - Ti Biblia (1973)

¹⁹ Ket adu cadagiti Judio ti immay cada Marta ken ni Maria, tapno liuliwaenda ida maipoon ken ni cabsatda.

Ti Baro a Naimbag a Damag Biblia

¹⁹ ket adu a taga-Judea ti napan nangliwliwa kada Marta ken Maria gapu iti ipapatay ti kabsatda a lalaki.

San Juan 11:19 Iomraidhean Croise

Genesis 37:35

Ket timmacderda amin dagiti annacna a lallaki ken babbai a nangliwliwa kencuana; ngem isu dina kinayat ti nagliwliwa; ket kinunana, Ta bumabaacto a sililiday, ken Tanem a mapan ken anacco. Ket ti amana sinangitanna.

2 Samuel 10:2

Ket ni David kinunana, Iparangconto iti caasi ken ni Hanon nga anac ni Naas, a cas la ni amana imparangna caniac ti caasi. Iti casta ni David imbaonna dagiti ad-adipenna a mangliwliwa kencuana a maipanggep ken ni amana. Ket dagiti ad-adipen ni David napanda iti daga dagiti annac ni Ammon.

1 Cronicas 10:12

Amin dagiti mamaingel a lallaki timmacderda, ket innalada ti bangcay ni Saul, ken dagiti bangcay dagiti annacna a lallaki, ket inyegda ida iti Jabes, ket intabonda dagiti tultulangda iti siroc ti lugo idiay Jabes, ket nagayunarda bayat iti pito nga aldaw.

Ti Libro ni Job 2:11

Idi a dagiti tallo a gagayyem ni Job nangeganda ti amin a dakes nga immay idi kencuana, immayda tunggal maysa a naggapu iti pagtaenganna da Elifaz a Temanita ken Bildad a Suhita, ken Sofar a Naamatita; ket nagtutulagda nga umay mangdung-aw ken mangliwliwa kencuana.

Ti Libro ni Job 42:11

Idin immayda kencuana dagiti amin a cacabsatna a lallaki ken babbai, ken amin dagiti caimimuanna idi, ket nakicaanda iti tinapay kencuana idiay balayna: ket nagleddaangda kencuana, ket isu ti liniwliwada maipapan iti dakes nga impaay ni Jehova kencuana: tunggal tao met nangted kencuana iti sangcapisi a cuarta, ken tunggal maysa ti maysa a singsing a balitoc.

Eclesiastes 7:2

Naimimbag ti mapan iti balay a pagdudung-awan ngem iti mapan iti balay a pagrarambacan: ta dayta isu ti tungpal dagiti amin a tattao; ket ti sibibiag isu ti ipapusonanto.

Isaias 51:19

Dagitoy dua a banag napasamacda kenca; asino ti mangdung-aw kenca? panaglangalang, ken pannacadadael, bisin ken campilan, casano ti panangliwliwacto kenca?

Dungdung-aw 1:16

Gapu cadagitoy a banbanag agsangitac; ti matac, ti matac agarubos iti danum; gapu ta ti mangliwliwa a mangpapigsa coma iti cararuac adayu caniac; dagiti annacco walangwalangda, agsipud ta ti cabusor nangabac.

Dungdung-aw 1:2

Isu agsangit iti napait iti rabii ket dagiti luluana addada cadagiti pingpingna; cadagiti amin a caayanayatna awan ti mangliwliwa kencuana; amin dagiti gagayyemna nagaramidda kencuana a sigugulib; nagbalinda a cabusorna.

Dungdung-aw 1:21

Nangngegda nga agsasainnecac; awan ti mangliwliwa caniac; amin dagiti cabusorco nangngegda ti riribucco; agragsacda gapu ta inaramidmo: sica yegmonto ti aldaw nga inwayangmo, ket isuda mayaspingdanto caniac.

Dungdung-aw 1:9

Ti kinarugitna adda idi cadagiti cainna; isu saanna a nalagip ti maududi a casasaadna; iti casta immulog a nacascasdaaw, awan ti mangliwliwa kencuana: kitaem, O Jehova, ti tuocco; ta ti cabusor pinadackelna ti bagina met laeng.

Dungdung-aw 2:13

Ania ti pangpanecnecconto kenca? ania ti pangipadpadacto kenca, O anac a babai ti Jerusalem? Ania ti pangidiligacto kenca, tapno mabalinca a liwliwaen, O anac a balasang ti Sion? Ta ti gutbawmo dackel cas iti baybay: asino ti macaagas kenca?

San Lucas 10:39

Ket daytoy adda maysa a cabsatna, a managan Maria, isu a timmugaw met iti sacaanan ni Jesus ket nagdengngeg ti saona.

San Lucas 10:42

Ngem maysa a banag ti masapul. Ni Maria pinilina ti nasayaat a bagi, isu a dinto maiccat kencuana.

San Juan 1:19

Ket daytoy ti pangpanecnec ni Juan, idi nangibaon dagiti Judio cadagiti papadi ken Levita nanipud Jerusalem a mangintuud kencuana: Siasinoca?

San Juan 11:1

Ket masakit idi ti maysa a tao, ni Lazaro, taga Betania, a puroc da Maria ken ni cabsatna a Marta.

San Juan 11:31

Dagiti Judio ngarud a cadduana iti balay ken mangliuliwa kencuana, idi nakitada a timmacder ni Maria iti napardas, ken rimmuar, sinurotda, nga ipappapanda a mapan idiay tanem tapno agsangit sadiay.

San Juan 11:33

Idi nakita ngarud ni Jesus nga isu agsangsangit, ken agsangsangit met dagiti Judio nga nanguyog kencuana, nagladingit iti nakemna ket nagsennaay,

San Juan 11:36

Kinuna ngarud dagiti Judio: Kitaenyo no casano ti panangdungngona kencuana!

San Juan 11:45

Adu ngarud cadagidi Judio nga immay ken Maria, ken nacakita iti inaramid ni Jesus, namatida kencuana.

San Juan 11:8

Cuna kencuana dagiti adalan: Mannursuro, ita ngayangayendaca a batoen dagiti Judio, ket inca manen idiay?

Taga-Roma 12:15

Makipagrag-ocayo cadagiti agrag-o; makipagsangitcayo cadagiti agsangit.

2 Taga-Corinto 1:4

Isu a mangliwliwa cadacami iti isu-amin a pagladladingitanmi, tapno mabalinmi a liwliwaen dagiti adda iti uray ania a pagladingitan, gapu iti liwliwa a pangliwliwa met laeng ti Dios cadacami.

1 Taga-Tesalonica 4:18

Ngarud pangliwliwayo iti maysa ken maysa dagitoy a sasao.

1 Taga-Tesalonica 5:11

Gapuna aglilinniwanliwacayo iti maysa ken maysa ket agsisinnurocayo cas ar-aramidenyo met.

1 Samuel 31:13

Ket innalada dagiti tultulangna, ket intabonda ida iti siroc ti cayo a salamagi idiay Jabes, ket nagayunarda iti pito nga aldaw.