San Juan 1:15 - Ti Biblia (1973)

¹⁵ Ni Juan panecnecanna ti maipapan kencuana, ket nagickis a cuncunana: Daytoy isu daydi kinunac: Dayta umay sumaruno caniac, una-annac, ta immununa idi ngem siac.

Ti Baro a Naimbag a Damag Biblia

¹⁵ Pinaneknekan ni Juan ti maipapan kenkuana ket impukkawna: “Isu daytoy ti ibagbagak idi kinunak, ‘Umay a sumarsaruno kaniak, nupay kasta, natantan-ok ngem siak, ta addan sakbay a nayanakak.’”

San Juan 1:15 Iomraidhean Croise

Dagiti Proverbio 8:22

Ni Jehova inicutannac idi pangrugian ti dalanna, idi casacbayan dagiti ar-aramidna idi ugma.

Isaias 9:6

Ta nayanac ti maysa nga ubing cadatayo, maysa nga anac a lalaki ti naited cadatayo; ket ti panangituray maiparabawto iti abagana: ket ti naganna magaladanto iti Nacascasdaaw, Mamagbaga, Mannacabalin a Dios, Agnanayon nga Ama, Principe ti Cappia.

Mikias 5:2

Ngem sica, Belen Efrata, sica a bassitca cadagiti rinibribu ti Juda, kenca rumuarto ti maysa nga umay caniac nga agbalin nga agturay iti Israel; a dagiti iruruarna nanipudda idi ugma, nanipud iti kinaagnanayon.

San Mateo 3:11

Siac kinapudnona, bautizarancayo iti danum a maipaay iti panagbabawi; ngem dayta umay sumaruno caniac adadda ti pannacabalinna ngem siac; dagiti zapatos daytoy saanac a maicari nga agiggem; isu bautizarannacayto iti Espiritu Santo ken apuy.

San Marcos 1:7

Ket nangascasaba a cuncunana: Umay iti malicudac ti adadda ti pannacabalinna ngem siac, diac maicari uray pay agdumogac a mangwarwar iti galut dagiti zapatosna.

San Lucas 3:16

Simmungbat ni Juan a kinunana cadacuada amin: Siac, kinapudnoanna, bautizarancayo iti danum; ngem umayto ti sabali nga adadda ti pannacabalinna agem siac, isu a diac maicari a mangwarwar iti galut ti zapatosna: isu bautizarannacayto iti Espiritu Santo ken ti apuy;

San Juan 1:27

Daytoy umay sumaruno caniac saanac a maicari a mangwarwar ti galut ti zapatosna.

San Juan 17:5

Ket ita, Ama, padayawannac kenca met laeng iti dayag nga adda caniac idi, iti dinnam, idi awan pay ti lubong.

San Juan 8:58

Kinuna cadacuada ni Jesus: Pudno, pudno, cunac cadacayo, idi casangoanan ti pannacayanac ni Abraham, addaacon.

Taga-Colosas 1:17

Ket isu ti umuna cadagiti isu-amin nga adda, ket isu-amin a banbanag addada kencuana.

Hebreo 13:8

Ni Jesu-Cristo isu met laeng idi calman, ken ita, ken iti agnanayon.

Paltiing 1:11

A cuncunana: Ti makitam, isuratmo iti maysa a pagbasaan ket ipawitmo cadagiti pito nga Iglesia: idiay Efeso, ken idiay Smirna, ken idiay Pergamo, ken idiay Tiatira, ken idiay Sardis, ken idiay Filadelfia ken idiay Laodicea.

Paltiing 2:8

Ket isuratmo iti angel ti Iglesia ti Smirna: Dagitoy a banbanag cuna ti umuna ken ti camaudianan, daydi natay, ket nagbiag manen: