San Juan 1:45 - Ti Biblia (1973)

⁴⁵ Ni Felipe sapulenna ni Natanael, ket cunana kencuana: Nasaracanmi daydi insurat ni Moises iti linteg, ken dagiti mammadto: Ni Jesus, a taga Nazaret nga anac ni Jose.

Ti Baro a Naimbag a Damag Biblia

⁴⁵ Nasarakan ni Felipe ni Natanael ket kinunana kenkuana, “Nasapulanmi ti tao a sinarita ni Moises iti libro ti Linteg, ken dagiti Profeta. Isu ni Jesus a taga-Nazaret nga anak ni Jose.”

San Juan 1:45 Iomraidhean Croise

Genesis 22:18

Ket iti putotmo mabendicionanto isu-amin dagiti nasnacion ti daga; agsipud ta tinungpalmo ti timecco.

Genesis 3:15

Ket Siac pagginnuraencayto iti babai, ken ti caputotam ken ti caputotanna: daytoy sugatennanto ta olom, ket sica sugatemto ti mucodna.

Genesis 49:10

Dinto umadayo ti cetro ken Juda, Uray ti sarucod ti agturay di umadayo iti baet dagiti sacsacana, Agingga iti di umay ni Mamagcacappia; ket isu ti tulnoganto dagiti il-ili.

Isaias 4:2

Iti dayta nga aldaw ti saringit ni Jehova nasayaatto ken nadayag, ket ti bunga ti daga mangnibinibinto ken nataerto unay a maipaay cadagiti nailiclic iti Israel.

Isaias 53:2

Ta isu dimmackel iti sangoananna a cas maysa a naganus a mula, ken cas maysa a ramut nga agtaud iti namaga a daga: isu awan ti buyana wenno sayaatna; ket no isu makitatayo, awan ti kinaimnasna, tapno tarigagayantayo coma.

Isaias 7:14

Gapuna a ti Apo met laeng iccannacayonto iti maysa a pagilasinan: adtoy, a maysa a virgen agsicogto, ken mangipasngayto iti maysa nga anac a lalaki, ket maigaladto iti naganna nga Emmanuel.

Isaias 9:6

Ta nayanac ti maysa nga ubing cadatayo, maysa nga anac a lalaki ti naited cadatayo; ket ti panangituray maiparabawto iti abagana: ket ti naganna magaladanto iti Nacascasdaaw, Mamagbaga, Mannacabalin a Dios, Agnanayon nga Ama, Principe ti Cappia.

Mikias 5:2

Ngem sica, Belen Efrata, sica a bassitca cadagiti rinibribu ti Juda, kenca rumuarto ti maysa nga umay caniac nga agbalin nga agturay iti Israel; a dagiti iruruarna nanipudda idi ugma, nanipud iti kinaagnanayon.

Zacarias 6:12

Ket agsaoca kencuana, a cunam, Castoy ti sinao ni Jehova dagiti buybuyot, a cunana, Adtoy, ti tao, a ti naganna Saringit: ket isu dumackelto manipud iti dissona; ket isu bangonennanto ti templo ni Jehova;

Zacarias 9:9

Agragsacca la unay, O babai nga anac ti Sion; dumir-ica, O anac a babai ti Jerusalem: adtoy; ti arim umay kenca; isu nalinteg, ken addaan panangisalacan; napacumbaba, ket agsakay iti maysa nga asno, iti rabaw met laeng ti maysa nga urbon ti asna.

San Mateo 10:3

Ni Felipe, ken ni Bartolome; ni Tomas ken ni Mateo nga agsingsingir ti buis; ni Santiago, nga anac ni Alfeo, ken ni Tadeo;

San Mateo 13:55

Saan nga isu daytoy ti anac daydi al-lawagi? Saan a managan ni inana ti Maria ket dagiti cacabsatna Santiago, ken Jose, ken Simon, ken Judas?

San Mateo 2:23

Ket immay, ket nagnaed idiay ili a managan Nazaret: tapno matungpal ti sinao dagiti mammadto, a managanto ti Nazareno.

San Mateo 21:11

Ket dagiti adu a tattao kinunada: Daytoy isu ni Jesus, ti mammadto, a taga Nazaret sadi Galilea.

San Marcos 14:67

Ket idi makitana ni Pedro nga agin-inudo, minatmatanna, ket kinunana: Ket sica met makicuycuyogca idi ken Jesus Nazareno.

San Marcos 6:3

Saan aya nga daytoy ti al-lawagi, nga anac ni Maria, cabsat ni Santiago, ken ni Jose, ken ni Judas ken ni Simon? ket awan aya cadatay ditoy dagiti cacabsatna a babbai? Ket malucsawda idi kencuana.

San Lucas 18:37

Ket impacaammoda kencuana a lumablabas ni Jesus a Nazareno.

San Lucas 2:4

Ket ni Jose naggapu idiay Galilea iti ili a Nazaret, simmang-at met sadi Judea, idiay ili ni David, a managan Bet-lehem, gapu ta nagtaud iti balay ken caputotan ni David;

San Lucas 2:48

Ket idi nakitadan, nagsiddaawda, ket kinuna kencuana ni inana; Anac, apayapay a casta ti inaramidmo cadacami? Adtoy ni amam ken siac silaladingitcami a nagsapsapul kenca.

San Lucas 24:27

Ket idinto a rinugianna manipud ken Moises ken dagiti isu-amin a mammadto, impalawagna cadacuada dagiti amin a sursurat a mangsarita iti maipapan kencuana.

San Lucas 24:44

Ket kinunana cadacuada: Dagitoy dagiti sao nga insaoc cadacayo, idi addaac pay laeng cadacayo: A masapul a matungpal dagiti isu-amin a banag a naisurat a maipapan caniac iti Linteg ni Moises, ken cadagiti mammadto ken cadagiti Salmos.

San Lucas 3:23

Ket ni Jesus met laeng, idi nangrugi iti trabajona agtawen ti cas tal-lopulo, ket (cas impagarupda idi) anac ni Jose, anac ni Eli,

San Lucas 4:22

Ket pinanecnecanda amin ket nasdaawda cadagiti sao a natalunggadingan a nagtaud iti ngiwatna, ket cuncunada: Saan nga isu daytoy ti anac ni Jose?

San Juan 1:44

Ket ni Felipe taga Betsaida, ili ni Andres ken ni Pedro.

San Juan 12:21

Dagitoy ngarud immayda ken Felipe, a taga Betsaida ti Galilea, ket nagdawatda a cuncunada kencuana: Apo, cayatmi coma a kitaen ni Jesus.

San Juan 14:8

Cuna kencuana ni Felipe: Apo, ipakitam cadacami ti Ama, ket umanayen cadacami.

San Juan 18:5

Simmungbatda kencuana: ni Jesus a Nazareno. Cuna cadacuada ni Jesus: Siac. Ket sitatacder met a naicuyog cadacuada ni Judas, a nangliput kencuana.

San Juan 18:7

Inintuudna manen ngarud cadacuada: Siasino ti birukenyo? Ket kinunada: Ni Jesus a Nazareno.

San Juan 19:19

Ket insurat met ni Pilato ti maysa a galad, ket incabilna iti oloan ti cruz: ket ti naisurat castoy: NI JESUS A NAZARENO, ARI DAGITI JUDIO.

San Juan 21:2

Addada idi a nagtitipon da Simon Pedro ken ni Tomas, a managan ti Didimo, ken ni Natanael a taga Cana ti Galilea, ken dagiti annac ni Zebedeo ken dua a sabali cadagiti adalanna.

San Juan 6:42

Ket kinunada: Saan aya a daytoy Jesus ti anac ni Jose, a da ama ken inana amammotayo? Casano ita ti panagcunana: Nanipud langit immulogac?

San Juan 6:5

Ni Jesus ngarud, idi intannawagna dagiti matana, ket makitana nga umay kencuana ti adu a tao, cunana ken Felipe: Adino ti gatangantayo ti tinapay tapno macapangan dagitoy?

San Juan 6:7

Simmungbat kencuana ni Felipe: Dua gasut a denario a tinapay saan nga umanay cadacuada, tapno tunggal maysa cadacuada macapangan bassit.

Dagiti Aramid 10:38

A maipapan ken Jesus a taga Nazaret no casano ti panangconsagrar ti Dios kencuana nga iniccanna ti Espiritu Santo ken ti pannacabalin; isu a namagpagna a nagararamid ti naimbag: ket inag-agasanna amin dagiti pinarparigat ti sairo, ta ti Dios adda kencuana.

Dagiti Aramid 2:22

O lallaki nga Israelitas: denggenyo dagitoy a sao: Ni Jesus a taga Nazaret, lalaki a pinanecnecan ti Dios cadacayo cadagiti pannacabalin ken nacascasdaaw ken cadagiti pagilasinan nga inaramid ti Dios gapu kencuana iti nagtengngaanyo, a cas ammoyo met;

Dagiti Aramid 22:8

Ket simmungbatac: Asinoca, Apo? Ket kinunana caniac: Siac ni Jesus a taga Nazaret, nga idadanesmo.

Dagiti Aramid 26:9

Siac kinapudnona a napanunotco idi nga adu ti banag a rebbengco nga aramiden a maicaniwas iti nagan ni Jesus a taga Nazaret.

Dagiti Aramid 3:6

Ket ni Pedro kinunana: Awan caniac ti pirac uray balitoc; ngem ti adda caniac, isu ti itdec kenca: iti nagan ni Jesu-Cristo a taga Nazaret, magnaca.