San Juan 10:25 - Ti Biblia (1973)

²⁵ Simmungbat cadacuada ni Jesus: Imbagac cadacayo ket dicay mamati: dagiti aramid nga aramidec iti nagan ni Amac, dagita ti mangpanecnec iti maipapan caniac.

Ti Baro a Naimbag a Damag Biblia

²⁵ “Imbagakon kadakayo,” insungbat ni Jesus, “ngem didak met patien. Dagiti aramidko babaen iti turay ni Amak ti mangpaneknek iti maipapan kaniak.

San Juan 10:25 Iomraidhean Croise

San Juan 10:32

Simmungbat cadacuada ni Jesus: Adu dagiti naimbag nga aramid a naggapu ken Amac nga impakitac cadacayo: ania cadagita nga aramid ti pangbatoanyo caniac?

San Juan 10:37

No diac agaramid cadagiti aramid ni Amac, didac patien.

San Juan 10:38

Ngem no aramidec ida, uray no didac patien, patienyo dagiti aramid, tapno maammoyo ken maawatanyo a ti Ama adda caniac, ket siac addaac kencuana.

San Juan 11:47

Dagiti cangatoan a papadi ken dagiti Fariseo nangurnongda ti maysa a paguumanan ket kinunada: Ania ti aramidentayo? ta daytoy a tao agaramid cadagiti adu a pagilasinan.

San Juan 12:37

Ngem uray inaramidna iti sangoananda dagiti nagadu a pagilasinan, saanda pay a namati kencuana:

San Juan 14:11

Patiendac nga addaac ken Ama, ket ni Ama, adda caniac: wenno no saan, patiendac gapu cadagiti aramid met laeng.

San Juan 20:30

Ket adu dagiti sabsabali a pagilasinan nga inaramid ni Jesus iti sangoanan dagiti adalan, a saan a naisurat itoy a libro:

San Juan 3:2

Daytoy immay ken Jesus iti rabii, ket kinunana kencuana: Mannursuro, ammomi a maysaca a mannursuro a naggapu iti Dios; ta awan ti macabalin a mangaramid cadagitoy a pagilasinan nga aramiden, no awan ti Dios kencuana.

San Juan 7:31

Ngem cadagiti adu unay a tao, adu cadacuada ti namati kencuana ket kinunada: Ni Cristo, inton umay, agaramidto ngata ti adadda a pagilasinan ngem cadagiti inaramid daytoy a tao?

San Juan 8:12

Ni Jesus kinasaona manen ngarud idan, a cuncunana: Siac ti silaw ti lubong; ti sumurot caniac, saanto a magna iti sipnget; no di ket addanto kencuana ti silaw ti biag.

San Juan 8:24

Kinunac ngarud cadacayo a mataycayo cadagiti basbasolyo; ta no dicayo patien a siac daydi, cadagiti basbasolyo mataycayto.

San Juan 8:56

Ni Abraham nga amayo nagragsac iti panangkitana iti aldawco, ket nakitana ket nagrag-o.

San Juan 8:58

Kinuna cadacuada ni Jesus: Pudno, pudno, cunac cadacayo, idi casangoanan ti pannacayanac ni Abraham, addaacon.

Dagiti Aramid 10:38

A maipapan ken Jesus a taga Nazaret no casano ti panangconsagrar ti Dios kencuana nga iniccanna ti Espiritu Santo ken ti pannacabalin; isu a namagpagna a nagararamid ti naimbag: ket inag-agasanna amin dagiti pinarparigat ti sairo, ta ti Dios adda kencuana.

Dagiti Aramid 2:22

O lallaki nga Israelitas: denggenyo dagitoy a sao: Ni Jesus a taga Nazaret, lalaki a pinanecnecan ti Dios cadacayo cadagiti pannacabalin ken nacascasdaaw ken cadagiti pagilasinan nga inaramid ti Dios gapu kencuana iti nagtengngaanyo, a cas ammoyo met;

Hebreo 2:3

Casanonto ti panaglisitayo; no ditay icancano ti casta unay nagdackel a pacaisalacanan? isu, nga idinto nga impacaammo ti Apo idi damo pinanecnecan cadatayo dagiti nacangngeg kencuana: