San Juan 1:51 - Ti Biblia (1973)

⁵¹ Ket cunana kencuana: Pudno, pudno cunac cadacayo; makitayonto ti langit a silulucat, ken dagiti angel ti Dios nga umuli ken bumaba itoy Anac ti tao.

Ti Baro a Naimbag a Damag Biblia

⁵¹ Ket kinunana kadakuada, “Ibagak kadakayo ti pudno: makitayonto nga aglukat ti langit ken dagiti angheles ti Dios nga umuli-umulog iti ayan ti Anak ti Tao.”

San Juan 1:51 Iomraidhean Croise

Genesis 28:12

Ket nagtagainep; ket, adtoy, maysa nga agdan naipatacder iti daga, ket ti murdongsa tumucno sadi langit; ket, adtoy, dagiti an-angel ti Dios nga umululida ken bumabbabada kencuana.

Ezekiel 1:1

Ket naaramid idi maicatlopulo a tawen, iti bulan a maicapat, iti maicalima nga aldaw ti bulan, idi addaac cadagiti nacayawan iti denna ti carayan a Kebar, a dagiti langlangit naluctanda, ket nakitac dagiti sirmata ti Dios.

Zacarias 13:7

Agriingca, O campilan, a maibusor iti pastorco, ken maibusor iti lalaki a caduac, cuna ni Jehova dagiti buybuyot: sugatem ti pastor, ket dagiti carneroc mawarawaradanto; ket siac idissocto ti imac cadagiti babassit.

San Mateo 25:31

Ngem intono ti Anac ti tao umayto agraman iti dayagna, ken amin dagiti angel maicuyog kencuana, isu ti panagtugawnanto iti trono ti gloriana.

San Mateo 26:24

Toy anac ti tao mapan a pudno cas iti adda a naisurat kencuana: ngem, asi pay dayta tao a gapu kencuana maiyawatto toy Anac ti tao! naimbag coma iti dayta a tao no saan coma a nayanac.

San Mateo 3:16

Ket ni Jesus, idi nalpas a nabautizaran, dagus a simmang-at nanipud iti danum; ket adtoy; dagiti langlangit nalucatanda kencuana, ket nakitana ti Espiritu ti Dios a bumabbaba a cas la calapati ket umumay kencuana.

San Mateo 4:11

Idin di diablo pinanawannan; ket adtoy, dagiti angel dimtengda ket nagservida kencuana.

San Mateo 8:20

Ket ni Jesus cunana kencuana: Dagiti musang addaanda cadagiti rucrukib, ket dagiti tumatayab iti tangatang addaanda cadagiti umumoc; ngem ti Anac ti tao awanan iti pangisaadanna ti ulona.

San Mateo 9:6

Ngem tapno maammoanyo a ti Anac ti tao adda pannacabalinna ditoy daga a mamacawan cadagiti basbasol, (idin cunana iti saan a macagunay:) Bumangonca, alaem ta iddam, ket inca idiay balaymo.

San Marcos 1:10

Ket apaman, nga idi sumangsang-at nanipud iti danum, nakitana a naglucat dagiti langlangit, ken ti Espiritu a cas la calapati a bumabbaba kencuana.

San Marcos 14:62

Ni Jesus kinunana kencuana: Siac; ket makitayonto ti Anac ti tao nga agtutugaw iti macanawan ti mannacabalin, ken umay agraman dagiti ulep ti langit.

San Lucas 2:13

Ket naigiddato nga adda a naicuyog idi angel ti maysa a dackel a bonggoy dagiti nailangitan nga buybuyot, a nagdaydayaw iti Dios, ket cuncunada.

San Lucas 2:9

Ket ti maysa nga angel ti Apo nactacder iti arpadda, ket ti dayag ti Apo linicmutna ida ti raniag; ket nagbutengda unay.

San Lucas 22:43

Ket nagparang ti maysa nga angel ti langit a nangpabileg kencuana.

San Lucas 22:69

Ngem manipud ita ti Anac ti tao agtugawto iti macanawan ti pannacabalin ti Dios.

San Lucas 24:4

Ket naaramid, nga idi addada a silalagaw gapu itoy, adtoy a nagsardeng iti dinnada dagiti dua a lallaki a nagcawes ti macapurar:

San Lucas 3:21

Ket naaramid, nga idi nabautizaran dagiti amin a tattao, ni Jesus nabautizaran met, ket idi nga agcarcararag, ti langit naglucat,

San Juan 1:50

Simmungbat ni Jesus ket kinunana kencuana: Gapu ta kinunac kenca: Nakitaca iti siroc ti cayo nga higos, mamatica? Banbanag a daddadackel ngem dagitoy ti makitamto.

San Juan 10:1

Pudno, pudno, cunac cadacayo, ti saan a sumrec iti ruangan ti pacayaponan dagiti carnero, no di ket cumalay-at iti sabali a dalanan isu met laeng ti mannanacaw ken tulisan.

San Juan 10:7

Kinuna manen, ngarud ni Jesus cadacuada; Pudno, pudno cunac cadacayo, siac ti ruangan dagiti carnero.

San Juan 13:16

Pudno, pudno cunac cadacayo: ti adipen saan a dacdackel ngem iti apona, ket saan met a dacdackel ti maysa a naibaon ngem iti nangibaon kencuana.

San Juan 13:38

Simmungbat ni Jesus: Itedmonto ti biagmo gapu caniac? Pudno, pudno cunac kenca, saanto pay nga agtaraoc ti cawitan namitlonton nga nailibacnac.

San Juan 14:12

Pudno, pudno, cunac cadacayo, ti mamati caniac, dagiti aramid nga aramidec, aramidennanto met, ket dacdackelto pay ngem dagitoy ti aramidenna, ta innac ken Ama.

San Juan 16:20

Pudno, pudno, cunac cadacayo nga agsangitcayto ket agsainneccayto; ngem ti lubong agragsacto: Naladingitcayto, ngem ti ladingityo agbalinto a rag-o.

San Juan 16:23

Ket iti dayta nga aldaw awanto ti intuudenyo caniac. Pudno, pudno, cunac cadacayo: Nga amin a dawatenyonto ken Ama iti naganco itdennanto cadacayo,

San Juan 21:18

Pudno, pudno, cunac kenca, idi ubingca agbarikesca ket magmagnaca idi iti cayatmo; ngem inton lacaycan, unnatemto dagiti imimam ket baricsannacanto ti sabali, ket ipannacanto iti dica cayat.

San Juan 3:3

Simmungbat ni Jesus, ket kinunana kencuana: Pudno, pudno, cunac kenca, no ti maysa a tao saan a mayanac a mabaliwan, saanna a mabalin a kitaen ti pagarian ti Dios.

San Juan 3:5

Simmungbat ni Jesus: Pudno, pudno, cunac kenca, no ti maysa saan a mayanac iti danum ken iti Espiritu, saanna a mabalin ti sumrec iti pagarian ti Dios.

San Juan 5:19

Simmungbat ngarud ni Jesus ket kinunana cadacuada: Pudno, pudno cunac cadacayo: Ti Anac saanna a mabalinan ti agbucbucod nga agaramid iti uray ania no di ket ti makitana nga aramiden ti Ama, ta amin nga aramiden ti Ama dagitoy ti Anac aramidenna met a casta.

San Juan 5:27

Ket intedna met kencuana ti kinaturay a mangocom, agsipud ta isu Anac ti tao.

San Juan 6:26

Ni Jesus simmungbat cadacuada, ket kinunana: Pudno, pudno, cunac cadacayo: Sapulendac, saan a gapu ta nacakitacayo cadagiti pagilasinan, no di ket gapu ta nangancayo cadagiti tinapay ket nabsogcayo.

San Juan 6:32

Ni Jesus ngarud kinunana cadacuada: Pudno, pudno, cunac cadacayo; Saan a ni Moises ti nangted cadacayo ti tinapay a nailangitan; no di ket ni Amac itedna cadacayo ti pudno a tinapay nga aggapu sadi langit.

San Juan 6:47

Pudno, pudno, cunac cadacayo: Ti mamati, caniac addaan biag nga agnanayon.

San Juan 6:53

Ni Jesus ngarud kinunana cadacuada: Pudno, pudno; cunac cadacayo no saancayo a mangan iti lasag ti Anac ti tao, ken uminum iti darana, awanancayo iti biag.

San Juan 8:34

Ni Jesus simmungbat cadacuada: Pudno, pudno, cunac cadacayo nga amin nga agaramid iti basol, tagabu ti basol.

San Juan 8:51

Pudno, pudno, cunac cadacayo: No adda mangsalimetmet iti saoc, saannanto a makita ni patay uray caano.

San Juan 8:58

Kinuna cadacuada ni Jesus: Pudno, pudno, cunac cadacayo, idi casangoanan ti pannacayanac ni Abraham, addaacon.

Dagiti Aramid 10:11

Ket makitana ti langit a silulucat ken bimmaba ti maysa a bungon a cas la maysa a dackel a lupot, nga idinto a sibibitin cadagiti uppat a pingirna, bumaba iti daga;

Dagiti Aramid 7:56

Ket kinunana: Adtoy, a kitkitaec dagiti langit a silulucat ken ti Anac ti tao nga agtatacder iti macanawan ti Dios.

2 Taga-Tesalonica 1:7

Ket dacayo a maparparigat, aginanacayo a mairaman cadacami, intono maiparangarang ni Apo Jesus, nga aggapu sadi langit, agraman cadagiti angelna cadagiti darang ti apuy.

2 Taga-Tesalonica 1:9

Isuda madusadanto iti agnanayon a pannacapucaw a maisinada iti sangoanan ti Apo ken ti dayag ti pannacabalinna,

1 Timoteo 3:16

Ket awan duadua, dackel ti palimed ti kinasanto: Daydi naiparang iti lasag, Napanecnecan iti espiritu, Nakita dagiti angel, Naicascasaba cadagiti nacion, Napapati ditoy lubong, Naipangato sadi gloria.

Hebreo 1:14

Saanda aya nga espiritu amin nga agservida a maibabaon tapno agserservi a maipaay iti paglaingan dagiti agtawidto iti pannacaisalacan?

San Judas 1:14

Ket cadagitoy met impadto ni Enoc, daydi maicapito nanipud ken Adam, a kinunana: Adtoy nga immay ti Apo, a cuyugen dagiti linaclacsa a sasantona,

Paltiing 19:11

Ket nakitac ti langit a silulucat; ket adtoy ti maysa a cabayo a puraw, ket daydi nagsacay kencuana, managan idi ti Matalec ken Napudno; ket maipuon iti kinalinteg mangocom ken agaramid iti gubat.

Paltiing 4:1

Calpasan dagitoy, kimmitaac, ket adtoy, maysa a ruangan, a naluctan idiay langit, ket ti umuna a timec a nangngegco, a cas la uni ti tangguyob, a nakisasao caniac, a cuncunana; Umulica ditoy; ket iparangconto kenca dagiti banbanag a mapasamacto iti masacbayan.