San Juan 1:29 - Ti Biblia (1973)

²⁹ Iti sumuno nga aldaw makitana ni Jesus nga umay kencuana, ket cunana: Adtoy, ti Cordero ti Dios, a mangiccat ti basol ti lubong!

Ti Baro a Naimbag a Damag Biblia

²⁹ Iti sumuno nga aldaw, nakita ni Juan nga agturong ni Jesus iti yanna. “Daytoy ti Kordero ti Dios a mangikkat iti basol ti lubong!” kinuna ni Juan.

San Juan 1:29 Iomraidhean Croise

Exodo 28:38

Ket agyanto iti muging ni Aaron, ket ni Aaron awitennanto ti nagdacsan, dagiti nasantoan a banbanag, a pasantoento dagiti annac ti Israel cadagiti amin nga datdatonda a nasantoan; ket agyanto iti mugingna a cancanayon, tapno maipategda iti saclang ni Jehova.

Isaias 53:10

Nupay casta naay-ayo ni Jehova iti pinangpalitemna kencuana; isu pinalidayna: intono aramidem ti cararuana a maysa a daton a gapu iti basol, makitananto ti caputotanna, paatiddugennanto dagiti al-aldawna, ket ti pagayatan ni Jehova rumang-ayto itiimana.

Isaias 53:11

Makitananto ti panagrigat ti cararuana, ket mapnecto; gapu iti pannacaammo kencuana met laeng ti nalinteg nga adipenco palintegennanto dagiti adu; ken isu awitennanto dagiti kinadangkesda.

Isaias 53:7

Isu naparigat, nupay idi napagsagaba dina nginanga ti ngiwatna; cas maysa a cordero a maiturong iti pagpartian, ken cas maysa a carnero a nagumel iti sangoanan dagiti mangpukis kencuana, casta dina innganga ti ngiwatna.

Oseas 14:2

Icuyogyo dagiti sasao, ket agpulangcayo ken ni Jehova; cunaenyo kencuana, Iccatem amin a kinadakes, ket awatennacami a sicacaasi; iti casta idatagminto cas vacvaca a daton dagiti bibigmi.

Levitico 10:17

Ania ti gapuna a dicay nangan ti daton gapu iti basol iti disso ti santuario, idinto nga isu nasantoan unay, ket intedna cadacayo a mangawit iti kinadakes ti gimong, tapno aramidenyo ti pannacaabbongda iti sango ni Jehova?

Zacarias 13:1

Iti daydiay nga aldaw addanto maysa nga ubbog a silulucat nga agpaay iti balay ni David ken cadagiti agnaed iti Jerusalem, maipaay iti basol ken maipaay iti kinarugit.

Numero 18:1

Ket ni Jehova kinunana ken Aaron, Sica ken dagiti annacmo a lallaki ken ti balay dagiti ammam agraman kenca, awitenyo ti kinadangkes ti santuario: ket sica ken dagiti annacmo a lallaki agraman kenca, awitenyonto ti kinadakes ti kinapadiyo.

Numero 18:23

Ngem dagiti Levitas aramidendanto ti annong ti tolda ti gimong, ket baclayendanto ti kinadakesda: isu ti maalagadto iti agnanayon cadagiti capcaputotanyo ken cadagiti annac ti Israel, isuda awanto ti tawidda.

Numero 21:9

Ket ni Moises inaramidna ti maysa a sinan-uleg nga suer ket imbayogna iti maysa a monmon: ket naaramid a no maysa nga uleg kimmagat iti maysa a tao, no isu cumita idi sinan-uleg a suer, nagbiag.

Numero 7:27

Maysa a bumaro a vaca, maysa a carnero a lalaki, maysa a cordero a lalaki nga agtawen iti maysa, nga agservi a daton a mapuuran;

Numero 7:39

Maysa a bumaro a vaca, maysa a carnero a lalaki maysa a cordero a lalaki nga agtawen iti maysa, a daton a mapuuran;

San Mateo 1:21

Ket aganacto iti maysa a lalaki; ket panaganamto iti Jesus; ta isu isalacannanto ti ilina cadagiti basbasolna.

San Mateo 20:28

A cas met ti Anac ti tao saan nga immay tapno parservian, no di ket tapno agservi ken itedna ti biagna, a maysa a subbot cadagiti adu.

San Juan 1:35

Iti sumuno nga aldaw agtatacder manen ni Juan ken dua cadagiti adalanna;

San Juan 1:36

Ket kinitana ni Jesus a magmagna ket cunana: Adtoy ti Cordero ti Dios!

San Juan 1:43

Iti sumuno nga aldaw kinayat ni Jesus ti mapan idiay Galilea, ket masaracanna ni Felipe, ket cunana kencuana: Surutennac.

San Juan 2:1

Ket iti maicatlo nga aldaw naaramid ti maysa a panagpaboda idiay Cana ti Galilea; ket adda idiay idi ti ina ni Jesus.

San Juan 3:16

Ta casta la unay ti panagayat ti Dios iti lubong; nga intedna ti Anacna a Bugbugtong, tapno amin a mamati kencuana, saan a mapucaw, no di ket adda biagna nga agnanayon.

San Juan 4:42

Ket kinunada iti babai: Ita mamaticami, saan a gapu iti saom; ta dacami met laeng nangngegmi, ket ammomi a pudno a daytoy ti Manangisalacan ti lubong.

San Juan 6:51

Siac ti tinapay a sibibiag a bimmaba nanipud langit: no adda mangan itoy a tinapay, agbiagto nga agnanayon, ket ti tinapay nga itdecto, a pacabiagan ti lubong isu ti lasagco.

Dagiti Aramid 13:39

Ket dagiti isu-amin a dicay nacajustificaran gapu iti linteg ni Moises, gapu kencuana majustificaran amin a mamati.

Dagiti Aramid 8:32

Ket ti paset ti surat a basbasaenna, isu daytoy: Naipan iti pagpartian a cas la carnero a cabayan; ken cas la urbon ti carnero nga agumel iti sangoanan ti mamukis kencuana, casta a dina luctan ti ngiwatna:

1 Taga-Corinto 15:3

Ta immuna inyawatco cadacayo ti inawatco met, a ni Cristo natay gapu cadagiti basbasoltayo, cas mayalubog cadagiti Sursurat;

2 Taga-Corinto 5:21

Daydi saan a nacaammo ti basol, inaramidna a basol gapu cadatayo, tapno macapagbalintayo a kinalinteg ti Dios gapu kencuana.

Taga-Galacia 1:4

Isu nga intedna ti bagina gapu cadagiti basbasoltayo, tapno isalacannatayo itoy agdama a lubong a dakes, cas mayannurot iti nakem ti Dios ken Amatayo:

Taga-Galacia 3:13

Ngem ni Cristo sinubbotnatayo iti pannacailunod ti linteg, idi naaramid a lunod gapu cadatayo; ta adda a naisurat: Mailunod ti isu-amin a maibitin iti cayo;

1 Timoteo 2:6

Isu a nangted ti bagina a subbot gapu cadagiti amin a tao a pamanecnec cadagiti aldaw a maiparbeng;

Tito 2:14

Isu nga inyawatna ti bagina gapu cadatayo, tapno subbotennatay iti amin a kinadakes ken manggugur a maipaay kencuana met laeng ti maysa nga ili a cucuana, a naregta cadagiti naimbag nga ar-aramid.

Hebreo 1:3

Idinto nga isu ti raniag ti dayagna, ken ti napaypayso a ladawan ti kinadiosna, ket idinto a salimetmetanna dagiti isu-amin a banbanag iti sao ti pannacabalinna, idi naaramidnan ti pannacagugor dagiti basbasoltayo, nagtugaw iti macanawan ti Ari sadi ngato;

Hebreo 2:17

Gapuna maipaay idi nga iti isua-min mayasping coma cadagiti cacabsatna, tapno isu macapagbalin coma a maysa a cangatoan a padi, manangngaasi ken matalec, iti maipapan iti Dios, tapno icarona dagiti basbasol dagiti umili.

Hebreo 9:28

Casta met ni Cristo, idinto a naidaton iti naminsan, tapno awitenna dagiti basbasol dagiti adu, ti maicadua agparangto saan a gapu iti basol, no di ket maipaay iti pannacaisalacan dagiti agur-uray kencuana.

1 Pedro 1:19

No di ket gapu iti napateg a dara, daydi dara ni Cristo a cas dara ti maysa a cordero nga awan ti pagdacsanna ken tulawna:

1 Pedro 2:24

Isu met laeng a nangawit cadagiti basbasoltayo iti bagina iti rabaw di cayo, tapno idinto a nataytayo cadagiti basbasol, agbiagtayo a maipaay iti kinalinteg: gapu cadagiti sugsugatna naagasancayo.

1 Pedro 3:18

Ta ni Cristo nagsagaba met gapu cadagiti basbasol, iti naminpinsan daydi nalinteg gapu cadagiti nakil-lo, tapno iragpatnatayo iti Dios, idi napapatay no maipapan iti lasag, ngem sibibiag no maipapan iti espiritu:

1 Juan 2:2

Ket isu ti daton ti cappia gapu cadagiti basbasoltayo; ket saan laeng a gapu cadagiti basbasoltayo no di pay ket gapu iti isu-amin a lubong.

1 Juan 3:5

Ket ammoyo nga isu naiparangarang tapno iccatenna dagiti basbasol, ket awan basol kencuana.

1 Juan 4:10

Ket daytoy ti ayat, saan a gapu ta ayatentayo ti Dios, no di ket gapu ta isu inayatnatayo, ket imbaonna ti Anacna a daton a subbot cadagiti basbasoltayo.

Paltiing 1:5

Ken aggapu ken Jesu-Cristo, ti matalec a mamanecnec, ti inauna nga anac cadagiti natay, ken ti agturay cadagiti ar-ari ditoy daga: Iti daydiay mangdungdungngo cadatayo, ken nangluc-at cadatayo cadagiti basbasoltayo iti darana met laeng;

Paltiing 12:11

Ket isu inabacda gapu iti dara ti Cordero ken gapu iti sao ti pammanecnecda, ket dida kinailalaan dagiti biagda agingga ken patay.

Paltiing 13:8

Ket isu-amin dagiti agnaed iti rabaw ti daga pagdaydayawandanto, dagidiay saan a naisurat dagiti nagnaganda iti libro ti biag ti Cordero a napapatay, nanipud idi pannacabangon toy lubong.

Paltiing 14:1

Ket kimmitaac, ket adtoy ti Cordero agtatacder iti rabaw ti bantay Sion, ket naicuyogda kencuana dagiti sangagasut uppat a pulo ket uppat a ribo, nga addaan iti naganna ken ti nagan ni Amana, a naisurat cadagiti mugmugingda.

Paltiing 14:10

Isu met uminumto iti arac ti pungtot ti Dios, nga adda a naisagana nga awan aniaman a lalaocna iti copa ti pungtotna; ket matuocto iti apuy ken azufre, iti imatang dagiti santo nga angelna, ken iti imatang ti Cordero:

Paltiing 14:4

Dagitoy dagiti saan a natulawan cadagiti babbai; ta virgenda. Dagitoy dagiti sumursurot iti Cordero uray adino a papananna. Dagitoy nasubbotda cadagiti tattao, a cas da umuna a bungbunga a maipaay iti Dios ken iti Cordero.

Paltiing 15:3

Ket cancantaenda daydi canta ni Moises, nga adipen ti Dios, ken ti canta ti Cordero, a cuncunada: Dadackel ken nacascasdaawda dagiti ar-aramidmo, O Apo Dios, a Mannacabalin-amin; nalinteg ken napudno dagiti daldalanmo, Sica Ari cadagiti panpannawen.

Paltiing 17:14

Dagitoy gubatendanto ti Cordero; ket ti Cordero abakennanto ida, ta isu ti Apo dagiti ap-apo, ken Ari dagiti ar-ari, ket dagiti maicuyog kencuana, isuda dagiti maayaban ken mapili ken mapagtalcan.

Paltiing 19:7

Agragrag-otayo, ket agvivatayo, ket agdaydayawto kencuana ta dimteng ti panagboda ti Cordero, ket ti asawaenna nacasaganan.

Paltiing 19:9

Ket isu kinunana caniac: Agsuratca: Nagasat dagidiay naawis iti pangrabi-i a pagbodaan ti Cordero. Ket kinunana caniac: Dagitoy napudnoda a sao ti Dios.

Paltiing 21:14

Ket daydi bacud ti ciudad adda sangapulo ket dua a pamunganayanna ket cadacuada adda dagiti nagnagan dagiti sangapulo ket dua nga apostol ti Cordero.

Paltiing 21:27

Ket saanto a sumrec kencuana uray caano ti aniaman a narugit, wenno uray siasino nga agaramid ti macarimon wenno ulbod; no di laeng dagidiay adda a naisurat iti pagbasaan ti biag a cucua ti Cordero.

Paltiing 21:9

Ket maysa cadagiti pito nga angel nga addaanda cadagiti pito a malocong a napnoda cadagiti pito a camaudianan a pannaplit; immay ket nakisao caniac, a cuncunana: Umayca ditoy; ipakitacto kenca ti novia, ti asawa ti Cordero.

Paltiing 5:6

Ket nakitac, nga agtatacder iti nagtengngaan di trono ken dagiti uppat a parsua a sibibiag, ken dagidi lallacay, ti maysa a Cordero, a cas la napapatay idi: isu nga adda pito a sarana, ken pito a matana, nga isuda dagiti pito nga Espiritu ti Dios, a naibaon iti isu-amin a daga.

Paltiing 5:8

Ket idi a naalana daydi pagbasaan, dagiti uppat a parsua a sibibiag ken dagidi duapulo ket uppat a lallacay nagrucnoyda, iti sangoanan daydi Cordero, a ti tunggal maysa adda maysa nga arpana, ken malmalocong a balitoc a napno iti incienso, nga isuda dagiti carcararag dagiti sasanto.

Paltiing 6:1

Ket nakitac idi linuctan daydi Cordero daydi maysa cadagidi pito a sello; ket nangngegco daydi maysa cadagidi uppat a parsua a sibibiag, a nagcuna iti casla timec ti gurruod, Umayca.

Paltiing 6:16

Ket kinunada cadagiti banbantay ken cadagiti batbato: Agtinnagcayo cadacami, ket ilemmengdacami iti imatang daydiay agtutugaw iti trono, ken iti pungtot daydiay Cordero.

Paltiing 7:14

Ket kinunac kencuana: Apoc, sica ammom. Ket isu kinunana caniac: Dagitoy isuda dagiti naggapu iti dackel a rigat, ket binuggoanda dagiti pagananayda, ket pinapudawda ida iti dara ti Cordero.

Paltiing 7:17

Ta ti Cordero nga adda iti tengnga, ti trono, ipastorannanto ida, ket iturongnanto ida cadagiti ubbog ti danum ti biag ket punasento ti Dios ti amin a lulua cadagiti matada.