Josue 8:3 - Ti Biblia (1973)

³ Iti casta ni Josue timmacder, ken amin dagiti tattao ti gubat, a mapan sumang-at idiay Ai: ket ni Josue pimmili iti tallo ribu a tattao, tattao a mamaingel, ket imbaonna ida iti rabii.

Ti Baro a Naimbag a Damag Biblia

³ Iti kasta, nagsagana ni Josue ken ti amin a mannakigubat a sumang-at idiay Ai. Nangpili iti 30,000 kadagiti kalaingan a mannakigubat, ket imbaonna ida iti rabii.

Josue 8:3 Iomraidhean Croise

Exodo 17:9

Ket ni Moises kinunana ken Josue, Agpilica iti biangtayo cadagiti lallaki, ket inca, makibacalca iti Amalec: intono bigat agtacderacto iti pantoc ti turod a siiggemac iti sarucod ti Dios.

San Mateo 24:39

Ket dida naawatan agingga iti yaay ti layus, ket inyayusna ida amin; castanto ti yaay toy Anac ti tao.

San Mateo 24:50

Umayto ti apo daydiay nga adipen iti aldaw a dina panangururay, ken iti horas a dina ipagpagarup.

San Mateo 25:6

Ngem iti tengnga ti rabii, adda maysa nga puccaw, a cuncunana Adtoy ti novio: Rummuarcayo a sumabet kencuana.

1 Taga-Tesalonica 5:2

Ta dacayo met laeng ammoyo a naimbag a cas iti mannanacaw iti rabii, casta ti iyaay ti aldaw ti Apo.

Josue 10:7

Iti casta ni Josue simmang-at nanipud Gilgal, isu ken isu-amin dagiti tattao ti gubat kencuana, ken isu-amin dagiti tattao nga agcacamaingel.

Josue 8:2

Ket aramidemto iti Ai ken iti arina ti cas inaramidmo iti Jerico ken iti arina: isuna laeng ti samsamna, ken dagiti an-animalna, ti alaemto a cayawyo: mangisaadca iti maysa a pagsaneban a maipaay iti ili iti licudanna.

Josue 8:4

Ket imbilinna cadacuada, a cunana, Adtoy, agsanebcayto a maibusor iti ili iti licudan ti ili; dicayo adayuan unay ti ili, no di ket sisasaganacayo amin:

2 Pedro 3:10

Ngem ti aldaw ti Apo umayto a cas la mannanacaw, aldaw a dagiti langlangit aglabasdanto a buyugen ti dackel a daranudor, ket dagiti elelemento mawarawaradanto babaen a sumsumged a pudot; ti met daga ken dagiti ar-aramid nga addada kencuana mauramdanto.

Uk-ukom 9:32

Gapuna ita tumacderca iti rabii, sica ken dagiti tattao nga adda kenca, ket agsanebcayo idiay away: