San Juan 10:11 - Ti Biblia (1973)

¹¹ Siac ti naimbag a pastor: ti naimbag a pastor itedna ti biagna gapu cadagiti carnerona.

Ti Baro a Naimbag a Damag Biblia

¹¹ “Siak ti naimbag a pastor. Ti naimbag a pastor itedna ti biagna nga agpaay kadagiti karnerona.

San Juan 10:11 Iomraidhean Croise

2 Samuel 24:17

Ket ni David nagsao idi ken Jehova idi a makitana ti angel a mangcabil idi iti umili, ket kinunana, Adtoy, nacabasolac, siac nagaramidac a sidadangcoc; ngem dagitoy a carnero ania ti inaramidda? Agdawatac kenca, a palubosam coma ta imam a maibusor coma caniac, ken maibusor iti balay ni amac.

Dagiti Salmo 23:1

Ni Jehova isu ti pastorco; awanto ti pagcurangac.

Dagiti Salmo 80:1

Timudem, O Pastor ti Israel, sica a mangiturong ken Jose a cas maysa a pangen; sica nga agtugaw iti rimbaw dagiti querubin, agraniagca cadi.

Isaias 40:11

Pagarabennanto ti arbanna a cas la maysa nga agpaspastor, urnongennanto dagiti cordero iti tackiagna, ken awitenna ida iti barucongna, ket idalannanto a nainayad dagiti adda urbonda.

Isaias 53:6

Datayo amin castayla carcarnero a nayawawan; nagturong ti tunggal maysa cadatayo iti dalanna met laeng; ket ni Jehova impatayna kencuana ti kinadakestayo amin.

Ezekiel 34:2

Anac ti tao, agipadtoca a maibusor cadagiti papastor ti Israel, agipadtoca, ket cunaem cadacuada, cadagiti met laeng papastor, Castoy ti cuna ni Apo Jehova: Asi pay dagiti papastor ti Israel nga pacanenda dagiti bagida met laeng! dagiti papastor saanda coma aya a pacanen dagiti carnero?

Ezekiel 34:23

Ket bangonecto ti maysa a pastor cadacuada, ket pacanennanto ida, nga isu ni adipenco a David; pacanennanto ida, ket isunto ti pastorda.

Ezekiel 37:24

Ket ni adipenco a David agarinto cadacuada; ket isuda amin addanto maymaysa a pastorda: magnadanto met cadagiti bilbilinco, ket tungpalenda dagiti linlintegco, ket aramidenda ida.

Mikias 5:4

Ket isu tumacderto, ket taraonannanto ti pangenna iti pigsa ni Jehova, iti dayag ti nagan ni Jehova a Diosna: ket mataginayondanto: ta iti casta isu dackelto agingga cadagiti pungto ti daga.

Zacarias 13:7

Agriingca, O campilan, a maibusor iti pastorco, ken maibusor iti lalaki a caduac, cuna ni Jehova dagiti buybuyot: sugatem ti pastor, ket dagiti carneroc mawarawaradanto; ket siac idissocto ti imac cadagiti babassit.

San Mateo 20:28

A cas met ti Anac ti tao saan nga immay tapno parservian, no di ket tapno agservi ken itedna ti biagna, a maysa a subbot cadagiti adu.

San Juan 10:2

Ngem ti sumrec iti ruangan, isu ti pastor dagiti carnero.

San Juan 15:13

Awan ti addaan dacdackel nga ayat ngem daytoy: ti mangted ti biagna gapu cadagiti gagayyemna.

Taga-Efeso 5:2

Ket magnacayo babaen ti ayat, a cas met ni Cristo inayatnacayo ket intedna ti bagina gapu cadatayo cas sagut ken daton, a nasayamosom ti banglona iti Dios.

Tito 2:14

Isu nga inyawatna ti bagina gapu cadatayo, tapno subbotennatay iti amin a kinadakes ken manggugur a maipaay kencuana met laeng ti maysa nga ili a cucuana, a naregta cadagiti naimbag nga ar-aramid.

Hebreo 13:20

Ket ti Dios ti talna, a nangisubli manipud cadagiti natay iti dackel a pastor dagiti carnero, ni Apotayo a Jesus, gapu iti dara ti agnanayon a tulag,

1 Pedro 5:4

Ket inton maipanayag ti catan-ocan a Pastor, awatenyonto ti balangat a nagloriaan a di agrupsa.

1 Juan 3:16

Itoy ti pacaammoantayo iti ayat agsipud ta isu intedna ti biagna a maipaay cadatayo; ket datayo rebbengtay nga ited dagiti biagtayo a maipaay cadagiti cacabsat.

Paltiing 7:17

Ta ti Cordero nga adda iti tengnga, ti trono, ipastorannanto ida, ket iturongnanto ida cadagiti ubbog ti danum ti biag ket punasento ti Dios ti amin a lulua cadagiti matada.