San Juan 10:10 - Ti Biblia (1973)

¹⁰ Ti mannanacaw saan nga umay no di tapno agtacaw, ken agpatay, ken agdadael: siac immayac tapno maaddaanda ti biag ken tapno maaddaanda ti nawadwad unay.

Ti Baro a Naimbag a Damag Biblia

¹⁰ Umay ti tulisan tapno agtakaw, agpapatay ken agdadael. Immayak tapno maaddaankay iti biag—biag nga awan pagkuranganna.

San Juan 10:10 Iomraidhean Croise

Isaias 56:11

Wen, dagiti as-aso nabuclisda, uray caano dida mapmapnec ket dagitoy isuda dagiti paspastor a dida macaawat: isuda amin nagbawingda nga agturong iti dalanda met laeng, tunggal maysa iti paggungunaanna, isuda amin.

Oseas 7:1

Idi nga agasac coma ti Israel, nalucaisan ti kinadakes ti Efraim; ken ti kinadakes ti Samaria; ta agaramidda iti ulbod, ket ti mannanacaw sumrec, ken ti pangen dagiti tulisan agsamsamda iti ruar.

San Mateo 18:10

Kitaenyo ta dicay umsien ti maysa cadagitoy babassit nga ubbing, ta cunac cadacayo a dagiti angelda sadi langit agnanayon a makitada ti langa ni Amac nga adda sadi langit.

San Mateo 18:11

Ta ti Anac ti tao immay tapno isalacanna ti napucawen.

San Mateo 20:28

A cas met ti Anac ti tao saan nga immay tapno parservian, no di ket tapno agservi ken itedna ti biagna, a maysa a subbot cadagiti adu.

San Mateo 21:13

Ket cunana cadacuada: Adda a naisurat: Ti balayco managanto, balay ti cararag; Ngem dacayo aramidenyo nga rukib dagiti mannanacaw.

San Mateo 23:13

Ngem, asicayo pay escriba ken Fariseo, a managinsisingpet! ta punitanyo ti pagarian ti langit a maicaniwas cadagiti tattao; ta dicay sumrec ket dagiti mapan sumrec, dicay palubosan ida.

San Marcos 11:17

Ket insurona ida, a cuncunana: Saan aya a naisurat: Ti balayco managananto Balay ti cararag a maipaay cadagiti amin a nacion? ngem dacayo inaramidyo a rukib dagiti mannanacaw.

San Lucas 19:10

Ta toy Anac ti tao immay nga agsapul ken mangisalacan iti napucaw.

San Juan 10:1

Pudno, pudno, cunac cadacayo, ti saan a sumrec iti ruangan ti pacayaponan dagiti carnero, no di ket cumalay-at iti sabali a dalanan isu met laeng ti mannanacaw ken tulisan.

San Juan 10:11

Siac ti naimbag a pastor: ti naimbag a pastor itedna ti biagna gapu cadagiti carnerona.

San Juan 12:47

Ket no ti siasinoman a tao dumngeg cadagiti saoc ket dina tungpalen ida, saan a siac ti mangocom kencuana; ta saanac nga immay tapno mangocom iti lubong, no di ket tapno mangisalacan iti lubong.

San Juan 12:6

Ngem kinunana daytoy, saan a gapu ta isakitna dagiti napanglaw, no di ket gapu ta mannanacaw, ket agsipud ta isu ti agiggem ti supot, innalana dagiti naipisoc.

San Juan 3:17

Ta saan nga imbaon ti Dios ti Anacna iti lubong, a mangocom iti lubong; no di ket tapno ti lubong, maisalacan gapu kencuana.

San Juan 5:40

Ket nupay casta madicayo nga umay caniac, tapno maaddaancayo coma ti biag.

San Juan 6:33

Ta ti tinapay ti Dios isu dayta bumaba manipud langit ket mangted ti biag iti lubong.

San Juan 6:51

Siac ti tinapay a sibibiag a bimmaba nanipud langit: no adda mangan itoy a tinapay, agbiagto nga agnanayon, ket ti tinapay nga itdecto, a pacabiagan ti lubong isu ti lasagco.

Taga-Roma 2:21

Sica ngarud a mangisuro iti sabali, saanmo aya nga isuro ti bagim met laeng? sica nga iwarragawagmo a di rebbeng ti agtacaw, agtacawca aya?

1 Timoteo 1:15

Papatien daytoy a sao, ket maiparbeng nga awaten dagiti isu-amin, a ni Cristo Jesus immay ditoy lubong tapno isalacanna dagiti managbasol; ket siac ti cangronaan cadacuada:

Hebreo 6:17

Gapuna, idinto a cayat ti Dios nga ipakita a nalawlawag pay cadagiti agtawid iti cari, ti kinatibker ti panggepna imbal-laetna ti maysa a sapata;

Hebreo 7:25

Gapuna, mabalinna met nga isalacan agingga iti awan pagcuranganna dagiti umasideg iti Dios gapu kencuana, ta isu agbiag nga agnanayon tapno ibabaetna ida.

2 Pedro 1:11

Ta iti castoy maaddaancayto ti nabacnang unay nga iseserrec iti agnanayon a pagarian ni Apotayo ken Manangisalacan a Jesu-Cristo.