Josue 9:3 - Ti Biblia (1973)

³ Ngem idi a dagiti agnaed iti Gabaon natimudda no ania ti inaramid idi ni Josue iti Jerico ken iti Ai,

Ti Baro a Naimbag a Damag Biblia

³ Ngem nadamag dagiti Heveo nga agnaed iti Gabaon ti inaramid ni Josue iti Jerico ken iti Ai

Josue 9:3 Iomraidhean Croise

2 Samuel 2:12

Ket ni Abner nga anac ni Ner, ken dagiti ad-adipen ni Isboset nga anac ni Saul, rimmuarda a naggapu iti Mahanain agingga iti Gabaon.

1 Cronicas 12:4

Ken ni Ismaias a Gabaonita, a maysa a maingel a lalaki cadagiti tallopulo, ken ngatoen dagiti tallopulo, ken ni Jeremias, ken ni Jahaziel, ken Johanan, ken Jozabad a Gederatita,

2 Cronicas 1:3

Iti casta ni Salomon, ken iti amin a gimong a naicuyog kencuana, napanda iti nangato a disso nga adda idi idiay Gabaon; ta adda idiay idi ti tolda ti gimong ti Dios, a ni Moises nga adipen ni Jehova inaramidna idiay let-ang.

Jeremias 28:1

Ket naaramid iti dayta met laeng a tawen, idi damo ti panagturay ni Sedekias nga ari ti Juda, iti maicapat a tawen, ti maicalima a bulan, a ni Hananias nga anac a lalaki ni Azur a mammadto, nga adda idi idiay Gabaon, nagsao caniac iti balay ni Jehova, iti sangoanan dagiti papadi ken ti amin nga umili, a kinunana,

Josue 10:1

Naaramid, idi a ni Adonisedec nga ari ti Jerusalem natimudna no casano ti panangala ni Josue iti Ai, ket isu dinadaelna a tinalipupus (a no casano ti inaramidna iti Jerico ken iti arina, casta met ti inaramidna iti Ai ken iti arina), ken no casano ti pannakicappia dagiti agnaed iti Gabaon iti Israel, ket addada idi cadacuada;

Josue 10:2

A nagamacda unay, agsipud ta ti Gabaon isu idi ti maysa nga ili a dackel, a maysa cadagiti naarian nga il-ili, ken agsipud ta dacdackel pay ngem iti Ai, ket isu-amin dagiti tattaona mamaingelda.

Josue 10:28

Ket ni Josue innalana ti Maceda iti daydi nga aldaw, ket isu kinabilna iti tadem ti campilan, ken castamet ti arina: ket dinadaelna nga inkisap ida ken isu-amin a carcararua nga agnaed kencuana: awan a pulos ti tiniddana: ket inaramidna iti ari ti Maceda ti cas inaramidna iti ari ti Jerico.

Josue 10:30

Ket ni Jehova isu inyawatna met, ken castamet ti arina, iti ima ti Israel; ket isu kinabilna iti tadem ti campilan, ken isu-amin a carcararua nga agnaed kencuana; awan ti tiniddana; ket inaramidna iti arina cas ti inaramidna iti ari ti Jerico.

Josue 11:19

Awan ti ili a nakicappia cadagiti annac ti Israel, malacsid dagiti Heveos a nagtaeng idiay Gabaon: isuda amin innalada iti gubat.

Josue 18:25

Gabaon, ken Rama, ken Beerot,

Josue 21:17

Ket naggapu iti caputotan ni Benjamin, ti Gabaon agraman cabangibangna, ti Geba agraman cabangibangna,

Josue 9:17

Ket dagiti annac ti Israel nagnada, ket dimtengda cadagiti il-ilida iti maicatlo nga aldaw. Ket dagiti il-ilida isuda idi ti Gabaon, ken Cafira, ken Berot, ken Kiryat-jearim.

Josue 9:22

Ket ni Josue inayabanna ida, ket nagsao cadacuada, a cunana, Apayapay aya nga inallilawdacami, a kinunayo, Adayucami unay cadacayo: idinto a makipagtaengcayo cadacami?

Josue 9:4

Isuda nangaramatda met iti sicap, ket napanda ket nagaramidda a casda la nabaon, ket nangalada cadagiti supsupot a daan nga imparabao cadagiti asnoda, ken cadagiti lallalat a pagiccan ti arac, daan ken napigis, ken napunggos,