San Juan 1:34 - Ti Biblia (1973)

³⁴ Ket siac nakitac ket pinanecnecac a daytoy ti Anac ti Dios.

Ti Baro a Naimbag a Damag Biblia

³⁴ Wen, nakitakon daytoy, ket paneknekak kadakayo nga isu ti Anak ti Dios.”

San Juan 1:34 Iomraidhean Croise

Dagiti Salmo 2:7

Siac ibagacto ti maipapan iti bilin: ni Jehova kinunana caniac, Sica ti anacco; daytoy nga aldaw siac pinutotca.

San Mateo 11:27

Amin dagiti banag inyawat caniac ni Amac; ket awan ti macaamammo iti Anac no saan a ti Ama; ket awan met ti macaamammo iti Ama, no saan a ti Anac, ken daydiay cayat a pangipaltiinganto ti Anac.

San Mateo 16:16

Ket simmungbat ni Simon Pedro, ket kinunana: Sica ti Cristo, ti Anac ti Dios a sabibiag.

San Mateo 17:5

Idi agsasao pay laeng, adtoy, ti maysa nga ulep a naraniag a lininunganna ida; ket adtoy ti maysa a timec iti ulep a kinunana: Daytoy isu ti Anacco a dungdungoec, isu a pacaayaywac: isu ti denggenyo.

San Mateo 26:63

Ngem ni Jesus saan a naguni. Idin daydi cangatoan a padi kinunana kencuana: Isapatam, gapu iti Dios a sibibiag, nga ibagam cadacami, no sica ti Cristo nga Anac ti Dios.

San Mateo 27:40

Ket cuncunada: Sica a rebbaem ti Templo, ket iti tal-lo nga aldaw bangonem manen, isalacanmo ta bagim. No Anacnaca ti Dios, umulogca dita cruz.

San Mateo 27:43

Manginanama iti Dios; isu ti mangisalacan coma kencuana ita, no ayatenna; ta sinaona: Anacnac ti Dios.

San Mateo 27:54

Daydi centurion ngarud, ken dagiti naicuyog kencuana nga nagbanbantay ken Jesus, idi nakitada daydi gingined ken dagiti naaramid, nagbutengda iti dackel unay, a cuncunada: Pudno nga Anac ti Dios daytoy.

San Mateo 3:17

Ket adtoy ti maysa a timec a nanipud cadagiti langlangit a cuncunana: Daytoy ti Anacco a dungdungngoec, Isu a pacapnecac unay kencuana.

San Mateo 4:3

Ket immay Kencuana ti mannulisog ket kinunana kencuana: No sica ti Anac ti Dios, ibilinmo a dagitoy bato agbalinda a tinapay.

San Mateo 4:6

Ket kinunana kencuana: No sica ti Anac ti Dios, tumappuacca manipud ditoy aginga iti baba; ta adda a naisurat: Isu ibilinnanto cadagiti angelna ti maipapan kenca, ket sacruyendacanto cadagiti imimada, amangan la ket ta maitibcol ta sacam iti bato.

San Mateo 8:29

Ket adtoy, nagickisda a cuncunada: Sica Anac ti Dios. Ania tibibiangmi kenca? Immayca ditoy tapno parigatennacami iti dina pay tiempo?

San Marcos 1:1

Pangrugian ti evangelio ni Jesu-Cristo, Anac ti Dios.

San Marcos 1:11

Ket nangngeg ti maysa a timec nanipud langit: Sica ti dungdungngoec nga Anac; maayayoac unay kenca.

San Lucas 1:35

Ket simmungbat di angel a nagcuna kencuana: Ti Espiritu Santo umayto kenca, ket ti pannacabalin ti Cangatoan salinungannacanto; gapuna met a ti Santo a mayanacto kenca managanto Anac ti Dios.

San Lucas 3:22

Ket bimmaba kencuana ti Espiritu Santo a nasimbubukel a cas la calapati, ket nangngeg ti maysa a timec ti langit: Sica ti Anacco a dungdungoen, maayayoac unay kenca:

San Juan 1:18

Awan ti nacakita iti Dios uray caano: ti Bugbugtong nga Anac, nga adda iti saclot ti Ama, isu ti nangipacaammo kencuana.

San Juan 1:49

Ni Natanael simmungbat kencuana: Rabbi, sica ti Anac ti Dios; sica ti Ari ti Israel.

San Juan 10:30

Siac ken ti Ama maymaysacami.

San Juan 10:36

Cunaenyo iti pinagsanto ti Ama, ken imbaonna ditoy lubong; agtabbaawca; agsipud ta kinunac: Siac ti Anac ti Dios?

San Juan 11:27

Cunana kencuana: Wen, Apo; siac pinatic a sica ti Cristo, ti Anac ti Dios, nga umay ditoy lubong.

San Juan 19:7

Simmungbat kencuana dagiti Judio: Adda maysa a lintegmi, ket gapu iti dayta a linteg rebbengna ti matay, ta inaramidna ti bagina nga Anac ti Dios.

San Juan 20:28

Simmungbat ni Tomas, ket kinunana kencuana: Apoc ken Diosco.

San Juan 20:31

Ngem dagitoy addada a naisurat, tapno patienyo a ni Jesus isu ti Cristo, ti Anac ti Dios; ken tapno gapu iti pammatiyo maaddaancayo ti biag iti naganna.

San Juan 6:69

Ket dacami namaticami ket naammoanmi a sica ti Santo ti Dios.

Taga-Roma 1:4

Isu naipakita nga Anac ti Dios, gapu iti pannacabalinna, a mayannurot iti espiritu ti kinasanto, gapu iti panagungarna cadagiti natay; ni Jesu-Cristo nga Apotayo.

2 Taga-Corinto 1:19

Ta ti Anac ti Dios, ni Jesu-Cristo, daydi incascasabami cadacayo, dacami cada Silvano ken Timoteo, saan nga isu ti Wen ken Saan, no di ket adda kencuana ti Wen.

Hebreo 7:3

Awan amana, awan inana, awan ti capuonan ket awan ti pangrugian dagiti al-aldawna, wenno tungpal ti biagna, ngem naaramid nga umasping iti Anac ti Dios, agtaeng a padi iti agnanayon.

1 Juan 2:23

Siasinoman a mangilibac iti Anac, awan met ti Ama kencuana: ti mangipudno iti Anac, adda met kencuana ti Ama.

1 Juan 3:8

Ti agaramid iti basol cucua ti diablo, ta nanipud idi damo, ti diablo agbasbasol. Gapu itoy a panggep naiparangarang ti Anac ti Dios, tapno pucawenna dagiti ar-aramid ti diablo.

1 Juan 4:9

Daytoy ti nacaiparangarangan ti ayat ti Dios cadatayo, nga imbaon ti Dios ti Anacna a bugbugtong ditoy lubong, tapno agbiagtayo gapu kencuana.

1 Juan 5:20

Ket ammotayo a ti Anac ti Dios immay, ket iniccannatay ti pannacaawat, tapno mabigbigtayo daydiay a napudno; ket datayo agtaengtayo iti daydiay a napudno nga isu ni Anacna a Jesu-Cristo. Daytoy isu ti pudno a Dios ken ti biag nga agnanayon.

2 Juan 1:9

Siasinoman a gumundaway ket saan nga agtalinaed iti sursuro ni Cristo, awan ti Dios kencuana: ti agtalinaed iti sursuro, isu met laeng adda kencuana ti Ama ken ti Anac.

Paltiing 2:18

Ket isuratmo iti angel ti Iglesia sadi Tiatira: Dagitoy a banbanag cuna ti Anac ti Dios, isu nga adda matana a cas la darang ti apuy, ket dagiti sacsacana cas la bronce a napasileng: