San Juan 1:18 - Ti Biblia (1973)

¹⁸ Awan ti nacakita iti Dios uray caano: ti Bugbugtong nga Anac, nga adda iti saclot ti Ama, isu ti nangipacaammo kencuana.

Ti Baro a Naimbag a Damag Biblia

¹⁸ Awan pay ti nakakita iti Dios. Ti laeng Bugbugtong nga Anak, a kadua ti Ama, isu ti nangipakaammo kenkuana.

San Juan 1:18 Iomraidhean Croise

Genesis 16:13

Ket inawaganna ti nagan ni Jehova a nakisao kencuana, Sica maysaca a Dios a macakita: ta kinunana, Sias diac nakita aya ditoy ti nacakita caniac?

Genesis 18:33

Ket pimmanao ni Jehova, a nalpas ti pannakisasaona ken Abraham: ket ni Abraham nagsubli iti yanna.

Exodo 23:21

Agannadcayo iti sangona, ket ipangagyo ti timecna; dicayo pagpungtoten; ta dinanto pacawanen ti salungasingyo: ta ti naganco adda kencuana.

Exodo 24:10

Ket nakitada ti Dios ti Israel; ket adda cas la nabaldosaan iti bato a zafiro iti babaen dagiti dapanna, ket cas la pumadpad iti langit gapu iti lawagna.

Dagiti Proverbio 8:30

Idin addaac iti sibayna a cas mamangolo nga agobra; ket siac ti pagrag-oanna, nga inaldaw siraragsacac a canayon iti sangona,

Isaias 40:11

Pagarabennanto ti arbanna a cas la maysa nga agpaspastor, urnongennanto dagiti cordero iti tackiagna, ken awitenna ida iti barucongna, ket idalannanto a nainayad dagiti adda urbonda.

Dungdung-aw 2:12

Cunaenda cadagiti innada, sadino ti yan ti bagas ken arac? Indinto a matalimudawda cas cadagiti nasugat cadagiti lansangan ti ili, idinto a ti cararuada maibuyat iti saclot dagiti innada.

Numero 12:8

Kencuana makisaoacto iti ngiwanngiwat a nabatad met laeng, ket saan a iti nalimed a palpalawag; ket makitananto ti langa ni Jehova: ania ti gapuna ngarud a dicay la nagbuteng a nagsao iti maicaniwas ken adipenco, iti maicaniwas ken Moises?

San Mateo 11:27

Amin dagiti banag inyawat caniac ni Amac; ket awan ti macaamammo iti Anac no saan a ti Ama; ket awan met ti macaamammo iti Ama, no saan a ti Anac, ken daydiay cayat a pangipaltiinganto ti Anac.

San Lucas 10:22

Amin dagiti banag inyawat caniac ni Amac; ket awan ti macaammo no asino ti Anac no di ni Ama; ken no asino ni Ama no di ti Anac ken dayta cayat a pangipacdaaran ti Anac.

San Juan 1:14

Ket daydi a Verbo nagbalin a lasag, ket nakipaggian cadatayo: (ket nakitami ti dayagna, a cas la iti dayag ti Bugbugtong nga Anac ti Ama), napno ti parabur ken pudno.

San Juan 12:41

Dagitoy sinao ni Isaias, ta nakitana ti dayagna, ket nagsao ti maipapan kencuana.

San Juan 13:23

Ket maysa cadagiti adalanna, daydi dinungdungngo ni Jesus, adda a nagsadag iti barucong ni Jesus.

San Juan 14:9

Ni Jesus cunana kencuana: Nabayag nga aldaw nga addaac cadacayo, ket dinac nailasin. Felipe? Ti nacakita caniac, nakitana ni Ama, Apayapay a cunaem: Ipakitam cadacami ti Ama?

San Juan 17:26

Ket impacaammoc cadacuada ti naganmo ket ipacaammocto; tapno ti ayat a panangayatmo caniac, adda coma cadacuada, ken siac cadacuada.

San Juan 17:6

Impalawagco ti naganmo cadagiti tao nga intedmo caniac, itoy lubong: cucuam ida idi ket intedmo ida caniac, ket sinalimetmetanda ti saom.

San Juan 3:11

Pudno, pudno, cunac kenca a ti ammomi saoenmi, ket ti nakitami, sacsianmi; ket dicay awaten ti pangpanecnecmi.

San Juan 6:46

Awan ti tao a nacakita ken Ama, no di ket ti naggapu iti Dios, isu ti nakakita ken Ama.

2 Taga-Corinto 4:4

Cadacuada ti dios a nailubongan binulsecna dagiti isisip dagiti saan a mamati, tapno di agraniag cadacuada ti lawag ti evangelio ti dayag ni Cristo, isu a ladawan ti Dios.

Deuteronomio 4:12

Ket ni Jehova nakisao cadacayo nanipud ti tengnga ti apuy: nangegyo ti timec dagiti balbalicas ngem awan nakitayo a langa; isuna laeng a nangngegyo ti maysa a timec.

Taga-Colosas 1:15

Isu a ladawan ti Dios a di makita, ti anac nga inauna cadagiti amin a naparsua;

1 Timoteo 1:17

Ket iti ari cadagiti ginasgasut a tawen, saan a matay, di makita, iti maymaysa a Dios madaydayaw ken mapadayag coma iti agnanayon nga awan inggana, Amen.

1 Timoteo 6:16

Isu laeng nga adaan iti saan nga ipapatay, nga agnaed iti maysa a lawag a di maasitgan, isu a saan a nakita ti uray siasino a tao, ket di met mabalin a kitaen: isu a madaydayaw ken agturay iti agnanayon, Amen.

Josue 5:13

Ket naaramid, nga idi a ni Josue adda iti denna ti Jerico, nga intangadna dagiti matana ket kimmita, ket adtoy, ti maysa a lalaki a nagtacder iti sangona a siaasut ti campilanna idi imana: ket ni Josue immasideg kencuana, ket kinunana kencuana, Sica cumapponca cadacami? wenno sica cumabusorca cadacami?

1 Juan 4:12

Awan ti tao a nacakita iti Dios uray caano; no agayanayattayo, ti Dios agtaeng cadatayo, ket ti ayatna nagdanunan cadatayo:

1 Juan 4:20

No adda agcuna: Siac ayatec ti Dios, ket guraenna ni cabsatna, isu ti maysa a naulbod ta ti saan nga agayat iti cabsatna, isu a nakitana, saanna a mabalin nga ayaten ti Dios, isu a dina nakita.

1 Juan 4:9

Daytoy ti nacaiparangarangan ti ayat ti Dios cadatayo, nga imbaon ti Dios ti Anacna a bugbugtong ditoy lubong, tapno agbiagtayo gapu kencuana.

1 Juan 5:20

Ket ammotayo a ti Anac ti Dios immay, ket iniccannatay ti pannacaawat, tapno mabigbigtayo daydiay a napudno; ket datayo agtaengtayo iti daydiay a napudno nga isu ni Anacna a Jesu-Cristo. Daytoy isu ti pudno a Dios ken ti biag nga agnanayon.