San Juan 10:28 - Ti Biblia (1973)

²⁸ Ket siac iccac ida ti biag nga agnanayon: ket didanto mapucaw uray caano, ket awanto ti mangrabsut cadacuada itoy imac.

Ti Baro a Naimbag a Damag Biblia

²⁸ Ikkak ida iti biag nga agnanayon, ket pulos a didanto matay. Awan ti makarabsut kadakuada kaniak.

San Juan 10:28 Iomraidhean Croise

San Juan 6:37

Isu-amin nga ited caniac ni Ama, umayto caniac; ket ti umay caniac, diacto pagtalawen.

Hebreo 7:25

Gapuna, mabalinna met nga isalacan agingga iti awan pagcuranganna dagiti umasideg iti Dios gapu kencuana, ta isu agbiag nga agnanayon tapno ibabaetna ida.

Taga-Roma 8:29

Ta dagiti naammoanna a sigud, pinilina met ida idi tapno mayaspingda iti ladawan ni Anakna; tapno isu agbalin nga inauna cadagiti adu a cacabsat:

San Juan 18:9

Tapno matungpal idi ti sao nga insaona. Cadagiti intedmo caniac, awan cadacuada ti pinucawco.

Taga-Filipos 1:6

Ket sitatalgedac itoy met laeng, a daydiay nangirugi cadacayo ti nasayaat nga aramid, ananayennanto agingga iti aldaw ni Jesu-Cristo:

Isaias 54:17

Awan ti igam a naaramid a maibusor kenca a rumang-ayto; ken tunggal dila a bumusorto kenca iti panangocom condenaremto. Isu daytoy ti tawid dagiti adipen ni Jehova, ken ti kinalintegda nga aggapu caniac, cuna ni Jehova.

1 Juan 2:25

Ket daytoy ti cari nga incarina cadatayo, ti biag nga agnanayon.

San Juan 4:14

Ngem siasinoman nga uminum iti danum nga itdecto kencuana, uray caano saanto a mawawen; no di ket ti danum nga itdecto kencuana agbalinto kencuana nga ubbog ti danum nga agburayoc a maipaay iti biag nga agnanayon.

Taga-Roma 8:1

Awan ngarud ita ti aniaman a pannacadusa a maipaay cadagiti adda ken Cristo Jesus,

San Judas 1:24

Ket iti daydiay mannacabalin a mangigaga cadacayo iti pannacaitibcolyo, ken mangidatag cadacayo nga awan pakapilawanyo iti sangoanan ti dayagna a buyugen ti naglaus a rag-o.

San Juan 17:2

Cas iti pannangtedmo kencuana ti pannacabalin iti amin a lasag, tapno dagiti amin nga intedmo kencuana iccana coma ida ti biag nga agnanayon.

San Juan 5:24

Pudno, pudno, cunac cadacayo: Ti dumngeg iti saoc ket patienna ti nangibaon caniac, adda biagna nga agnanayon; ket saanto nga umay iti pannacaocom, no di ket nanipud ken patay immalis iti biag.

1 Juan 2:19

Rimmuarda cadatayo, ngem ditay ida caddua; ta no cadduatay coma ida, nakipagtaengda coma cadatayo; ngem tapno iparangarangda a saan nga isuda amin, cadcaduatay ida.

1 Juan 5:11

Ket daytoy isu ti pammanecnec: A ti Dios iniccannatayo iti biag nga agnanayon, ket daytoy a biag adda iti Anacna.

San Judas 1:21

Agtaengcayo iti panagayat iti Dios, a namnamaenyo ti asi ni Apotayo a Jesu-Cristo, a maipaay iti biag nga agnanayon.

1 Pedro 1:5

A gapu iti pannacabalin ti Dios maaywanancayo, gapu iti pammati, a maipaay iti pannacaisalacan, a sisasagana tapno maiparangarang iti camaudianan nga aldaw.

Dagiti Salmo 37:28

Ta ni Jehova ayatenna ti kinalinteg, ket dina baybay-an dagiti sasantosna; maicanawada nga agnanayon: ngem ti putot dagiti nadangkes magessatdanto.

Deuteronomio 33:3

Wen, ayatenna ti umili; amin a sasantona addada ita imam: ket nagtugawda cadagita sacsacam: tunggal maysa awatennanto ti aggapu cadagiti sasaom.

Isaias 45:17

Ngem ti Israel isalacanto ni Jehova iti agnanayon a pannacaisalacan: saancayto a maibabain ket dicayo met mariru iti lubong iti awan patinggana.

San Juan 11:25

Cuna kencuana ni Jesus: Siac ti panagungar ken ti biag: ti mamati caniac, uray no matay, agbiagto pay.

Jeremias 31:3

Ni Jehova nagparang caniac iti nabayagen a pannawen, a kinunana, Wen, siac nagayatac kenca iti agnanayon a panagayat: gapuna a babaen ti kinamanangngaasi inyasidegca.

San Judas 1:1

Ni Judas, adipen ni Jesu-Cristo, ket cabsat ni Santiago, isuratna cadagiti managan ay-ayaten iti Dios Ama ket maaywanan a maipaay ken Jesu-Cristo:

Dagiti Proverbio 24:16

Ta ti nalinteg a tao uray matuang a maminpito, ket bumangon manen; ngem dagiti nadangkes rebbeken ida ti kinadacsangasat.

2 Taga-Tesalonica 2:13

Ngem rebbengmi ti agyaman a cancanayon iti Dios, gapu cadacayo, cacabsat nga dongdongoen ti Apo, agsipud ta pinilinacayo ti Dios, nanipud idi punganay, a maipaay iti pannacaisalacan babaen iti pannacasantificar ti Espiritu ken ti pammati iti pudno:

San Juan 3:36

Ti mamati iti Anac, adda biagna nga agnanayon; ngem ti saan nga agtulnog iti Anac, saannanto a makita ti biag, no di ket ti pungtot ti Dios agtaeng kencuana.

2 Timoteo 1:12

Gapu met itoy sagabaec dagitoy a banag; nupay casta, saanac a mabain; ta ammoc daydiay pinatic, ket mapnecac unay nga isu mannacabalin a mangaywan iti intalecco kencuana a maipaay iti daydiay nga aldaw.

Taga-Roma 5:21

Tapno, cas ti panagari ti basol ken patay, casta met coma nga agari ti parabur, gapu iti kinalinteg a maipaay iti biag nga agnanayon, gapu ken Jesu-Cristo nga Apotayo.

Ti Libro ni Job 17:9

Nupay casta ti nalinteg agnayonto iti dalanna, ket ti addaan im-ima a nadalus pumigsanto la a pumigsa.

1 Timoteo 1:16

Nupay casta gapu itoy nacagun-odac ti asi, tapno ni Jesu-Cristo ipakitana coma caniac, a nangnangrona, ti amin nga aglablabes nga anusna, cas pagulidanan dagiti mamatinto kencuana a maipaay iti biag nga agnanayon.

Taga-Roma 6:23

Ta dagiti supapac ti basol isu ni patay; ngem ti naparabur a sagut ti Dios isu ti biag nga agnanayon, ken Jesu-Cristo nga Apotayo.

Taga-Roma 5:17

Ta no ti ipapatay nagari gapu iti basol daydi maysa, nangnangrona pay, a dagiti immawat iti kinawadwad ti parabur ken ti sagut ti kinalinteg, agaridanto iti biag gapu iti sabali, nga isu ni Jesu-Cristo.

Taga-Roma 5:2

Gapu kencuana met addaantayo ti pagsercan gapu iti pammati, itoy a parabur, isu a pagtalinaedantayo a sititibker, ket agrag-otayo ti namnamo iti kayag ti Dios.

Dagiti Aramid 7:59

Ket inuborda ni Esteban, nga umaw-awag ken cuncunana: Apo Jesus, awatem toy cararuac.

San Juan 14:19

Adda pay apagbassit, ket ti lubong dinacto makitan; ngem dacayo makitadacto; gapu ta agbiagac, agbiagcayto met.

San Juan 6:47

Pudno, pudno, cunac cadacayo: Ti mamati, caniac addaan biag nga agnanayon.

San Juan 6:27

Agtrabajocayo, saan a gapu ti taraon a mapucaw, no di ket gapu iti taraon a mataginayon a maipaay iti biag nga agnanayon, nga itedto cadacayo ti Anac ti tao: ta isu pinanecnecan ti Ama a Dios.

Jeremias 32:40

Ket mangaramidacto cadacuada iti maysa a tulag iti agnanayon a diacto sumina iti panagsurot cadacuada, tapno agaramid cadacuada iti naimbag, ket icabilconto ti panagbuteng caniac cadagiti puspusoda, tapno saanda coma a sumina caniac.

1 Samuel 2:9

Isu aywanannanto dagiti sacsaca dagiti sasantona, ngem ti managdacdakes mapaulimecto iti kinasipnget; ta gapu iti pigsa awanto ti tao a mangrimbaw.

Taga-Roma 5:9

Nangnangrona pay ngarud, idinto a mapalintegtayon iti darana, maisalacantayto iti pungtot gapu kencuana.

San Juan 6:68

Ket simmungbat kencuana ni Simon Pedro: Apo, asinonto ti papananmi? Sica addaanca cadagiti sao ti biag nga agnanayon.

San Lucas 23:46

Ket ni Jesus immawag iti dackel a timec, ket kinunana: Ama, cadagita imam ti pangitalcac itoy cararuac. Ket idi a nasaonan nauyusanen.

Jeremias 31:34

Ket saandanto a mangisuro tunggal tao iti caarrubana, ken tunggal tao iti cabsatna, a cunana, Ammoem ni Jehova; ta isuda amin am-ammodacto, manipud iti cababassitan agingga iti cadadackelan cadacuada, cuna ni Jehova: ta pacawanecto ti kinadakesda, ket saanconto a lagipenen ti basolda.

Dagiti Proverbio 4:18

Ngem ti dana ti nalinteg cas iti annaraar ti agsapa, a rumaniag a rumaniag agingga iti napaypayso nga aldaw.

Dagiti Salmo 31:5

Ita imam italecco toy cararwac: sinubbotnac, O Jehova, sica a Dios ti pudno.

San Marcos 13:22

Ta tumacderdanto dagiti sinan Cristo, ken sinan mammadto, ket mangipakitadanto cadagiti pagilasinan ken datdatlag, tapno macapasurotda no mabalin coma, uray pay cadagiti napili.

Isaias 55:3

Yallingagyo ti lapayagyo, ken umaycayo caniac; dumngegcayo, ket ti cararuayo agbiagto: ket agaramidacto iti agnanayon a tulag cadacayo, nga isu dagiti di bumurong a panangngaasi a naicari ken David.

Isaias 27:3

Siac ni Jehova nga agaywan kencuana, isu sibugacto iti tungal canito: di la ket ta adda mangranggas kencuana, isu aywanacto iti rabii ken aldaw.

Jeremias 23:4

Ket mangipasdecacto cadagiti paspastor cadacuada; isuda a mangtaraon cadacuada; ket saandanto nga agbutengen, wenno agcullayaw, ket awanto met ti agcurang, cuna ni Jehova.

San Juan 10:29

Ni Amac a nangted caniac cadacuada, dacdakel ngem cadagiti isu-amin: ket awan ti macabalin a mangrabsut cadacuada iti ima ni Amac.

1 Juan 1:2

(Ket ti biag naiparangarang, ket nakitami, ket panecnecanmi, ket ipacaammomi cadacayo ti biag, daydiay biag nga agnanayon, nga adda idi iti Ama, ket naipakita cadacami):