San Juan 10:24 - Ti Biblia (1973)

²⁴ Dagiti Judio ngarud linawlawda ket kinunada kencuana: Agingga ti caano a pagduaduaennacami? No sica ti Cristo, ibagam cadacami a silalawag.

Ti Baro a Naimbag a Damag Biblia

²⁴ idi inaribungbongan dagiti tattao. “Kaanonto aya ti panangibagam iti pudno?” sinaludsodda kenkuana. “Ibagamon ti agpayso! Sika kadi ti Cristo?”

San Juan 10:24 Iomraidhean Croise

1 Ar-ari 18:21

Ket ni Elias immasideg iti amin nga umili, ket kinunana, Agpapan caano ti panagallaallayo iti dua a panunot? no ni Jehova isu ti Dios, sumurotcayo kencuana; ngem no ni Baal, sumurotcayo ngarud kencuana. Ket ti umili saan a simmungbat kencuana iti uray maysa a sao.

San Mateo 11:3

A kinunana kencuana: Sica daydi umay wenno urayenmi ti sabali?

San Marcos 8:32

Ket sinaona daytoy a dina inlimlimed. Ket ni Pedro, isu innalana ket rinugianna a binabalaw.

San Lucas 3:15

Ket idi nga cas la dagiti amin a tattao panpanunutenda cadagiti puspusoda ti maipapan ken Juan, no isu ni Cristo;

San Juan 1:19

Ket daytoy ti pangpanecnec ni Juan, idi nangibaon dagiti Judio cadagiti papadi ken Levita nanipud Jerusalem a mangintuud kencuana: Siasinoca?

San Juan 10:31

Dagiti Judio pimmidutda manen ti batbato tapno uburenda.

San Juan 10:33

Simmungbat kencuana dagiti Judio: Saandaca a batoen gapu iti naimbag nga aramid, no di ket gapu iti tabbaawmo; ken gapu ta sica, idinto a taoca, aramidem ti bagim a Dios.

San Juan 16:25

Dagitoy insaoc idi cadacayo cadagiti pangngarig: umay ti horas a diacto agsaon cadacayo cadagiti pangngarig; no di ket ipacaammocto a silalawag cadacayo ti maipapan ken Ama.

San Juan 8:25

Kinunada ngarud kencuana: Siasinoca? ni Jesus kinunana cadacuada: Daydi met laeng imbagac cadacayo idi damo.

San Juan 8:53

Dacdackelca aya ngem ni amatayo nga Abraham, isu a natay? ken casta met dagiti mammadto natayda: asino ti panangipapanmo iti bagim?

San Juan 9:22

Dagitoy kinuna dagiti dadackelna, ta cabutengda idi dagiti Judio: ta dagiti Judio nagnunumoandan a no adda mangipudno nga isu ti Cristo, maparuar iti sinagoga.

2 Taga-Corinto 3:12

Idinto nga adda cadacami ti dackel unay nga inanama, agsaocami a situtured,