San Juan 10:7 - Ti Biblia (1973)

⁷ Kinuna manen, ngarud ni Jesus cadacuada; Pudno, pudno cunac cadacayo, siac ti ruangan dagiti carnero.

Ti Baro a Naimbag a Damag Biblia

⁷ Kinuna manen ni Jesus kadakuada, “Ibagak ti pudno kadakayo: Siak ti ruangan a pagserkan dagiti karnero.

San Juan 10:7 Iomraidhean Croise

Dagiti Salmo 100:3

Ammoyo a ni Jehova, isu ti Dios: isu ti nangaramid cadatayo, ket datayo cucuanatayo; datayo ti ilina, ken carcarnero ti pagpaarabanna.

Dagiti Salmo 79:13

Iti casta dacami nga ilim ken carcarnero iti pagpaarabam agyamancamto kenca nga agnanayon: iparangarangminto ti pacaidaydayawam cadagiti amin a capcaputotan.

Dagiti Salmo 95:7

Ta isu ti Diostayo, ken datayo ti umili ti pagpaarabanna, ken carcarnero ti imana. Ita nga aldaw, no mangegyo coma ti timecna!

Isaias 53:6

Datayo amin castayla carcarnero a nayawawan; nagturong ti tunggal maysa cadatayo iti dalanna met laeng; ket ni Jehova impatayna kencuana ti kinadakestayo amin.

Ezekiel 34:31

Ket dacayo dagiti carneroc, dacayo carnero ti pagpaarabac tattaocayo, ket siac ti Diosyo, cuna ni Apo Jehova.

Ezekiel 36:38

Cas ti arban a maipaay a daton, cas ti arban ti Jerusalem cadagiti nakedngan a fiestana, iti casta dagiti naracrac nga ili mapnodanto cadagiti arban dagiti tattao; ket mabigbigdanto a siac ni Jehova.

San Juan 10:1

Pudno, pudno, cunac cadacayo, ti saan a sumrec iti ruangan ti pacayaponan dagiti carnero, no di ket cumalay-at iti sabali a dalanan isu met laeng ti mannanacaw ken tulisan.

San Juan 10:9

Siac ti ruangan; ti sumrec a magna caniac, maisalacanto, ket sumrec ken rumuarto ket macasaracto ti pagaraban.

San Juan 14:6

Ni Jesus cunana kencuana: Siac ti dalan, ken ti pudno ken ti biag; awan ti umay ken Ama, no di magna caniac.

Taga-Efeso 2:18

Ta gapu kencuana dacami ken dacayo addaantayo ti gundaway ti iyaasideg iti Ama, babaen ti maymaysa nga Espiritu.