San Juan 1:14 - Ti Biblia (1973)

¹⁴ Ket daydi a Verbo nagbalin a lasag, ket nakipaggian cadatayo: (ket nakitami ti dayagna, a cas la iti dayag ti Bugbugtong nga Anac ti Ama), napno ti parabur ken pudno.

Ti Baro a Naimbag a Damag Biblia

¹⁴ Nagbalin a tao ti Sao ket nakipagtaeng kadatayo; napnoan iti parabur ken kinapudno. Nakitami ti dayagna, ti dayag nga inawatna kas kakaisuna nga Anak ti Ama.

San Juan 1:14 Iomraidhean Croise

Dagiti Salmo 2:7

Siac ibagacto ti maipapan iti bilin: ni Jehova kinunana caniac, Sica ti anacco; daytoy nga aldaw siac pinutotca.

Dagiti Salmo 45:2

Nasaysayaatca ngem dagiti annac dagiti tattao; ti gracia naibuyat cadagiti bibigmo: Anansata ti Dios binendicionannaca nga agnanayon.

Dagiti Salmo 85:9

Pudno a ti panangisalacanna asideg cadagiti agbuteng kencuana, tapno ti dayag agtaeng iti dagatayo.

Isaias 40:5

Ken ti dayag ni Jehova maiparangarangto, ken amin a lasag isu ti makitadanto amin; ta ti ngiwat ni Jehova insaona.

Isaias 53:2

Ta isu dimmackel iti sangoananna a cas maysa a naganus a mula, ken cas maysa a ramut nga agtaud iti namaga a daga: isu awan ti buyana wenno sayaatna; ket no isu makitatayo, awan ti kinaimnasna, tapno tarigagayantayo coma.

Isaias 7:14

Gapuna a ti Apo met laeng iccannacayonto iti maysa a pagilasinan: adtoy, a maysa a virgen agsicogto, ken mangipasngayto iti maysa nga anac a lalaki, ket maigaladto iti naganna nga Emmanuel.

Ezekiel 37:27

Ti tabernaculoc met addanto cadacuada; ket siacto ti Diosda, ket isudanto ti ilic.

San Mateo 1:16

Ket ni Jacob pinutotna ni Jose, asawa ni Maria, a nacayanacan ni Jesus a managan ti Cristo.

San Lucas 2:11

Ta ita nga aldaw nayanac cadacayo idiay ili ni David, ti maysa a Manangisalacan, isu ti Cristo nga Apo.

San Lucas 2:7

Ket impasngayna ti anacna nga inauna, ket binungonna ti lampin, ket impaiddana iti maysa a col-loong; ta awan ti lugarda iti pagdagusan.

San Lucas 9:32

Ngem ni Pedro ken dagidi caduana, macaturogda unay ket idinto a nagriingda, nakitada ti dayagna ken dagidi dua a lallaki nga caduana.

San Juan 1:1

Idi punganay adda ti Verbo, ket ti Verbo adda iti Dios, ket ti Verbo isu, Dios.

San Juan 11:40

Ni Jesus cunana kencuana: Diac aya kinuna kenca, a no mamatica, makitam ti dayag ti Dios?

San Juan 14:6

Ni Jesus cunana kencuana: Siac ti dalan, ken ti pudno ken ti biag; awan ti umay ken Ama, no di magna caniac.

San Juan 14:9

Ni Jesus cunana kencuana: Nabayag nga aldaw nga addaac cadacayo, ket dinac nailasin. Felipe? Ti nacakita caniac, nakitana ni Ama, Apayapay a cunaem: Ipakitam cadacami ti Ama?

San Juan 17:22

Ket ti dayag nga intedmo caniac, intedco cadacuada; tapno agmaymaysada coma; a cas met coma cadata nga agmaymaysa;

San Juan 17:24

Ama, ti intedmo caniac cayatco a no adino ti yanco, addada met coma a maicuyog caniac; tapno makitada ti dayagco nga intedmo caniac: ta inayatnacon idi saan pay a nabangon ti lubong.

San Juan 18:37

Kinuna ngarud ni Pilato kencuana: No casta ngarud, arica? Simmungbat ni Jesus; Cunam nga ariac, Nayanacac gapu itoy, ken gapu itoy immayac ditoy lubong, tapno panecnecac ti pudno, Isu-amin nga aggapu iti pudno, denggenna ti timecco.

San Juan 2:11

Daytoy a pangrugian dagiti datdatlag a inaramid ni Jesus idiay Cana ti Galilea, ket impakitana ti dayagna; ket dagiti adalanna namatida kencuana.

San Juan 3:16

Ta casta la unay ti panagayat ti Dios iti lubong; nga intedna ti Anacna a Bugbugtong, tapno amin a mamati kencuana, saan a mapucaw, no di ket adda biagna nga agnanayon.

San Juan 3:18

Ti mamati kencuana, saan a maocom; ngem ti di mamati kencuana, naocomen, agsipud ta saan a namati iti nagan ti Bugbugtong nga Anac ti Dios.

San Juan 6:51

Siac ti tinapay a sibibiag a bimmaba nanipud langit: no adda mangan itoy a tinapay, agbiagto nga agnanayon, ket ti tinapay nga itdecto, a pacabiagan ti lubong isu ti lasagco.

San Juan 8:32

Ket maammoanyonto ti pudno, ket ti kinapudno luc-atannacayto.

Dagiti Aramid 13:33

Isu a tinungpal ti Dios cadagiti annactayo, a pinagungarna ni Jesus: a cas met iti naisuraten iti Salmo a maicadua: Sica ti Anacco; pinutotca itoy nga aldaw.

Taga-Roma 8:3

Ta ti saan a mabalinan ti linteg, idinto a napacapuy gapu iti lasag, inaramid ti Dios, nga imbaonna ti Anacna a caasping ti lasag a managbasol ket gapu iti basol, impatayna ti dusa ti basol iti lasag:

Taga-Roma 9:5

Isuda a makin-ama cadagiti amma ket isuda ti nagtaudan ni Cristo no maipapan iti lasag; isu a nangnangrona ngem cadagiti isu-amin, bendito ti Dios nga agnanayon. Amen.

1 Taga-Corinto 15:47

Daydi immuna a tao nabukel iti daga, naidagaan; ngem daydi maicadua a tao nailangitan.

2 Taga-Corinto 12:9

Ket isu kinunana caniac: Ti paraburco macaanay kenca; ta ti pannacabalinco mangan-anay ti kinacapuy. Gapuna, siraragsacac unay nga agpasindayaw a nangnangrona cadagiti kinacapuyco, tapno ti pannacabalin ni Cristo salucubannac.

Taga-Galacia 4:4

Ngem idi nadanunan ti aldaw, ti Dios imbaonna ti Anacna, a nayanac iti babai, nayanac iti babaen ti linteg,

Taga-Efeso 3:8

Caniac, a siac ti canomoan cadagiti isu-amin a sasanto, naited daytoy a parabur ti panangicascasabac cadagiti Gentil dagiti di matucod a kinabacnang ni Cristo;

Taga-Colosas 1:19

Ta macaay-ayo iti Ama a ti amin a pannacapunno agtaeng kencuana;

Taga-Colosas 2:3

Isu a nacailemmengan dagiti isu-amin a gameng ti sirib ken pannacaammo.

Taga-Colosas 2:9

Ta kencuana agtaeng ti naananay a Kinadios a sibubukel,

1 Timoteo 3:16

Ket awan duadua, dackel ti palimed ti kinasanto: Daydi naiparang iti lasag, Napanecnecan iti espiritu, Nakita dagiti angel, Naicascasaba cadagiti nacion, Napapati ditoy lubong, Naipangato sadi gloria.

Hebreo 1:3

Idinto nga isu ti raniag ti dayagna, ken ti napaypayso a ladawan ti kinadiosna, ket idinto a salimetmetanna dagiti isu-amin a banbanag iti sao ti pannacabalinna, idi naaramidnan ti pannacagugor dagiti basbasoltayo, nagtugaw iti macanawan ti Ari sadi ngato;

Hebreo 1:5

Ta siasino cadagiti angel ti nagcunaan ti Dios uray caano: Sica ti Anacco, Itoy nga aldaw binukelca? ket sabali pay: Siacto ti Amana, Ket isunto ti Anacco?

Hebreo 10:5

Gapuna iti iseserrecna iti lubong, cunana: Daton ken sagut saanmo ida a kinayat, Ngem maysa a bagi ti insaganam caniac;

Hebreo 2:11

Ta ti mamagsanto ken dagiti mapagsanto agtaudda amin iti maymaysa gapuna saan nga agbain a mangnagan cacabsat cadacuada,

Hebreo 5:5

Iti casta uray ni Cristo saanna nga indayaw ti bagina a nagakem a cangatoan a Padi no di ket daydiay nagsao kencuana: Sica ti Anacco, Itoy nga aldaw binukelca:

1 Juan 4:14

Ket dacami nakitami ket sacsianmi a ti Ama imbaonna ti Anac a Manangisalacan iti lubong.

1 Juan 4:9

Daytoy ti nacaiparangarangan ti ayat ti Dios cadatayo, nga imbaon ti Dios ti Anacna a bugbugtong ditoy lubong, tapno agbiagtayo gapu kencuana.

2 Juan 1:7

Ta adu dagiti mangalallilaw a limtuad ditoy lubong, a dida umanamong a ni Jesu-Cristo immay a naglasag. Dayta ti mangalallilaw ken isu ni anti-cristo.

Paltiing 19:13

Ket nagcawes iti maysa a pagananay a naparparsiacan iti dara; ket ti naganna isu ti VERBO TI DIOS.

Paltiing 21:3

Ket nangngegco ti maysa a dackel a timec a naggapu iti trono nga agcuncuna: Adtoy ti tabernaculo ti Dios adda cadagiti tattao, ket isu makipagnaedto cadacuada, ket isudanto dagiti tattaona, ket ti Dios met laeng addanto cadacuada, a Dios da: