San Juan 10:16 - Ti Biblia (1973)

¹⁶ Adda met sabsabali a carneroc a saanda a naitipon itoy a pagtaracnan: dagidiay masapul nga iyegco ket denggendanto ti timecco; ket addanto maymaysa nga arban, ken maymaysa a pastor.

Ti Baro a Naimbag a Damag Biblia

¹⁶ Adda pay dagiti karnerok nga awan ditoy a pagaponan. Masapul nga yaponko met ida. Ipangagdanto ti timekko, ket agbalindanton a maymaysa nga arban nga aywanan ti maymaysa a pastor.

San Juan 10:16 Iomraidhean Croise

Genesis 49:10

Dinto umadayo ti cetro ken Juda, Uray ti sarucod ti agturay di umadayo iti baet dagiti sacsacana, Agingga iti di umay ni Mamagcacappia; ket isu ti tulnoganto dagiti il-ili.

Dagiti Salmo 86:9

Amin dagiti nasnacion nga inaramidmo umaydanto nga agrucbab iti saclangmo, O Apo; ket ipaduyacyacdanto ti tan-oc ti naganmo.

Eclesiastes 12:11

Dagiti sasao ti mamasirib cacasda la cadagiti pagduyoc; ken cacas la cadagiti lansa a naipaloc a naimbag dagiti sasao dagiti appoen dagiti gimgimong, a maited nga aggapu iti maysa a pastor.

Isaias 11:10

Ket maaramidto iti dayta nga aldaw, a ti ramut ni Jesse, a sitatacder nga apaay a maysa a wagayway cadagiti inilin-ili, isu ti sapulento dagiti nasnacion; ket ti paginanaanna nadayagto.

Isaias 43:6

Cunaecto iti amianan, Ibbatam; ken iti abagatan, Dica igawid; yegmo dagiti annacco a lallaki manipud iti adayu, ken dagiti annacco a babbai manipud iti pungto ti daga;

Isaias 49:6

Wen, isu cunana, Bassit unay a banag ti panagbalinmo nga adipenco a mamangon cadagiti caputotan ni Jacob, ken mangisubli iti naigaga ti Israel: Itedcanto met a silaw cadagiti Gentil, tapno macapagbalinca a pangisalacanco agingga iti ungto ti daga.

Isaias 52:10

Ni Jehova linislisanna ti tackiagna a nasantoan cadagiti matmata dagiti amin a nasnacion; ken amin nga pungto ti daga nakitada ti panangisalacan ti Diostayo.

Isaias 56:8

Ni Apo Jehova isu a mangummong cadagiti naipanaw ti Israel, cunana, Yummongconto pay dagiti sabsabali kencuana, mainayon iti cucuana met laeng a naornongen.

Ezekiel 34:12

Cas ti pastor birukenna ti pangenna iti aldaw nga caaddana iti nagtengngaan dagiti carnerona a naiwara iti adayu, casta ti panangsapulconto cadagiti carneroc; ket luc-atacto ida cadagiti amin a disso a nacaiwarasanda iti naulep ken nasipnget nga aldaw.

Ezekiel 34:23

Ket bangonecto ti maysa a pastor cadacuada, ket pacanennanto ida, nga isu ni adipenco a David; pacanennanto ida, ket isunto ti pastorda.

Ezekiel 34:6

Dagiti carneroc nagtawatawda cadagiti amin a banbantay, ken iti rabaw ti tunggal nangato a turod; wen, dagiti carneroc naiwarada iti amin a langa ti daga; ket awan ti siasinoman a nagbiruc wenno nagsapul cadacuada.

Ezekiel 37:22

Ket pagbalinecto ida a maysa a nacion iti daga, iti rabaw dagiti banbantay ti Israel; ket maysa nga ari isunto ti ari cadacuada amin; ket awanton dagiti dua a nasnacion, ket saandanto metten a mabingay a pulos iti nagcadua a pagpagarian;

Ezekiel 37:24

Ket ni adipenco a David agarinto cadacuada; ket isuda amin addanto maymaysa a pastorda: magnadanto met cadagiti bilbilinco, ket tungpalenda dagiti linlintegco, ket aramidenda ida.

Oseas 1:10

Nupay casta ti bilang dagiti annac ti Israel caslanto iti darat ti baybay, a di-mabalin a sucaten ken bilangen; ket maaramidto iti lugar a naisao cadacuada, Saancayo nga ilic, maibaganto cadacuada, Dacayo ti annac ti Dios a sibibiag.

Zacarias 2:11

Ket adu a nasnacion tumipondanto ken Jehova iti daydiay nga aldaw, ket isudanto ti ilic; ket agnaedacto iti nagtengngaam, ket sica mabigbigmonto a ni Jehova dagiti buybuyot imbaonnac kenca.

San Mateo 17:5

Idi agsasao pay laeng, adtoy, ti maysa nga ulep a naraniag a lininunganna ida; ket adtoy ti maysa a timec iti ulep a kinunana: Daytoy isu ti Anacco a dungdungoec, isu a pacaayaywac: isu ti denggenyo.

San Lucas 15:8

Wenno asino ti babai nga adda sangapulo a dracmana, no mapucawna ti maysa a dracma, di manggangat ti pagsilawan ket sagadanna ti balay, ket sapulenna a sireregta agingat iti masaracanna?

San Juan 10:11

Siac ti naimbag a pastor: ti naimbag a pastor itedna ti biagna gapu cadagiti carnerona.

San Juan 10:2

Ngem ti sumrec iti ruangan, isu ti pastor dagiti carnero.

San Juan 10:27

Dagiti carneroc denggenda ti timecco, ket ammoc ida ket surutendac;

San Juan 10:3

Isu ilucatan ti agay-aywan iti ruangan, ket dagiti carnero denggenda ti timecna: ket ayabanna dagiti carnerona cadagiti nagnaganda, ket iruarna ida.

San Juan 10:4

Ket inton nairuarnan amin ida, magna iti sangoananda; ket dagiti carnero sumurotda, ta mailasinda ti timecna.

San Juan 10:5

Ngem ti dida amammo saandanto a suruten, no di ket itarayandanto: ta dida amammo ti timecna.

San Juan 11:52

Ket saan laeng a maipoon iti ili, no di ket tapno isu maurnongna met nga agmaymaysa dagiti annac ti Dios a naiwarawara idi.

San Juan 17:20

Ket saan laeng a dagitoy ti idawdawatac, no di ket dagiti pay mamati caniac gapu iti saoda:

San Juan 6:37

Isu-amin nga ited caniac ni Ama, umayto caniac; ket ti umay caniac, diacto pagtalawen.

Dagiti Aramid 15:14

Ni Simon sinaritana no casano ti panangrugi ti Dios a nangsarungcar cadagiti Gentil, tapno mangala cadacuada ti tattao a maipaay iti naganna.

Dagiti Aramid 18:10

Ta siac addaac kenca ket awanto ti mangtignay a mangabil kenca, ta adu dagiti tattaoc iti daytoy a ciudad.

Dagiti Aramid 22:14

Ket isu kinunana: Ti Dios dagiti ammatayo, tinudingannaca idi tapno maammoam ti nakemna, ken makitam daydi Nalinteg, ken mangegmo ti timec ti ngiwatna.

Taga-Roma 11:25

Ta diac cayat a dicay maammoan, cacabsat, daytoy a palimed, tapno dicayo aginsisirib iti kinatangsit, a ti itatangken ti maysa a paset naaramid ken Israel agingga iti macastrec a naan-anay dagiti Gentiles;

2 Taga-Tesalonica 2:13

Ngem rebbengmi ti agyaman a cancanayon iti Dios, gapu cadacayo, cacabsat nga dongdongoen ti Apo, agsipud ta pinilinacayo ti Dios, nanipud idi punganay, a maipaay iti pannacaisalacan babaen iti pannacasantificar ti Espiritu ken ti pammati iti pudno:

Hebreo 13:20

Ket ti Dios ti talna, a nangisubli manipud cadagiti natay iti dackel a pastor dagiti carnero, ni Apotayo a Jesus, gapu iti dara ti agnanayon a tulag,

1 Pedro 2:10

Dacayo nga idi napalabas nga aldaw saancay nga umili, ngem ita dacay ti ili ti Dios; nga idi saancayo a nacaasian ngem ita nacaasiancayon.

1 Pedro 2:25

Ta dacayo nayawawancayo idi a cas cadagiti carnero; ngem ita nagsublicayo iti Pastor ken Obispo dagiti carcararuayo.

1 Pedro 5:4

Ket inton maipanayag ti catan-ocan a Pastor, awatenyonto ti balangat a nagloriaan a di agrupsa.

Paltiing 3:20

Adtoy, siac addaac nga agtactacder iti ruangan, ket agtugtugac; no adda dumngegto iti timecco ket luctannanto ti ruangan, sumrecacto kencuana, ket makipanganacto kencuana, ket isu, caniac.