San Juan 10:14 - Ti Biblia (1973)

¹⁴ Siac ti naimbag a pastor, ket ammoc dagiti cucuac ket dagiti cucuac ammodac,

Ti Baro a Naimbag a Damag Biblia

^14-15 “Siak ti naimbag a pastor. Am-ammonak ti Ama, ket am-ammok met ti Ama. Am-ammok dagiti karnerok ket am-ammodak met. Madadaanak a mangipaay iti biagko gapu kadakuada.

San Juan 10:14 Iomraidhean Croise

Dagiti Salmo 1:6

Ta ni Jehova ammona ti dalan dagiti nalinteg; ngem ti dalan dagiti nadangkes mapucawto.

Isaias 40:11

Pagarabennanto ti arbanna a cas la maysa nga agpaspastor, urnongennanto dagiti cordero iti tackiagna, ken awitenna ida iti barucongna, ket idalannanto a nainayad dagiti adda urbonda.

Isaias 53:11

Makitananto ti panagrigat ti cararuana, ket mapnecto; gapu iti pannacaammo kencuana met laeng ti nalinteg nga adipenco palintegennanto dagiti adu; ken isu awitennanto dagiti kinadangkesda.

Nahum 1:7

Ni Jehova naimbag, maysa a sarikedked iti aldaw ti riribuc; ket ammona dagidiay nga agcamang kencuana.

San Juan 10:11

Siac ti naimbag a pastor: ti naimbag a pastor itedna ti biagna gapu cadagiti carnerona.

San Juan 10:13

Tumaray, agsipud ta isu patangtangdanan, ket saanna a patgen dagiti carnero—

San Juan 10:27

Dagiti carneroc denggenda ti timecco, ket ammoc ida ket surutendac;

San Juan 17:3

Ket daytoy ti biag nga agnanayon: a maammoandaca coma a maymaysa a pudno a Dios, ken ni Jesu-Cristo nga imbaonmo.

San Juan 17:8

Ta dagiti sao nga intedmo caniac, intedco cadacuada; ket inawatda, ket naammoanda a pudno a naggapuac kenca ket pinatida a sica imbaonnac.

2 Taga-Corinto 4:6

Ta ti Dios kinunana: Tumpuarto ti silaw iti casipngetan, isu a naglawag cadagiti puspusotayo, a maipaay iti pannacalawag ti pannacaammo iti dayag ti Dios, iti langa ni Jesu-Cristo.

Taga-Efeso 1:17

Tapno ti Dios ni Apotayo a Jesu-Cristo, ti Ama ti kinadayag, ipaayannacay coma ti maysa nga espiritu ti kinasirib ken paltiing iti pannacaammo kencuana;

Taga-Efeso 3:19

Ken maammoan ti ayat ni Cristo, nga atiwenna ti amin a pannacaammo; tapno mapnocayo iti isu-amin a pannacapunno ti Dios.

Taga-Filipos 3:8

Nangnangrona pay, isu-amin dagiti banag ibilangco ida a pannacadadael, gapu iti napateg unay a pannacaammo ken Cristo Jesus, nga Apoc, a gapu kencuana pinucawco amin, ket ibilangco ida a rugit, tapno magun-odac ni Cristo,

2 Timoteo 1:12

Gapu met itoy sagabaec dagitoy a banag; nupay casta, saanac a mabain; ta ammoc daydiay pinatic, ket mapnecac unay nga isu mannacabalin a mangaywan iti intalecco kencuana a maipaay iti daydiay nga aldaw.

2 Timoteo 2:19

Nupay casta, ti cimiento ti Apo mataginayon a sititibker, nga adda kencuana daytoy a pagilasinan: Mailasin ti Apo dagiti tattao a cucuana, ket umadayuda coma iti kinadakes amin dagiti umawag iti nagan ti Apo.

1 Juan 5:20

Ket ammotayo a ti Anac ti Dios immay, ket iniccannatay ti pannacaawat, tapno mabigbigtayo daydiay a napudno; ket datayo agtaengtayo iti daydiay a napudno nga isu ni Anacna a Jesu-Cristo. Daytoy isu ti pudno a Dios ken ti biag nga agnanayon.

Paltiing 2:13

Siac ammoc no sadino ti pagnaedam, iti yan ti trono ni Satanas; ket taginayonem ti naganco, ket saanmo a naglicudan ti pammatic; uray cadagidi aldaw ni Antipas, daydi matalec a sacsic napapatay iti tengngayo, a pagbalayan ni Satanas.

Paltiing 2:19

Siac ammoc dagiti ar-aramidmo, ken ti ayatmo, ken ti pammatim, ken ti panagservim, ken ti kinaanusmo; ket ammoc a dagiti ar-aramidmo a naud-udi adaduda ngem dagidi immun-una.

Paltiing 2:2

Siac ammoc dagiti aramidmo, ken ti panagbannogmo ken ti anusmo; ken ti dica pannacaibtor cadagiti dakes a tattao, ket sinuutmo dagiti mangnagnagan cadagiti bagbagida nga apostol, ket saanda met nga apostol ket nasaracam ida a naulbod;

Paltiing 2:9

Siac ammoc ti rigatmo ken ti kinapanglawmo (ngem nabacnangca), ket ammoc ti kinasalawasaw dagiti agcuna nga Judioda, ngem saan met, no di ket isuda ti maysa a sinagoga ni Satanas.

Paltiing 3:1

Ket isuratmo iti angel ti Iglesia sadi Sardis Dagitoy: a banbanag cuna ti addaan cadagiti pito nga Espiritu ti Dios ken dagiti pito a bituen: Siac ammoc dagiti ar-aramidmo, a managananca sibibiag, ket natayca.

Paltiing 3:15

Siac ammoc dagiti ar-aramidmo, a saanca a nalamiis ket saanca met a napudot. Siac cayatco coma a nalamiisca wenno napudotca.

Paltiing 3:8

Siac ammoc dagiti ar-aramidmo: (adtoy, incabilco iti sangoanam ti maysa a ruangan a silulucat, isu nga awan ti macairikepto; ta adda bassit a pannacabalinmo, ket sinalimetmetam ti saoc, ket dica naglibacan ti naganco.